Массагын шинжэлгээний хариу эерэг гарлаа. Унгарт болсон ослын дараа тэрээр анх удаа Формула-1-ийн машин жолоодхоор боллоо.

Масса  Баасан, Бямба гарагуудад Парисын “Pitié Salpetrière “ эмнэлэгт эмчийн  үзлэгт орж шинжилгээ эерэг дүнтэй гарлаа. Тодорхой хэлбэл осолд өртсөн  зүүн  нүд нь  эргээд 100 хувь бүрэн харах чадвартай байгааг тогтоосон байна. Ингээд  эмч нар Массаг  Даваа гарагаас туршилт хийхийг зөвшөөрөв. Масса  Ферраригийн “Fiorano”-гийн туршилтын зам дээр хоёр хоног тест хийхээр болсон бөгөөд  2007 оны машинаар  GP-2-ийн дугуйгтай туршилтаа эхлэх юм.  Туршилт үр дүнтэй болвол  Абу Дабигийн уралдаанд оролцох  төлөвлөгөөтэй байгаа. Тэрээр Бразилд карт жолоодон,  европoд ирсэн даруйдаа хоёр хоног жолоодлогын төхөөрөмжинд сууж,  биеийн хүчний бэлтгэлээ шургуу базааж эхэлсэн юм.