Улирлын 15 дахь гараа Сузукад Ред Буллын нисгэгч Себастьян Феттель итгэлтэйгээр яллаа. Брауны нисгэгчид  7 болон 8-р байранд оров.

Тоёота багийн Тимо Глок уралдаанд оролцоогүй  учир 19 нисгэгч гараа хийсэн юм.Феттель  гараагаа амжилттай хийж Хэмилтон , Трулли нараас холдож чадсан. Гурван тойргын байдлаар эхний аравт  Феттель тэргүүлж Льюис Хэмилтон,  Ярно Трулли ,  Ник Хайдфельд , Кими Райкконен, Рубенс Барикелло,  Нико Росберг,  Хейкки  Ковалайнен ,  Адриан Сутил  болон Роберт  Кубица гэсэн дараалалтай явж байлаа. Зогсоолоос гараагаа хийж сүүл мушгиж явсан Марк Веббер уралдаан эхлээд удаагүй байхад хоёр  удаа  дарааллан зогсоолд орж ирэв. Мөн удалгүй Торро Россогын Буэми машинаа зогсоолд оруулж уралдааныг орхив.Уралдааны 14 тойрогт  Ковалайнен  болон Адриан Сутилын тулаанд  бяцхан  шүргэлцэж  Сутил зам дээр үлдэж хоцров.  Кубицаг гүйцээд аравдугаарт явсан  Баттон энэ  сайхан боломжийг ашиглан  байрлалаа арваас найм болгон ахиулав. 15 дахь тойрогт  Хэмилтон ,  Феттель 19 дэх тойрогт цэнэглэж эхний зогсолтоо хийцгээв. 30 тойргын дараагаа Феттель нь Хэмилтоноос 6,1,  Труллигээс 9 секундээр түрүүлж явлаа. Уралдаан дуусахаас 13 тойргын өмнө Трулли сүүлийн зогсолтоо хийхдээ  Хэмилтоны өмнө гарч  хоёрдугаар байрлалыг булаан авав. Зогсоолоос  гараад эхний эргэлт хүрэх замд  Физикелла болон Ковалайнены хооронд ширүүхэн тэмцэл өрнөж финланд эр урд нь гарч чадав .46 дахь тойрог Агуэсуари осолдов. Замыг аюулгүй болгож   машиныг зайлуулахын тулд  аюулгүйн машин гарч ирлээ. Агуэсуари  өөрөө явж чадаж байсан ч хэсэг хугацааны дараа эмнэлэгт хүргэгдэхээр болсон юм. Аюулгүйн машин бүх уралдагчдыг хооронд нь дахин нэг ойртууллаа. Феттелийн араас  Трулли, Хэмилтон , Райкконен, Росберг , Хайдфельд , Барикелло болон Баттон нар Б7 , Б8 д явж байлаа. Тэдний хойно Кубица, Алонсо мөн Сутил тойрно.  Энэ үед Веббер тавдахь удаагаа зогсоолд орлоо. Ингээд 49 дэхь тойрогт уралдаан дахин  үргэлжилж  Феттель үлдсэн  таван тойрогт  алдаагүй  тэргүүлсээр ялалт байгуулав.  Ярно Трулли  хоёрдугаар байр эзэлж гэртээ хийж буй уралдаанд Тоёотагийн нэр төрийг хамгааллаа.

Сузукад дэлхийн аваргын  төлөөх өрсөлдөөн шийдэгдсэнгүй. Баттон (85) урдын адил онооны жагсаалтыг тэргүүлсэн хэвээр байна. Багийн хамтрагч Барикелло (71) 14 онооны зөрүүтэй нэхэж явна. Феттель нь Баттоноос 16 оноогоор дутуу болсон байна.

Уралдааны дүн

Барианд ороогүй