Европын клубуудын хамгийн нэр хүндтэй тэмцээн Аваргуудын лигийн шинэ улиралын хэсгийн эхний тойргийн тоглолтууд өнгөрсөн шөнө явагдлаа. Эдгээр тоглолтуудын мэдээлээс хүргэе.

Италийн аварга Интер Милан талбайдаа Каталоны алдарт Барселона клубыг хүлээн авч тоглолоо. Жузеппе Меацца цэнгэлдэхэд явагдсан уг тоглолтыг үзэхээр нийт 83.000 үзэгч цуглажээ. Энэ хоёр шилдэг багийн тулааныг хуучин багийнхаа эсрэг тулалдаж буй Златан Ибрагимович, Самеуль Это ‘о нарын дуэль улам сонирхолтой болгож байлаа.Тоглолтын эхний аюултай довтолгоог Барсачууд гүйцэтгэсэн. Хави Эрнандезийн төвөөс өгсөн ухаалаг дамжуулалтыг Златан цээжин дээрээ тогтоогоод цохисон ч хаалганы дээгүүр давуулж орхижээ. Үүнээс хойш Барсачууд  тэд хэд хэдэн удаа аюултай довтолгоо зохион байгуулж Жулио Цесарыг сандаргаад амжсан юм. Хоёрдугаар хагасын дундуур сэлгээгээр орж ирсэн Деяан Станкович, Диего Милитогийн дамжуулалтаар алсын цохилтыг гүйцэтгэсэн ч гоол оруулж чадсангүй. Тоглолтын турш талбайн эзэд Валдесийн хаалга руу цөөхөн цохилт гүйцэтгэсний нэг нь энэ байлаа. 89 дэх минутад Кристиан Киву, Мессигийн хөл дээр гишгэж бүдүүлэг алдаа гаргаж, шар картаар торгууллаа.  Ийнхүү F хэсгийн лидэрүүдийн эхний тулаан гоолгүй тэнцэж тус бүр 1 оноо халаасаллаа.

ДИНАМО – РУБИН – 3:1 (0:1)
Домингес, 25 (0:1). Юссуф, 71 (1:1). Маграу, 79 (2:1). Гусев, 85 (3:1).
Динамо Киев	Рубин
Александр Шовковский	Сергей Рыжиков
Роман Еременко	Виталий Калешин
Евгений Хачериди	Роман Шаронов
Леандро Алмейда	Сесар Навас
Маграу	Кристиан Ансальди
Айила Юссуф	Александр Рязанцев (83)
Огнен Вукоевич	Сергей Семак
Андрей Шевченко (90)	Кристиан Нобоа
Милош Нинкович (57)	Гекдениз Карадениз
Андрей Ярмоленко (65)	Алехандро Домингес (77)
Артем Милевский	Александр Бухаров
Сэлгээ
Тибериу Гиоане, 57	Рафал Муравски, 77
Олег Гусев, 65	Алан Касаев, 83
Бетау, 90
Шар хуудас
Артем Милевский, 62	Роман Шаронов, 28
Маграу, 80	Кристиан Ансальди, 68
	Сергей Семак, 81

Энэ хэсгийн 2 дахь тоглолт Киевийн Динамо, Оросын авара Казанийн Рубин багуудын хооронд болсон. Украйны домогт тоглогч Андрэй Шевченко энэ улиралаас төрөлх хотынхоо багт хүчин зүтгэж байгаа бөгөөд энэ тоглолтонд гарааны бүрэлдэхүүнд багтсан ажээ. Оросын аваргууд тоглолтыг эрчтэй эхлүүлж 25 дахь минутад эхний гоолыг орууллаа. Санк Петербургийн Зенит клубээс ирсэн Аргентин хагас хамгаалагч Алехандро Домингуез 21 орчим яардаас гайхалтай гоолыг оруулсан юм. Гэвч энэ гоол Рубинчуудад ялалт авчрах хувьгүй байжээ. 71 дэх минутад булангийн цохилтоос ирсэн бөмбөгийг Нигери хагас хамгаалагч Аяила Юссуф оновчтой мөргөж, Сергей Рыжиковын хаалгыг мялаасан юм. Удсан ч үгүй хоёр дахь гоол Рубины хаалганд орлоо. Энэ жилээс Динамо Киевийн төлөө зүтгэх болсон Бразил легионер Герсон Маграо зүүн хөлийн хүчтэй цохилтоор багтаа тэргүүллийг авчирсан аж. Ингээд цаг дуусахаас 5 минутын өмнө Олег Гусев тоглолтын эцсийн цэгийг тавьсанаар Динамо Киев өрсөлдөгчөө 3 : 1-ээр буулган авчээ. Ийнхүү Валерий Газзаевийн цэргүүд 3 оноотой болж хэсгээ тэргүүлж эхэллээ

