“TLG-13″ төрийн бус байгууллагаас анх удаа “Спрайт лиг”-ийн Б зэрэглэлийн тэмцээнийг зохион байгуулах гэж байгаа талаар бид мэдээлсэн.  Тэмцээн уг нь өнөөдөр буюу 10-р сарын 17-нд эхлэхээр бүх бэлтгэл хангагдаад байсан боловч томуугийн H1N1 вирус манай улсад илэрсэнтэй холбогдуулан тэмцээнийг 7 хоногоор хойшлуулаад байна. Өөрөөр хэлбэл 10-р сарын 24-нд эхлэхээр болов.

“Спрайт-Б лиг”-ийн тойргийн тоглолтууд Биеийн тамирийн дээд сургуулийн заланд, шигшээ тоглолтууд Спортын төв ордны заланд болох юм байна.

Үүнээс гадна “TLG-13″ төрийн бус байгууллага Холбоодын цом буюу Монгол Улсын хамгийн шилдэг сагсан бөмбөгийн багийг тодруулах тэмцээнийг 11 сарын 15-наас 11 сарын 19-ний хооронд зохион байгуулах аж. Холбоодын цомд сагсан бөмбөгийн дээд лигийн шилдэг 8 баг болон сонирхогчдын лигийн тойргийн тоглолтонд тус тусын бүсдээ хамгийн сайн амжилт гаргасан Хасу Мегаватт, SEOKYUNG Wolves, Монатка, 3 зам, Скайтелийн шонхорууд, НЦГ-ын Хүчийн шонхрууд, Бриж Старс, Мон Асиа Моторс болон энэ оныСпрайт лигийн аварга “5 цагариг”, насанд хүрэгчдийн улсын аварга Дархан багууд оролцох юм.