Премьер лигийн эхний тойрог өнгөрсөн амралтын өдрүүдэд явагдлаа. Эхний тойрогтой холбоотой статистик мэдээллээс хүргэе.

0 – Нээлтийн тойрогт 10 тоглолт болоход нэг ч тэнцээ гараагүй нь 1980 оноос хойшхи анхны тохиолдол боллоо.

0 – Премьер лиг эхэлснээс хойш Астон Вилла талбай дээрээ Уиганыг нэг ч хожоогүй хэвээр. 5 тоглохдоо 3 хожигдож 2 тэнцжээ.

0 – Халл Сити Челсиг талбайд нь нэг ч удаа хожиж байгаагүй гэнэ.

1 – Уиган улирлын нээлтийн тоглолтонд анх удаа хожлоо. Өмнө нь дандаа хожигдож байжээ.

1 – Ливерпулын Самми Ли талбайгаас хөөгдсөн энэ улирлын анхны туслах дасгалжуулагч болов.

3 – 3 шинэ дасгалжуулагч ПЛ дэх гараагаа хийв. Тэд бол Челсигийн Карло Анчелотти, Уиганы Роберто Мартинез, шинэ баг Барнлигийн Оуэн Койл нар .

4 – Фулхэм Портсмутын Фраттон Паркт зочилсон сүүлийн 4 тоглолтондоо хожигдоогүй, 2 хожиж, 2 тэнцжээ.

5 – Арсенал Гудисон Паркт Эвертоныг 6:1-ээр хожиж, ПЛ-ийн эхний тойргийн хамгийн том ялалтын рекордтой зэрэгцжээ. Өмнө нь 2001 онд Болтон Лейстерийг 5:0-ээр, 1994 онд Ливерпуль Кристал Паласийг 6:1-ээр тус тус хожиж байж.

5 – Манчестер Сити Блекбэрний Ивуд Паркт лигтээ 2003 оноос хойш анх удаа  хожжээ.

6 – Челси өнгөрсөн улирлыг оролцуулаад лигтээ 6 дараалан хожлоо.

6 – Фулхэм сүүлийн 6 улирлын эхний тоглолтноос анхны хожлоо авчээ.

6 – Эвертон улирлын нээлтийг өөрийн талбайдаа 6 жил дараалан хийж байна. Эдгээр 6-ынхаа 5-д нь хожигджээ.

6 – 6 тоглогч дебютээ хийхдээ гоолджээ. Тэд бол Эммануэл Адебайор (Манчестер Сити), Стефен Хант (Халл), Даррен Бент (Сандерланд), Томас Вармаелин (Арсенал), Себастьян Бассонг (Тоттенхэм)

7 – Тоттенхэм өнгөрсөн улирлыг оролцуулаад талбай дээрээ 7 дараалан хожлоо. Мөн 2008 оны 11 сарын 30-наас хойш талбайдаа хийсэн 12 тоглолтонд хожигдоогүй явна.

8 – Челси сүүлийн 8 улирлын эхний тоглолтондоо бүгдэд нь хожжээ.

11 – Сандерланд лигтээ айлын талбайд хийсэн сүүлийн 11 тоглолтноос анхны хожлоо авав.

20 – Манчестер Юнайтед сүүийн 20 улирлын ПЛ-ийн эхний тоглолтонд огт хожигдоогүй хэвээр.

22 – Манчестер Юнайтед 1978 оноос хойш Бирмингэмд 22 тоглолт дараалан хожигдоогүй.

25 – Халлын Бернард Мэнди шар хуудас авсан энэ улирлын анхны тоглогч. Эхний тойрогт нийт 25 шар хуудсаар тоглогчид торгуулжээ.

28 – Стивен Хант 3.5 сая фунтээр үнэлэгдэн Халлд ирсэн. Тэрээр шинэ багтаа эхний тоглолтоо хийн талбайд гараад 28 минутын дараа гоол хийв.

33 – Оуэн Койлийн удирдлага дор 33 жилийн дараа Барнли дээд дивизионд тоглолт хийв.

99 – Уэйн Рунид 100 гоолтой болоход 1 гоол дутуу байна. Тэрээр Манчестер Юнайтедийн төлөө нийт 99 гоол хийжээ.

100 – Кристофер Самба Блекбэрний төлөө 100 дахь тоглолтоо хийлээ.

140 – Сандерланд Болтоны 140 дэх тоглолт Болтоны хожлоор төгсжээ.

150 – Барнлигийн Уэйд Эллиот лигийн 150 дахь тоглолтондоо гараанд гарчээ.

191 – Астон Виллагийн хаалгач Брэд Фридель ПЛ-д тоглолт алгасаагүй дараалан тоглосон дээд амжилтыг 191 болгов.

252 – Эвертон ПЛ-д нийтдээ 252 хожигдоод байгаа нь бусад багуудаас хамгийн их тоо.