Энэ сарын 25-26-ны өдрүүдэд Филиппиний Манила хотноо мотоциклийн бартаат замын Азийн АШТ-ний 3-р шатны уралдаан болох байсан юм.  Энэхүү тэмцээнд манай улсаас 2008 оны Азийн аварга, ОУХМ Халиунболд, залуу тамирчин Эрхэмбаяр нар оролцохоор даcгалжуулагч Очирсүхийн хамт эх орноосоо мордсон билээ. Азийн АШТ-ний нийлбэр дүнгээр 3-рт явж байгаа Халиунболд 125 куб.см ангилалд ур чадвараа сорих байсан юм. Харин ОУХМ Батцэнгэлийн хүү Эрхэмбаяр энэ жил эх орондоо болсон Азийн АШТ-ний 2-р шатанд мөнгөн медаль хүртсэн бөгөөд тус тэмцээнд 85 куб.см-ийн ангилалд уралдах байсан. Харин энэхүү тэмцээнд оролцох манай улсын тамирчид Филиппинийг зорьсон хэдий ч тус улсад цаг агаарын таагүй нөхцөл байдал үүсэн байгалийн гамшигт үзэгдэл үерийн аюул болсноос тэмцээн хойшлогдож манай тамирчид уржигдар эх орондоо ирсэн байна.