ЛИОН – ФИОРЕНТИНА – 1:0 (0:0)
Пьянич, 76 (1:0).
Лион	Фиорентина
Уго Льорис	Себастьян Фрэй
Антуан Ревейер	Жанлука Комотто
Крис	Алессандро Гамберини
Жереми Тулалан	Дарио Дайнелли
Али Сиссоко	Массимо Гобби
Миралем Пьянич (81)	Марко Маркьонни (72)
Жан Макун	Марко Донадель
Ким Чельстрем	Риккардо Монтоливо
Мичел Бастос (26)	Хуан Варгас
Бафетимби Гомис (70)	Адриан Муту (58)
Лисандро Лопес	Альберто Жилардино
Сэлгээ
Сидней Гову, 26	Стеван Иветич, 58
Сезар Дельгадо, 70	Марио Сантана, 72
Эдерсон, 81
Шар хуудас
Лисандро Лопес, 34	Марко Донадель, 40
Миралем Пьянич, 38	Дарио Дайнелли, 45+3
Жереми Тулалан, 54	Алессандро Гамберини, 50
	Альберто Жилардино, 45+1

E хэсгийн тоглолтуудын мэдээлээс хүргэе. Францын Олимпик Лион клуб эхний тойргийн тоглолтоо талбай дээрээ Италийн Фиорентина багтай хийлээ. Тоглолтын 1-р үе үзэгчдийн хүсэж байсан шиг тийм ч сонирхолтой болсонгүй. Харин Италийн багийн гол довтлогч Алберто Жилардино талбайгаас хөөгдөж  багаа хүнд байдалд оруулжээ. Тэрээр Жереми Тулаланыг  тохойлдож, санаатай алдаа гаргасан тул ийнхүү улаан картаар торуулсан юм. 67 дахь минутад Лионы шинэ цэрэг Лисандро Лопез 16-гийн гаднаас цохисон ч  Фрэй хаалгаа амжилттай манаж чадлаа. Тэрээр тоглолтын турш эсрэг багийнхаа олон аюултай довтолгоог зогсоож байсан юм. 76 дахь минутад Лионы ээлжит довтолгоо явагдаж Ким Кальстромын хаалганы өмнүүр өгсөн дамжуулалтыг Фрэй хааж чадсан ч, Миралем Пьянич нэмж тоглолтын цорын ганц гоолыг оруулжээ. Энэхүү гоол нь 19 настай Босни эрийн Лионы төлөө оруулж буй 2 дахь гоол нь юм.  Сүүлийн 10 минутад Лиончууд хоёр ч гоол оруулах сайхан боломж алдлаа. Сидниэ Гову хаалганы өмнүүр хөндлөн ирсэн дамжуулалт оновчтой цохисон ч Фрэй түүний замд саад болжээ.

ЛИВЕРПУЛЬ – ДЕБРЕЧЕН – 1:0 (1:0)
Кюит, 45+1 (1:0).
Ливерпуль	Дебрецен
Пепе Рейна	Вукашин Полексич
Глен Жонсон	Ласло Боднар
Мартин Шкртел	Адам Комлоши
Джэми Каррагер	Норберт Мезарос
Эмилиано Инсуа	Марсель Фодор
Йосси Бенаюн (88)	Петер Циткович
Лукас	Луис Рамос (67)
Стивен Жеррард	Золтан Кисс
Альберт Риера (80)	Петер Шакали (79)
Дирк Кюит(90+2)	Леандро
Фернандо Торрес	Адама Кулибали
Сэлгээ
Раян Бабел, 80	Золт Лачко, 67
Хавьер Машерано, 88	Роберт Фечесин, 79
Фвбио Аурелио, 90+2
Шар хуудас
Стивен Жеррард, 26	Марсель Фодор, 21

Английн алдарт Хотон шувуунууд Анфиелд Роад цэнгэлдэхдээ Унгарын Дебречен багийг хүлээн авч 3 онооны төлөө тулалдлаа. Дебречен урьдчилсан шатанд ЦСКА Софи багийг 4 : 1-ээр буулган авч аваргуудын лигт өрсөлдөх эрхтэй болсон юм. Сонирхуулахад Унгараас сүүлийн 14 жилд ямар ч баг аваргуудын лигт оролцож байгаагүй юм байна. Тэдний хувьд алдах зүйл байхгүй учир хүчирхэг Ливерулийн эсрэг сайн тоглож, байдаг хүчээрээ тэмцэх нь ойлгомжтой байсан. Ливерпульчууд эхний хагаст гоол оруулах маш олон аюултай довтолгоон зохион байгуулж байсан ч аз тэдний ивээсэнгүй. Алберт Риера, Стивен Жеррард нарын амжилтгүй довтолгооны дараа Фернандо Торресын довтолгоог гүйцээж Дирк Кюйт 45 дахь минутад эхний гоолыг багтаа авчирлаа. Хоёрдугаар хагасын эхэнд ”Стиви Ж” 16-гаас ойж ирсэн бөмбөгийг гуядсан ч хаалганы дээгүүр давуулчихав. Үүний дараа Торресын хаалганы өмнүүр өгсөн хөндлөн дамжуулалтыг Кюйт, Бенаюн нар аль аль нь чулуу болгож чадалгүй алдлаа. Гэхдээ эцсийн дүнд Ливерпульд 3 оноо бэлэглэлээ. Тэд дараагийн тойрогт Фиорентинагийн талбайд зочлох юм.

