Аравдугаар сарын 9-10-нд Украины Алушта хотноо кураш бөхийн насанд хүрэгчдийн дэлхийн аварга шалгаруулах долоо дахь удаагийн тэмцээн боллоо. Энэхүү тэмцээнд оролцсон манай улсын баг тамирчдаас эмэгтэйчүүдийн 57 кг-д ОБЕГ-ын “Аврагч” клубийн бөх Очирпүрэвийн Лхагвахүү, 70 кг-д мөн клубийн Мөнхмагнайгийн Хоролсүрэн нар аваргалжээ. Мөн ОБЕГ-ын Г.Чимэдноров, Б.Батчимэг нар хүрэл медаль хүртлээ. Харин эрэгтэйчүүд тааруухан барилдаж, -100 кг-д “Хилчин”-ий Т.Мягмарсүрэн цорын ганц хүрэл медалийг авчээ.

Медальтнууд

Эрэгтэй. 60 кг: 1.Мустафа Далирян (Иран) 2.Бахтыжан Туребеков (Казахстан) 3.Геворк Гаспарян (ОХУ), Гайратжан Зерипов (Туркменистан)
66 кг: 1.Мохсен Гаффар (Иран) 2.Сухроб Худойбердиев (Узбекистан) 3.Жаба Мчедлиствили (Гүрж), Марат Успанов (Казахстан)
73 кг: 1.Владислав Михайлин (ОХУ) 2.Яхио Имамов (Узбекистан) 3.Рамазан Мустафаев (Казахстан), Сорхзоу Закариа Моради (Иран)
81 кг: 1.Шароф Холмаматов (Узбекистан) 2.Мохамад Жамали (Иран) 3.Андрей Моторкин (ОХУ), Георгий Иазе (Гүрж)
90 кг: 1.Шерали Жураев (Узбекистан) 2.Руслан Абдраззаков (Казахстан) 3.Дану Мереачре (Молдав), Александр Гладкин (ОХУ)
-100 кг: 1.Давлат Чориев (Узбекистан) 2.Дионисис Илиадис (Грек) 3.Тогтоолын Мягмарсүрэн (Монгол), Мохаммад Аль-Мунер (Сири)
+100 кг: 1.Мохаммед Реза Родаки (Иран) 2.Андрьен Пин (Франц) 3.Урбан Георг (Унгар), Шухрат Мурадов (Узбекистан)
Эмэгтэй. 48 кг: 1.Лия Кириенкова (ОХУ) 2.Мукаддас Кубеева (Узбекистан) 3.Мартинеттер Делпор (ӨАБНУ), Ди Хун Нгуен (Вьетнам)
52 кг: 1.Динара Досжанова (Казахстан) 2.Шохида Назарова (Узбекистан) 3.Цен Юү-Юү (Тайвань), Мария Байдулина (Украин)
57 кг: 1.Очирпүрэвийн Лхагвахүү (Монгол) 2.Махлио Сатторова (Узбекистан) 3.Санда Алдаас (Сири), Татьяна Душка (Украин)
63 кг: 1.Юлия Котова (ОХУ) 2.Угилой Нуралиева (Узбекистан) 3.Ганболдын Чимэдноров (Монгол), Лулия Попа (Молдав)
70 кг: 1.Мөнхмагнайгийн Хоролсүрэн (Монгол) 2.Мойра де Вилльерс (Шинэ Зеланд) 3.Чантел Доддемеаде (ӨАБНУ), Дарья Ибрагимова (Украин)
-78 кг: 1.Сохибжамол Халикулова (Узбекистан) 2.Латика Шарма (Энэтхэг) 3.Батхишигийн Батчимэг (Монгол), Мария Скора (Украин)
+78 кг: 1.Галина Коваль (Украин) 2.Гулмира Исматова (Узбекистан) 3.Нямхүүгийн Нямтуяа (Монгол)