“Tiger League 2009” тэмцээн өнгөрөгч амралтын өдрүүдээр буюу 8 сарын 22, 23-ны өдрүүдэд Төв цэнгэлдэх хүрээлэнд үргэлжлэн явагдаж, нийт 24 тоглолт боллоо.
Тэмцээний эхний 2 өдрийн дараахь байдлаар өнгалөг харагдаж, хэсгээ тэргүүлэх магадлалтай багийн тоонд багтаж байсан “Б” хэсгийн MSM баг 22, 23-нд 4 тоглолт хийн ердөө 4-хөн оноо авснаар манлайллаа алдаж хэсгийнхээ 4-р байр руу уналаа. Энэ хэсгийг Tiger League-2008 тэмцээний мөнгөн медальт Халиун Од баг “өвдөг шороодолгүй” өнгөлж байна.
“А” хэсгийг 2008 оны тэмцээнд хэсгээсээ гарч чадаагүй НТВ баг босоо тэргүүлсэн хэвээр байна. Харин энэ удаагийн хамгийн том шуугиан гэвэл өнгөрсөн жил ганц ч хожигдол амсалгүйгээр түрүүлсэн Continental (Tехно Николь) баг одоогийн байдлаар 6 тоглож 2 хожиж, 1 тэнцэн, 3 хожигдон 7 оноотойгоор “А” хэсгийн 6-р байранд явж байна. Нэг хэсгээс эхний 4 баг шалгарах тул тэд үлдсэн хоёр тоглолтондоо цэвэр хожил аван, дээр нь бусад багуудын тоглолтын үр дүнгээс шалтгаалан хэсгээс гарах үгүйгээ шийдэх болоод байна. Тiger League-ийн аварга баг дахин аврага болж чаддагүй уламжлал хадгалагдан үлдэх бололтой.

Мэргэн буучид:
MSM: Мөнхөө – 6 гоол
Мү Гүн Хуа: Чой Жон Мин – 4 гоол
Буянт-Ухаа: Пүрэвдорж – 4 гоол
Халиун Од: Мөнх-Эрдэнэ – 3 гоол

ХӨЛБӨМБӨГ СОНИРХОГЧ, ХӨГЖӨӨН ДЭМЖИГЧДИЙН ХОЛБОО