Премьер лигийн 7-р тойргийн үлдсэн тоглолт өнгөрсөн шөнө явагдлаа. Манчестер Сити – Вест Хэмийн хооронд болж, талбайн эзэд 3:1-ээр хожлоо. Сити гэхдээ нэг тоглолт дутуу, 6 тоглолт хийгээд байна. Эхний 6 тоглолтныхоо 5-д нь хожоод байгаа нь тэдний хувьд 1961 оноос хойшхи хамгийн мундаг эхлэл нь болов.

Тоглолт эхлээд удаагүй, ердөө 5 дахь минутанд Карлос Тевез гоол хийсэн боловч зочин багийн Карлтон Коул тоог тэнцүүлсэн. Гэхдээ эхний хагаст С. Петров хаалттай цохилтноос гоолдсоноор Сити илүү гарч, 2-р хагаст Тевез дахин нэг гоол хийснээр 3:1-ээр хожлоо. Тевез хуучин багийнхаа хаалганд дубл хийсэн, мөн Ситид ирснээсээ хойш лигтээ анх удаа гоол хийжээ.

Мөн энэ тоглолтонд Ситигийн 17 сая фунтийн үнэтэй шинэ довтлогч Роке Санта Круз дебютээ хийв. Тэрээр өвдөгний мэс засалд орсон учраас тоглохгүй завсарлаад байлаа.

Вест Хэм лигийн 3 тоглолтондоо дараалан хожигдлоо. Ер нь Вест Хэм ПЛ-т Ситигийн талбайд зочлон тоглохдоо нэгээс олон гоол хийж үзээгүй юм байна. Харин Сити талбайдаа Вест Хэмийг 2003 оны 4 сараас хойш лигтээ 5 удаа хүлээж авахдаа 4 хожиж, 1 тэнцжээ.

Сити лигтээ сүүлийн 13 тоглолтныхоо 12-г хожоод байгаа бөгөөд өнгөрсөн оны 3 сараас хойш талбайдаа хийсэн 26 тоглолтондоо нэг ч тэнцээгүй яваа юм байна.

“Манчестер Сити” – “Вест Хэм” – 3:1 (2:1)

Гоол: Тевес, 5 – 1:0, Коул, 24 – 1:1, Петров, 31 – 2:1, Тевес, 61 – 3:1.
“Манчестер Сити”: Гивен, Лескотт, Туре, Бридж, Сабалета, Бэрри (Джонсон, 89), Де Йонг, Петров, Райт-Филлипс (Санта Крус, 80), Беллами, Тевес.
“Вест Хэм”: Грин, Да Коста, Томкинс, Илунга, Фобер, Ковач (Станислас, 71), Паркер, Нобл, Хименес (Хайнс, 71), Диаманти, Коул.
“Сити оф Манчестер” (Манчестер).

Сандерленд (Сандерленд) — Вулверхэмптон (Вулверхэмптон) 5:2

Гоол: Даррен Бент (пенальти) 1:0 ’8 Кенуайн Джонс (пенальти) 2:0 ’47 Джон Менса (автогол) 2:1 ’50 Кевин Дойл 2:2 ’55 Кенуайн Джонс 3:2 ’70 Майкл Тернер 4:2 ’73 Майкл Мансьенн (автогол) 5:2 ’90

ПЛ-ийн явц: