Сүүлийн үед Формула-1 ийн ертөнцөд  энэ  яриа нь  олны анхаарлыг татаж байна.Фернандо Алонсо нисгэгчдийн солилцоонд гол зангилаа болсон хэвээр байгааг мэргэжилтнүүд хэлж байгаа юм. Сингапурын Гран Прид  Рено багийн зүгээс Фернандо  Алонсо ирэх улиралд тус багт уралдахгүй гэдгийг батлав. Удаан хугацааны турш 2010 оноос Алонсог Ферраригийн жолооны ард сууна хэмээн ярьцгаасан. Тэгвэл Фелиппэ болон Кимиг яах болж байна? Гэсэн асуулт тавигдана. Масса 2010 онд дахин уралдаж эхлэнэ. Райкконен Макларенд буцаж очсоноор Алонсо ирэх боломжтой болно гэжээ. Кими урд нь  Рон Деннистэй асуудалтай байсан харин одоо тэр Макларентай хамаагүй болхоор  багийн дарга Мартин Уитмарш болон техникийн захирал  Ноберьт Хаугтай хэл амаа сайн ололцож болох юм. Мөн  “Santander”  банк нь есдүгээр сард Феррригийн хамтрагч болсон гэдгээ албан ёсоор зарласан. Алонсо ч энэ банктай ихээхэн сүлбээтэй аж.Тэгхээр “Santander”  нь Кими Райконенийг Макларенд хүлээж аван Феррарид Алонсод орон зай гаргасан  тохиолдолд Макларенд 25 сая евро төлөх тохиролцоо хийсэн гэж зарим хэвлэлд бичжээ. 2010 онд Алонсо Феррарид ирнэ гэсэн яриа удаан хугацааны турш  үргэлжилсний эцэст биелэлээ оллоо.Ойрын өдрүүдэд буюу Сузукагын Гран Пригийн үеэр Феррари баг нисгэгчдээ зарлана гэж багийн дарга Стефано Доменикали хэлжээ.