Кими Райкконен Бельгийн гран прид сүүлийн 5 жилд 4 дэх удаагаа түрүүллээ. Кимигийн хувьд 26 гарааны турш түрүүлээгүй байсан бөгөөд энэхүү хар цувралаа зогсоож байна. Мөн Феррари багийн энэ жилийн ДАШТ-ын анхны түрүүг авч өгөв.

Райкконен кареерийнхаа 18 дахь түрүүг авчээ. Кими сүүлийн 3 гараа дараалан подиум дээр зогссон нь энэ.

Гараан дээр Британы Женсон Баттон, Льюис Хэмилтон нар мөргөлдсөнөөр уралдааныг орхисноор Баттон энэ жил анх удаа оноо авалгүй уралдааныг орхисон юм. Ингэснээр ДАШТ-ыг нийлбэр дүнгээр тэргүүлэгчийн араас нэхэж байгаа нисэгчдэд сайхан боломж гарсан ч тэд үүнийг тийм  ч сайн ашигласангүй, Феттель л 3-т орсон байна.

Гэхдээ энэ удаагийн Бельгийн гран пригийн гол үйл явдал нь Форс Индиагийн том амжилт байлаа. Формула 1-д мөрөө гаргаад 29 гараанд уралдсан ч нэг ч оноо авч чадаагүй байсан Энэтхэгийн тэрбумтны баг энэ удаа пуол позишнд түрүүлж, жинхэнэ уралдаанд 2-р байр эзлэв. Форс Индиагаас уралддаг Италийн Жанкарло Физикелла уралдааны дараа “Энэ бол бидний хувьд маш сайн үр дүн. Өнөөдөр үнэхээр сайхан байгаа ч би Кимигээс хурдан байсан боловч түрүүлж чадаагүй нь бага зэрэг харамсалтай” гэж хэлжээ. Физикеллаг хурдан байсан гэдгийн Кими ч хүлээн зөвшөөрсөн байна.

3-р байранд орсон Феттель “Хэрэв та ДАШТ-ийн нийлбэр дүнг харах аваас энэ гараа миний хувьд дажгүй болсныг харна” гэж хэлжээ. Феттель одоогоор Баттоноос 19 онооны дутуу байгаа бол энэ гараанд 2 оноо авсан Баррикелло 16 оноо дутуу байна.

Дараагийн гараа 9-р сарын 13-нд Италид болно.

Бельгийн Гран-при:

1. Кими Райкконен (“Феррари”) – 1:47,846
2. Жанкарло Физикелла (“Форс Инди”) +0,9
3. Себастьян Феттель (“Ред Булл”) +3,8

4. Роберт Кубица (“БМВ-Заубер”) +9,9
5. Ник Хайдфельд (“БМВ-Заубер”) +11,2
6. Хейкки Ковалайнен (“Макларен”) +32,7
7. Рубенс Баррикелло (“Браун”) +35,4
8. Нико Росберг (“Уильямс”) +36,2
9. Марк Уэббер (“Ред Булл”) +36,9
10. Тимо Глок (“Тойота”) +41,4
11. Адриан Сутил (“Форс Инди”) +42,6
12. Себастьен Буэми (“Торо Россо”) +46,1
13. Казуки Накажима (“Уильямс”) +54,2
14. Лука Бадоэр (“Феррари”)
15. Фернандо Алонсо (“Рено”) – барианд ороогүй
16. Ярно Трулли (“Тойота”) – барианд ороогүй
17. Женсон Баттон (“Браун”) – барианд ороогүй
18. Роман Грожан (“Рено”) – барианд ороогүй
19. Льюис Хэмилтон (“Макларен”) – барианд ороогүй
20. Хайме Альгерсуари (“Торо Россо”) – барианд ороогүй

Хувийн дүн.

Зохион бүтээгчдийн цом-2009