Бразил талбайн эзэн Пуэрто Риког 61:60 ын харьцаагаар буулгаж авч тивийнхээ аваргаар тодорчээ. Шилдэг тоглогчоор нь Финикс Санс багийн хамгаалагч Леандро Барбоса шалгарлаа. Тэр өнөөдөр 24 оноо авч 53% ын оновчтой довтолсон байна.

Мөн төвийн тоглогч Тиаго Сплиттер шигшээ тоглолтонд сайн тоглож 13 оноо, 9 самбар, 4 дамжуулалт хийсэн байна.

Харин талбайн эздээс Карлос Арроёо 14 оноо авснаас өөрөөр тодорсон хүн гарсангүй.

Тоглолтыг Бразил тун сайхан эрчтэй эхлүүлсэн боловч төгсгөл хэсэгт нь чухал юм болохоо дөхөв. Талбайн эзэд илт сэргэж сүүлийн зургаан минутанд 13 оноогоор хожигдож байснаа нөхсөөр 2 дахь минутаас тооны зөрүү 2 болсон. Харин сүүлийн мөчид өөрсдөө торгуулийн шидэлтээ тун оновчгүй шидсэн. Жишээлбэл тооны зөрүү 4 байхад Д.Сантьяго торгуулийн хоёр шидэлтээ алдсан бөгөөд мөн 33 секунд дутуу, 61:60 байхад Вассало чөлөөт шидэлтийнхээ сүүлийнхийг алдаж багаа хөөджээ. Улмаар цаг дуусах мөчид Карлос Арроёо сүүлийн найдвар болсон гурвын зайн шидэлтээ оновчгүй шидсэнээр Бразил дөрөв дахь удаагаа тивийн аварга боллоо.

Аргентин 88:73 Канад

Тоглолтын эхнээс л санаачлагыг Аргентин гартаа авч тоглосон. Тэд нэгдүгээр үе дуусахад Канадыг 31:8 аар уншиж байв. Энэ байдлаа хадгалсаар эцсийн дүнд Канад жаахан дээшилж 15 оноогоор хожигдсон байна. Луйс Скола 27 оноо авч багаа тэргүүлсэн байна.