Лос Анжелес Лейкерсийн од Коби Брайант Европт хамгийн алдартай НБА-ын тоглогч хэвээр байна. Өнгөрсөн жил түүний жерси буюу тоглолтын хувцас Европт хамгийн их зарагджээ. 2 дахь жилээ дараалан Кобигийн жерси хамгийн их зарагдаад байна.

Кобигийн дараа Бостон Селтиксийн Кевин Гарнетт, Лейкерсийн Испани тоглогч По Газоль, Кавальерсийн ЛеБрон Жеймс, Хитийн Дуэйн Уэйдийн жерсинүүд оржээ.

Спэрсийн Паркерийнх 6-д, Рэпторсийн Андреа Барньянигийнх 8-д, Рэпторсийн Хосе Кальдероных 9-д тус тус орсон байна.

Европоос гадна Америк, Хятадад ч гэсэн Кобигийн жерси хамгийн их зарагдаж.

Өнөөдөр мөн НБА-ын улирлын өмнөх хяналтын анхны тоглолт болж Юта Жазз талбай дээрээ Денвер Наггетсийг 103:87-аар хожжээ. Ютагаас Дерон Уилльямс 16 оноо авсан бол Денверээс Кармело Энтони 13 оноо авсан байна.