Даваа гарагт  Парис хотод болсон  FIA-гийн хуралдаанаас ING Renault F1 баг нь  2008 оны Сингапурын Гран Прид санаатай ослыг зохион байгуулсан гэж  буруутайд тооцов. Багийн дарга Флавио Бриаторе болон Пэт Симондс,  Нельсон Пике жуниор нар хамтран Реногийн нэгдүгээр нисгэгч Фернандо Алонсод туслах зорилгоор  ослыг төлөвлөн үйлдсэн гэж үзжээ. Багийн гишүүдээс өөр ямар ч хүн энэ талаар мэдээгүй бололтой. Ингээд Renault F1 баг т 2011 он хүртэл тэнсэн харгалзах шийтгэл оноолоо. Багийн  экс дарга Бриаторе бүх насаараа FIA-гийн холбогдолтой уралдаан тэмцээнд оролцох, тамирчдад менежер байх эрхгүй болов. Түүнтэй холбоотой ажилласан нисгэгчдийг FIA хүлээн зөвшөөрөхгүй гэжээ. Харин FIA Пэт Симондсийн   эрхийг таван жилээр хасав.

Renault F1 баг нь FIA –гаас болсон үйл явдал  хүлцэл өчлөө. Мөн Нельсон  Пике хуйвалдаанд оролцож үүнийг үйлдсэндээ уучлалт гуйсан байна.