Италийн Сери А лигийн 3-р тойргийн тоглолтууд өнгөрсөн амралтын өдрүүдэд явагдсан. Энэ тойргийн онцлох тоглолт, улирал эхэлснээс хойш ялагдал хүлээгээгүй байсан Ювентус – Лацио багуудын тулаан байлаа. Ювентус наймааны цонх хаагдахаас өмнө Фабио Гроссог авч хамгаалалтаа баталгаажуулж чадсан бол Лацио эсрэгээрээ Интерийн шилдэг довтлогч Хулио Крузоор урд талаа хүчирхэгжүүлсэн юм. Эхний хагас өндөрлөхөөс өмнө Ювегийн шинэ цэрэг Диего бэртэл авч оронд нь Жиовинко орж ирсэн юм. Тоглолтын 72 дахь минутад Барсагаас зээлээр тоглож буй залуу хамгаалагч Мартин Кесарес санамсаргүй байдлаар тооны харьцааг нээлээ. Баллардини цаг дуусахаас өмнө тоог тэнцүүлэхээр Элисуй Перейра, Симоне Инзаги нарыг талбайд гаргасан ч үр дүнд хүрсэнгүй. Ингээд 94 дэх минутад Давид Трезеге тоглолтын эцсийн цэгийг тавьж Юве 100 хувийн амжилтаа цааш үргэлжлүүлэхээр болж байна. Харин Лацио анхны ялагдлаа талбайдаа амслаа. Ювегийн адил ялагдал хүлээгээгүй Женоа, Сампдориа багууд ээлжит ялалтаа авч хүснэгтийн тэргүүн эгнээнд бичигдэж байна. Зуны наймааны цонхоор Женоад ирсэн Эрнан Креспо гоол оруулж багаа 4 : 1-ээр ялахад голлох үүргийг гүйцэтгэсэн аж. Сонирхуулахад тоглолтын 28 дахь минутад эзэн багийн Крискито, 50 86 дахь минутад Наполигийн Кампанаро, Аронико нар улаан хкарт хүртэж талбайг чөлөөлсөн ажээ. Харин Аталанта – Сампдориа багуудын тоглолтыг Даниел Маннинигийн цорын ганц гоол шийдсэн байна.

Клаудио Раньеригийн “Ром” дахь анхны тоглолт энэ тойрогт тохиосон. Раньери өөрийн хэрэглэх дуртай 4 : 4 : 2 тактикаа ашигласан нь үр дүнд хүрч 2 : 1-ээр Сиенаг буулган авчээ. Гэхдээ Ромчууд тийм ч төгс ялалтыг аваагүй. Тэд 10-уулаа үлдсэн Сиенатэй  сүүлийн мөч хүртэл тэнцэж байгаад 90 дэх минутад Рийзийн чөлөөт цохилтоос хийсэн гоолоор ялалт байгуулсан юм.

Топ багуудаас Милан ганцаараа энэ тойрогт ялалт авч чадсангүй. Тэд Ливорногийн талбайд зочлон 0 : 0 -ээр хуурай тэнцжээ. Клаас Ян Хунтелар Миланы өмсгөлийг өмсөн гарааны бүрэлдэхүүнд анх удаа багтсан ч гоол оруулж чадсангүй.

Өнгөрсөн улиралын Сери Б лигийн аман хүзүү Парма, Интерийн талбайд зочлон 3 онооны төлөө тулалдсан боловч 2 : 0-ээр ялагдал хүлээлээ. Камерун довтлогч Самуель Это’о, Диего Милито нар гоол оруулж шинэ багтаа ээлжит ялалтаа бэлэглэсэн байна. Энэ тойргийн дараагаар 9 оноотой гурван баг хүснэгтийг тэргүүлж эхэллээ. Женоа, Юве, Сампдориа багуудын араас 7 оноотой Интер, Фиорентина багууд удаалж байна.

Ливорно 0 : 0 Милан

Милан : Сторари, Оддо, Неста, Силва, Янкуловски, Фламини (79′ Абате), Зеедорф, Амброзини, Роналдиньо (56′ Пирло), Пато, Хунтелар (56′ Инзаги)

Лацио 0 : 2 Ювентус (72′ Кесарес, 94′ Трезеге)

Ювентус : Буффон, Кесарес, Легротальи Киеллини, Гроссо (87′ Молинаро), Каморанези (69′ Тьягу), Фелипе Мело, Маркизио, Диего (44′ Жиовинко), Амаури, Трезеге

Сиена 1 : 2 Рома (26′ Маккароне), (73′ Мексес, 90′ Рийз)

Рома : Жулио Серхио, Кассетти, Мексес, Жуан (61′ Рийз), Бурдиссо, Таддэй, Де Росси, Пизарро, Брихи (16′ Баптиста), Перротта, Тотти

Интер 2 : 0 Парма (70′ Это’о, 88′ Милито)

Интер : Жулио Цесар, Майкон, Лусио, Самуель, Сантон, Занетти, Виера (69′ Мунтари), Мотта (46′ Балотелли), Шнайдер (77′ Рене), Милито, Это’о

Удинезе 4 : 2 Катанья (28′ Флоро Флорес, 54′ 68′ 79′ Ди Натале), (10′ Моримото, 33′ Маскара)

Фиорентина 1 : 0 Кальяри (55′ Жилардино)

Палермо 1 : 1 Бари (90+1 Будан), (2′ Алегретти)

Аталанта 0 : 1 Сампдориа (63′ Маннини)

Болонья 0 : 2 Киево (19′ Пинзи, 29′ Пеллиссиер)

Женоа 4 : 2 Наполи (45+7′ Фроцари, 55′ Место, 75′ Креспо, 88′ Харжа), (41′ Хамсик)