Өнгөрөгч долоо хоногт Аргентин-Перугийн тоглолтын үеэр Мартин Палермогийн гоолын дараа Диего Марадона баяраа сонирхолтой хэлбэрээр хийсэн билээ. Үүнтэй холбогдуулан дасгалжуулагчдын хийсэн шилдэг таван баярыг The Sports Review жагсаасан байна. Энэхүү жагсаалттай танилцъя.

1. Диего Марадона – Диего Марадона менежерийн хувьд таагүй байдалд байгаа. Баг нь дэлхийн аваргад оролцох эсэх нь эргэлзээтэй, өөрөө бөөн шүүмжлэлд буй. Гэхдээ энэ хүнийг гаргаж буй авир, эмоци нь чимдэг. 

2. Жозе Моуриньо – “Онцгой нэгэн” хэлж ярьж буй зүйлс, хийж буй үйл хөдлөлөөрөө хэзээний зартай. Аваргуудын лигийн шөвгийн наймыг тоглолтонд Коштинья сүүлчийн мөчид тэнцээний гоолыг Манчестерийн хаалганд хийжээ. Моуриньог хэрхэн баярлаж буйг харъя.

3. Халл Сити багийн дасгалжуулагч Фил Браун. Өнгөрсөн улиралд сүүлчийн тойрогт доод лиг рүү унах эсэх нь шийдэгдэж, хэдийгээр тэд МанЮ-д хожигдсон ч гэсэн Премьер лигтээ үлдэхээр болсон. Фил Браун микрофоныг гартаа аван хэрхэн баяраа тэмдэглэсэн тухай үзнэ үү.

4. Грим Сунесс. Истанбулын дерби дэлхийн хамгийн алдартай дербинүүдийн нэг. Энэ дербид хожсон багийн дасгалжуулагч хэрхэн баярлах нь тодорхой. Харин энэхүү баяраа Фенербахчег ялсан Галатасарайн дасгалжуулагч хэрхэн тэмдэглэж буйг сонирхъё. Энэ явдал 1996 онд болжээ.

5.Алекс Фергюсон, Брайан Кидд – Премьер лигийн аварга сүүлчийн тойрогт тодорч Манчестер Юнайтед Стив Брюсийн хийсэн гоолын ачаар аварга болсон. Энэхүү баярыг Сэр Алекс болон туслах Брайан Кидд нар хэрхэн хуваалцсаныг үзэцгээе.