Италийн Сери А-лигийн 5-р тойргийн сүүлийн тоглолт өнгөрсөн шөнө Женоа -  Ювентус багуудын хооронд явагдлаа. Феррарогийн хөвгүүд улирал эхэлснээс хойш ганц ч тэнцээ, ялагдал байхгүй 100 хувийн амжилттайгаар хүснэгтийг тэргүүлж байсан бол Женоа 1 ялагдалтай тэдний араас нэхэж байлаа. Хоёр багийн тоглолтыг үзэхээр Женоагийн цэнгэлдэхэд 31,800 үзэгч цугласан байв. Тоглолт эхлээд дөнгөж зургаа дахь минутад хамгийн эхний аюултай довтолгоо явагдлаа. Маркизиогийн зүүн жигүүрээс өгсөн дамжуулалтыг Каморанези ухаалагаар Винчензо Яквинтад үлдээхэд Якинта эхний хүрэлтээр цөм цохиж тооны харьцааг нээсэн байна.

31 дахь минутад Скалли зүүн жигүүрээр аюултай довтолгоо өрнүүлж Ювентусын хамгаалагчдыг сандаргалаа. Түүний өгсөн хөндлөн дамжуулалтыг Жиандоменико Места мөргөж тооны харьцааг тэнцүүлсэн гоолыг орууллаа. Энэ гоолын дараа  Женоагийн фенүүд цэнгэлдэхийг нураах дөхөж байв. Место 2008 оноос  Женоагийн төлөө зүтгэж байгаа ч анхны гоол ийнхүү оруулж байна.

Хоёрдугаар үеийн эхэнд Эрнан Креспо, Серхио Фроцаригийн оронд талбайд орж ирлээ. Аргэентин довтлогч 74 дэх минутад талбайд орж ирсний хэргээ гаргаж Местогийн дамжуулалтаар тоглолтын тооны харьцааг 2 : 1 болголоо. Женоа тэргүүлж эхэллээ. Гэвч Креспогийн гоол талбайн эздэд ялалт авчрах хувьгүй байжээ. 85 дахь минутад чөлөөт цохилтоос ирсэн бөмбөгийг Давид Трезеге, Жиоржио Кьеллинид дамжуулж мань эр ч олдсон сайхан боломжоо алдсангүй. Ийнхүү хуучин ноёд Женоагийн талбайд хүндхэн тоглолт хийж 1 оноотой гэрийн зүг буцлаа.

Энэ тойргийн дараагаар лигийн хүснэгтийг 13  оноотой Интер Милан клуб тэргүүлсэн хэвээр үлдлээ. Тэдэнтэй адил 13 оноотой ч оруулсан гоолоороо бага үзүүлэлттэй Ювентус багууд удаалж байна. Удаахь байруудад Сампдори, Женоа, Фиорентина багууд бичигдэж байна.

Генуя. 31,882 үзэгч.

ЖЕНОА – ЮВЕНТУС – 2:2 (1:1).

Яквинта, 6 (0:1). Место, 31 (1:1). Креспо, 75 (2:1). Трезеге, 86 (2:2).

Бокетти, 57, Росси, 90 (Дженоа), Мело, 81, Яквинта, 85 (Ювентус).

Женоа: Амелиа, Бьява, Бокетти, Моретти, Миланетто (Харья, 67), Сапатер, Росси, Модесто (Папастратопулос, 62), Место, Скулли, Флоччари (Креспо, 46). Ювентус: Буффон, Грыгера, Легроттальи, Кьеллини, Гроссо, Каморанези, Поульсен, Мело, Маркизио, Жовинко, 76), Амаури (Трезеге, 82), Яквинта.

**