Жудо бөхийн ДАШТ-ийн 3 дахь өдөр эрэгтэйчүүдийн 81 кг, эмэгтэйчүүдийн 63 кг-ийн жингийн барилдаанууд явагдаж байна.

81 кг-ийн жинд 54 бөх өрсөлдөж байгаа бөгөөд манай улсын тамирчин, Азийн наадмын болон Ази тивийн аварга, Бээжингийн олимпийн 5-р байрын эзэн ОУХМ Дамдинсүрэнгийн Нямхүү эхний тойрогтоо Иорданы бөх Бейкэр Алзиданенийг цэвэр яллаа. Д. Нямхүүгийн дараагийн өрсөлдөгч нь Венесуэлийн бөх Мервин Родригез байх юм. Мань Венесуэль эхний тойрогтоо хийлсэн байна. Венесуэлийг ялвал ОХУ-ын Иван Нифонтов, Украйны Артем Васыленко нарын ялсантай барилдана.

Эмэгтэйчүүдийн 63 кг-ийн жинд ОУХМ Цэдэвсүрэнгийн Мөнхзаяа эхний тойрогт эзэн орны Елизабет Уиллибурдсэтэй барилдаж цэвэр ялагдан тэмцээнээ дуусгалаа.