ПЛ-ийн 7-р тойрогтой холбоотой тоо баримт, статисткуудаас танилцуулъя.

0 – Барнли айлын талбайд нэг ч хожилгүй, нэг ч оноогүй, нэг ч гоолгүй хэвээрээ.

1 – Мартин О`Нейллийг Астон Виллагийн менежер болсноос хойш Астон Виллатай Блекбэрн 7 тоглож, энэ тойрогт  анх удаа хожлоо.

1 – Тоттенхэм лигийнхээ сүүлийн 9 тоглолтонд анх удаа хаалгандаа гоол алдсангүй.

1 – Гарет Бэйл ПЛ-т хожил аваагүй удсаны эцэст 2005 оны 5 сараас 25-наас хойш анх удаа хожсон багийн бүрэлдэхүүнд багтан, тоглолтонд оролцжээ. Тэрээр Тоттенхэм Барнлиг 5:0-дсон тоглолтын 83 дахь минутанд сэлгээгээр талбайд гарсан  байна.

2 – Арсеналын 21 настай хаалгач Вито Манноне одоогоор лигтээ 2 удаа хаалгаа хоосон манаад байна.

2 – Болтон сүүлийн 13 лигийн тоглолтныхоо 2-т нь хожжээ.

2 – Сэм Аллердайсын удирдлага дор Блекбэрн талбайдаа хийсэн сүүлийн 15 тоглолтныхоо ердөө 2-т нь л хожигдсон байна.

2 – Ливерпулын тоглогчдоо Халлын эсрэг хет-трик хийсэн 2 дахь тоглогч нь ФернандоFernando болов. Түүнээс өмнө Ян Каллахан ганцаараа байлаа.

4 – Энэ улирлын ПЛ эхэлснээс хойш 2 багийн 4 тоглогч 3-аас дээш гоолыг нэг тоглолтонд оруулаад байна. Тэд бол Тоттенхэмийн Дефо, Кин, Ливерпулын Торрес, Бенаюн нар.

4 – Челси энэ улирал эхэлснээс хойш лигийнхээ 4 тоглолтонд эхний гоолыг алдаад байна.

4 – Энэ тойрогт Челсиг 3:1-ээр хожихоосоо өмнө Уиган тэдний эсрэг хийсэн сүүлийн 8 тоглолтондоо нийтдээ 4 гоол л хаалганд нь хийгээд байв.

4 – Эвертон бүх тэмцээнийг оруулаад дараалж 4 хожлоо. Эдгээр тоглолтууддаа 12 гоол хийж, нэгийг ч алдаагүй.

4 – Астон Виллагийн Габриель Агбонлахор 4 тоглолтонд 4 гоол хийжээ.

7 – Портсмут дээд дивизионд 7 дараалан ялагдаж, 1930-1931 оны Манчестер Юнайтедийн анти-амжилтыг эвдлээ.

8 – Сандерландын Даррен Бент сүүлийн 9 ПЛ-ийн тоглолтонд 8 гоол хийжээ.

9 – Халл айлын талбайд лигийн сүүлийн 9 тоглолтонд хожил аваагүй явна.

11 – Луис Саха ПЛ-т Эвертоны гараанд 14 удаа гарахдаа 11 дэх гоолоо хийжээ.

13 – Ливерпуль лигийн сүүлийн 17 тоглолтынхоо 13-т нь 3 буюу түүнээс олон гоол хийв.

14 – Сандерланд эхний 7 тоглолтонд 14 гоол хийгээд байгаа нь ПЛ дэх тэдний хамгийн олон гоол хийсэн үзүүлэлт.

15 – Ливерпул Халлд хожигдоогүй 15 тоглолт хийгээд байна. Эдгээрийн 12-т нь хожиж, 3-т нь тэнцсэн.

17 – Тоттенхэм эхний 7 тоглолтын дараа 17 гоол хийгээд байгаа нь тэдний ПЛ эхэлснээс хойшхи хамгийн сайн үзүүлэлт.

33 – Фернандо Торрес Энфилдэд хийсэн сүүлийн 34 тоглолтондоо 33 гоол хийгээд байна. Мөн энэ тойрогт хет-трик хийсэн нь түүний Ливерпульд ирснээсээ хойшхи 4 дэх, ПЛ-т 3 дахь хет-трик нь болжээ.

35 – Уиган “их 4”-ийн эсрэг 35 тоглолтонд анх удаа хожлоо.

50 – Бразил хагас хамгаалагч Лукас Ливерпулын төлөө 50 дахь лигийн тоглолтондоо оролцов.

60 – Портсмут – Эвертон багууд 60 дахь удаагаа тогложээ. Одоогоор тэд тус бүр 25, 25 удаа хожжээ.

70 – Бирмингем энэ улирлын лиг болон лигийн цомын тоглолтуудынхаа нэгэнд нь ч 70 дахь минутнаас өмнө гоол хийж чадаагүй явна.

90 – Манчестер Юнайтед – Сток багууд нийтдээ 90 дэх удаагаа тогложээ. Эдгээрийн 33-т нь МЮ, 26-д нь Сток хожоод байгаа.

100 – Астон Виллагийн ахлагч С. Петров ПЛ-т 100 дахиа гараанд гарчээ. Тэрээр энэ амжилтанд хүрсэн 3 дахь Болгар тоглогч боллоо. Өмнө нь Радостин Кишишев, Димитар Бербатов нар 100 удаа ПЛ-д гарааны 11-т гараад байв.

100 – Дидье Дрогба Челсигийн төлөө нийтдээ 100 дахь гоолоо хийжээ.

150 – Леон Осман ПЛ-т 150 дахь удаагаа Эвертоны үндсэн бүрэлдэхүүнд багтав.

200 – Луис Саха ПЛ-д 200 дахь тоглолтондоо оролцохдоо багтаа хожлын гоол бэлэглэв.

350 – Жон O’Ши МЮ-ийн төлөө 350 дахь тоглолтондоо оролцжээ.

400 – Рори Делап 400 дахь удаагаа лигийн тоглолтонд гараанд гарав.