Рубенс Баррикелло 57 тойрог бүхий  Европын гран прид багийнхаа сайн тактик, өөрийн алдаагүй уралдаан, Макларений “тэнэг” алдааны ачаар түрүүллээ. Валенсид авсан энэ түрүү нь Бразил эрийн кареерийнх нь 10 дахь, 2004оны Шанхайн гран пригээс хойшхи анхных нь болов. Өөр нэгэн Бразил Фелипе Массаг гэмтэлтэй үед нь түрүүлж, эмоц ихтэй эх орон нэгтнүүдээ баярлуулсан нь тодорхой. Баррикелло одоогоор ДАШТ-ыг хувийн дүнгээр тэргүүлж байгаа багийн анд Ж. Баттоноос 18 онооны дутуу 2-рт бичигдэж байна.

281 дэх уралдаандаа оролцож, 10 дахь түрүүгээ авсан Баррикелло түрүүлснийхээ дараа “Үнэхээр гайхамшигтай. Энэ долоо хоногийг би мартахгүй. Ялангуяа 5 жилийн дараа дахин түрүүлнэ гэдэг үнэхээр сайхан байна ” гэжээ.

Макларений Льюис Хэмилтон байрлал тогтоох уралдаанд тэргүүлж, жинхэнэ уралдааны гараагаа ч маш сайн хийн уралдааныг итгэлтэй  хошуучилж байсан ч 38-р тойрогт пит стопт цэнэглэхээр зогсоход нь багийнхан нь хөөдөж орхилоо. Макларений питлайны ажилчид Хэмилтонд дугуй бэлдээгүй байснаас болж питэд 14 секунд зогсоосон юм. Энэ хугацааг алдсанаар Баррикеллог гүйцэхээс өнгөрсөн болно.

Мөн поул позишнд дэд байр эзэлсэн Макларений Хейкки Ковалайнен байраа хадгалж чадсангүй, 4-т орлоо. Баррикеллогоос гадна Ферраригийн дэлхийн аварга Кими Райкконен Хейккигийн урд гарч дөнгөсөн. Кими гараанаас 6-аар гараад эхний эргэлтнээс өмнө 4-т орж чадсан. Улмаар Ковалайненийг гүйцэн 2 гран при дараалан подиум дээр оргилуун дарс буудуулав.

Энэ улиралд амжилттай уралдаж байсан Ред Булл Валенсид бүтэлгүй байлаа. Баррикелло 10 оноо авснаар энэ гараанд оноо аваагүй Марк Уэббэр, Себьястан Феттель нарын өмнө нийлбэр дүнгээр бичигдэж эхэлсэн юм. Мөн Зохион бүтээгчдийн цомд Браун Жи Пигээс олон оноогоор хоцорч байна.

Нико Росберг дажгүй үзүүлэлтээ үргэлжлүүлж 5-р байр эзлэв. Тэрээр одоогийн байдлаар 29.5 оноотойгоор 5-рт байгаа бол багийнх нь Япон нисэгч К. Накажима нэг ч оноо авч чадаагүй байна.

Нутагтаа уралдаж байгаа Фернандо Алонсо 6-рт орсон нь чамлалттай. Мөн ДАШТ-ийг тэргүүлэгч Женсон Баттон энэ удаа 7-д орж, ердөө 2-хон оноотой салав.

Дараагийн гараа Бельгид болно.

Европын Гран-при. Валенси

1. Рубенс Баррикелло (“Браун”) – 1:40,607
2. Льюис Хэмилтон (“Макларен”) +2,3
3. Кими Райкконен (“Феррари”) +15,9

4. Хейкки Ковалайнен (“Макларен”) +20,0
5. Нико Росберг (“Уильямс”) +20,8
6. Фернандо Алонсо (“Рено”) – +27,7
7. Женсон Баттон (“Браун”) +34,9
8. Роберт Кубица (“БМВ-Заубер”) +36,6
9. Марк Уэббер (“Ред Булл”) +44,9
10. Адриан Сутил (“Форс Инди”) +47,9
11. Ник Хайдфельд (“БМВ-Заубер”) +48,8
12. Жанкарло Физикелла (“Форс Инди”) +63,6
13. Ярно Трулли (“Тойота”) +64,5
14. Тимо Глок (“Тойота”) +86,5
15. Роман Грожан (“Рено”) +91,7
16. Хайме Альгерсуари (“Торо Россо”) + 1 тойрог
17. Лука Бадоэр (“Феррари”) + 1 тойрог
18. Казуки Накажима (“Уильямс”) + 3 тойрог
19. Себастьен Буэми (“Торо Россо”) – барианд ороогүй
20. Себастьян Феттель (“Ред Булл”) – барианд ороогүй

Хувийн дүн:

Зохион бүтээгчдийн цом: