Өмнөд хөршийн Наньжин хотноо шилдэг эмэгтэй шатарчдын гран-при тэмцээн өндөрлөлөө. Манай их мастер Б.Мөнгөнтуул 11 тойргийн дараа 5,5 оноо авч VIII байрт шалгаран 2750 еврогийн шагнал хүртсэн бол БНХАУ-ын их мастер Шү Юхуа 8 хожлоор тэргүүлж 6500 евро халаасалсан байна.
Тэмцээний 10 дахь өрөг тоглохын өмнөхөн Мөнгөнтуулд салхин цэцэг өвчний шинж харагдаж зохион байгуулагчдыг түргэн авахуулжээ. Шүүгч нар удтал зөвлөөд манай шатарчинг тусгай өрөөнд үргэлжлүүлэн тоглуулахаар шийдвэрлэсэн юм. Мөнгөнтуул 10 дахь өрөгт БНХАУ-ын шатарчин Жао Шюйтай хайнцсан ч сүүлчийн тавилд түүний нутаг нэгт  Жүнь Венжүньд хожигдов. Тэмцээний дүнгээр манай Б.Мөнгөнтуул, мөн өмнөд хөршийн Шень Ян, Жүнь Венжүнь нар эрэгтэйчүүдийн олон улсын мастерын болзол хангажээ.
Б.Мөнгөнтуулын их мастер Жү Ченьтэй хийсэн тулааныг тус тэмцээний шилдэг өргөөр шалгаруулсан байна.