Монголын авомастеруудын холбооноос жил бүр зохион байгуулдаг ”Монбет мастер кросс – 2009” уралдаан өнгөрсөн амралтын өдөр Хан-Уул дүүргийн Морин даваанд амжилттай зохион байгуулагдлаа. Уралдаанд нийт 6 багийн 29 тамирчид хурд хүч, авхаалж самбаагаа сорьсон бөгөөд финалын уралдаанд 13 тамирчид шалгаран үлдэж өрсөлдсөн юм. Авомастеруудын холбооноос энэ жил финалын уралдаанд эхний 8 байрыг шалгаруулж, оноо өгч байгаа бөгөөд жилийн эцэст цуглуулсан онооны дүнтэй тэнцэх мөнгөн шагналыг тамирчид хүртэх аж. Уралдаан ерөнхийдөө тоос шороо ихтэй, хүнд нөхцөлд болсон бөгөөд тамирчид осолдох, хоорондоо мөргөлдөх явдал цөөгүй гарч байлаа. Ингээд ”Монбет мастер кросс” уралдааны тэргүүн байранд Морьтхангай багийн тамирчин ОУХМ Д.Болдбаатар түрүүлж алтан медаль хүртлээ. Тэрээр өнгөрсөн 7 сард ”Грэйт Прагон мастер кросс” уралдаанд машины гэмтлийн улмаас амжилттай уралдаж чадаагүй бол энэ удаа шилдэгээр тодорч чадлаа. Д.Болдбаатарын хувьд саяхан явагдсан ”Rally Mongolia” олон өдрийн уралдаанд мөн магнайлаад байсан билээ.

Уралдааны хоёрдугаар байранд Алтайнбугат багийн тамирчин ОУХМ Ш.Гомбодорж шалгарсан бол  гуравдугаар байранд Мотоциклийн ОУХМ, Ази тивийн аварга Э.Халиунболд шалгарчээ. Халиунболдын хувьд автомашины төрлөөр ердөө гурав даь тэмцээндээ оролцож буй нь энэ бөгөөд ийнхүү хоёр дахь хүрэл медалиа хүртэж байна. Тэрээр саяхан явагдcан ”Грэйт Прагон мастер кросс” -д мөн л гуравдугаар байр эзэлж, хүрэл медалийн эзэн болоод байсан юм.  Монголын автомастеруудын холбооноос тун удахгүй ”Спирт Балбурам мастер кросс 2009”  уралдааныг зохион байгуулах бөгөөд энэ оны тэмцээн өндөрлөхөд 3 уралдаан үлдээд байгаа ажээ.