ШТУТГАРТ – РЕЙНЖЕРС – 1:1 (1:0)
Погребняк, 18 (1:0). Бугерра, 77 (1:1).
Штутгарт	Рейнджерс
Йенс Леманн	Аллан Макгрегор
Кристиан Треш	Стивен Уиттакер
Сердар Таски	Ли Макаллох
Матьо Дельпьер	Маджид Бугерра
Артур Бока	Саша Папац
Роберто Хильберт	Стивен Найсмит
Томас Хитцльшпергер	Стивен Дэвис
Сами Xедира	Кевин Томсон
Александр Глеб (67)	Педру Мендеш
Какау (88)	Жером Ротен
Павел Погребняк	Кенни Миллер (90+3)
Сэлгээ
Тимо Гебхарт, 67	Начо Ново, 90+3
Юлиан Шибер, 88
Шар хуудас
	Саша Папац, 71

G хэсэгт хэн хэнийгээ хожиж болох хүч тэнцүүхэн 4 баг багтсан. Тийм учраас эхний тойргийн тоглолт олны анхаарлын төвд байлаа. Штутгарт талбайдаа Шотландын Рэйнжерс клубыг хүлээн авлаа. 18 дахь минутад талбайн эздийн довтолгоо амжилтанд хүрч Какаугийн дамжуулалтаар Оросын легионер Павел Погребняк тоог нээлээ. 25 настай орос эр Германд ирээд ердөө дөрөвхөн тоглолтонд  оролцоод байгаа ч 3 гоол оруулсан гайхалтай амжилтыг үзүүлээд байна. Шотландын багаас энэ өдөр Франц хамгаалагч Мадид Боугер тун тоглож хамгаалалт, довтолгоонд тун чухал үүрэг гүйцэтгэж байсан юм. Хоёрдугаар үеийн 77 дахь минутад тэрээр Жером Ротенд дамжуулалт өгч, эцсийн төгсгөлийг нь өөрөө хийснээр тооны харьцааг тэнцүүлсэн гоолыг оруулжээ. Ийнхүү Рэйнжерс ямар ч байсан ганзага хоосон Германаас буцсангүй.

СЕВИЛЬЯ – УНИРЯ – 2:0 (1:0)
Фабиано, 45+1 (1:0). Ренато, 70 (2:0).
Севилья	Униря
Андрес Палоп	Гидриус Арлаускис
Серхио Санчес	Василь Мафтей
Себастьян Скиллачи	Георге Галамаз
Жульен Эскюде	Эрсин Мехмедович
Фернандо Наварро	Пабло Брандан
Хесус Навас	Сорин Фрунзе
Дидье Зокора (76)	Тибериу Балан (65)
Ренато	Рикарду Вилана (81)
Диего Капель (56)	Юлиан Апостол
Фредерик Кануте (63)	Щербан Варга (73)
Луис Фабиано	Мариус Биласко
Сэлгээ
Диего Перотти, 56	Сорин Парасчив, 65
Альваро Негредо, 63	Антониу Семеду, 73
Мануэль Лоло, 76	Мариуш Онофраш, 81
Шар хуудас
Дидье Зокора, 72	Эрсин Мехмедович, 10
	Сорин Фрунзе, 26
	Василь Мафтей, 31
	Георге Галамаз, 54

Энэ хэсгийн Лидер Севилья өөрийн “Роман Санчез” цэнгэлдэхдээ Румыны Унериа багийг хүлээн авсан юм. Унириа өнгөрсөн улиралд амжилттай тоглож Динамо Бухарешт, Тимишора багуудыг сөхрүүлэн лигийн аварга болсон билээ.  Тоглолтын эхний үеийн төгсгөл хүртэл үзэгчид гоол орохыг харсангүй. Харин шүүгчийн сунгасан нэмэлт 1 дэх минутад Фредрик Канутегийн дамжуулалтаар, Луйс Фабиано тооны харьцааг нээсэн юм. Түүний 16-гийн шугамны гаднаас цохисон бөмбөгийг Унериагийн хаалгач Арлоускис хааж чадсангүй. Хоёрдугаар үеийн 70 дахь минутад Севильягийн ээлжит довтолгоо амжилтанд хүрлээ. Фабианогийн хаалга руу мөргөсөн Ренато чиглэлийг нь өөрчилж тооны харьцааг 2 : 0 болгосон юм. Андалузчууд 1-р тойргийн дараах байдлаар хэсгээ тэргүүлж байна. Харин тус бүр нэг оноотой Рэйнжерс, Штутгарт клубууд удаалж байна.

СТАНДАРД – АРСЕНАЛ – 2:3 (2:1)
Мангала, 2 (1:0). Иванович, (2:0). Бендтнер, 45 (2:1). Вермален, 79 (2:2). Эдуардо, 81 (2:3).
Стандард	Арсенал
Синан Болат	Вито Манноне
Маркос Камоззато	Эммануэль Эбуе (78)
Мохамед Сарр	Вильям Галлас
Эликим Мангала	Томас Вермален
Рикарду Роша	Гаэль Клиши
Вильфред Дальма (80)	Абу Диаби
Аксель Витцель (84)	Сеск Фабрегас
Мехди Карсела-Гонсалес	Александр Сонг
Милна Йованович (59)	Томаш Росицки (70)
Игор Де Камарго	Эдуардо Да Силва (86)
Дьедонн Мбокани	Никлас Бендтнер
Сэлгээ
Бенджамин Никазе, 59	Арон Рэмси, 70
Режиналь Горо, 80	Бакари Санья, 78
Мусса Траоре, 84	Джек Уилшир, 86
Шар хуудас
Синан Болат, 44	Гаэль Клиши, 34
Аксель Витцель, 67
Бенджамин Никазе, 76

H хэсгийн лидер Арсенал Бельгийн Стандарт багийн талбайд зочлон тоглолоо. Арсен Венгерийн залуу буучуд тоглолтыг тааруухан эхлүүлж 2 дахь минутад эхний гоолыг хаалгандаа алджээ. Элакүм Мангалагийн 18 орчим яардаас цохисон бөмбөгийг Вито Манноне хааж чадсангүй.
Үүнээс ердөө хоёрхон минутын дараа Милан Яавановичийг Уйльямс Галлас алдаа гарган унагааж торгуулийн цохилтыг эсрэг багтаа бэлэглэлээ. Яаванович ч энэ сайхан боломжыг алдсангүй хаалгачын зүүнд буланд 2 дахь гоолыг оруулсан юм. Гэвч буучид зүгээр ингээд ялагдахыг хүссэнгүй. Эхний үеийн төгсгөлд Николас Бентнер гоол оруулж тооны харьцааг ойртууллаа. Хоёрдугаар хагасын 78 дахь минутад тэд дахин нэг гоол оруулж тооны харьцааг тэнцүүлж чадлаа. Фабрегасын гүйцэтгэсэн чөлөөт цохилтыг Бельгийн хамгаалагч Вермаелэн хаалганы өмнөх бужигнаан дундаас чихэж багтаа тэнцээг авчирсан юм. Үүгээр буучдын гайхамшиг дууссангүй. 81 дэх минутад булангийн цохилтоос ирсэн бөмбөгийг Хорват довтлогч Эдүардо да Силва гоол болгож Арсеналчууд тун хүнд байдлаас 3 оноо халаасалж байна. Энэ хэсгийн нөгөө тоглолт Грекийн Олимпиокос , Голландын АЗ Алкмаар багуудын хооронд явагдаж Торосидисийн ганц гоолоор Олимпиокос ялалт байгуулжээ.

ОЛИМПИАКОС – АЗ АЛКМАР – 1:0 (0:0)
Торосидис, 79 (1:0).
Олимпиакос	АЗ Алкмар
Антонис Никополидис	Серхио Ромеро
Михал Жевлаков	Кью Ялиенс
Авраам Пападопулос	Никлас Мойсандер
Улоф Мельберг	Эктор Морено
Дидье Доми	Себастьян Поконьоли
Зауад Заири	Бретт Холман
Вассилис Торосидис (86)	Давид Мендес (71)
Дуду Сеаренсе	Стейн Шаарс
Кристиан Ледесма	Маартен Мартенс (80)
Леонардо (82)	Мунир Эль Хамдауи (77)
Диого (75)	Мусса Дембеле
Сэлгээ
Костас Митроглу, 75	Кеес Люйкс, 71
Иераклис Столтидис, 82	Грациано Пелле, 77
Оскар Гонсалес, 86	Джермейн Ленс, 80
Шар хуудас
	Давид Мендес, 37
	Стейн Шаарс, 84