А хэсгийг тэргүүлж байсан Баейрн Мюнхен энэ тойрогт Бордогийн талбайд зочлон хожигдлоо. Францын аваргууд талбай дээрээ өрсөлдөгчөө 2:1-ээр хожив. Зочид тоглолтыг 9 хүнтэй дуусгасан байна.

Тоглолт ер нь сонирхолтой болсон. Бордогийн Сиани 6 дахь минутанд авто гоол хийсэн боловч 29 дэх минутанд алдаагаа засан, Байерний хаалганд гоол хийж тоог тэнцүүлсэн. Гоолын дараа Баейрний Мюллер улаан хуудас авснаар хүнд байдалд орсон бөгөөд 41 дэх минутанд Марк Планус хожлын гоол хийжээ. Хүн илүү Бордо 2-р үед тоогоо өсгөх боломжтой байсан ч 2 ч удаа торгуулийн цохилт алсан байна. Байерний хаалгач Бутт эхлээд Гюркуффийн, дараа нь Жуссигийн цохилтыг тус тус хаажээ.

“Бордо” (Франц) – “Бавария” (Герман) – 2:1 (2:1)

Гоол: Сиани, 6 – 0:1 (автогоол), Сиани, 29 – 1:1, Планюс, 40 – 2:1.
“Бордо”: Каррассо, Сиани, Планюс, Тремулина, Шальме, Диарра, Фернандо, Гуркюфф, Вендел (Жусси, 85), Плашил (Гуффран, 86), Шамах.
“Бавария”: Бутт, Ван Буйтен, Лам, Алтынтоп, Ван Боммель (Оттль, 78), Мюллер, Бадштубер, Швайнштайгер, Клозе (Праньич, 75), Тимощук, Тони (Гомес, 78).

шар хуудас: Шамах, 52, Гуркюфф, 54 – Мюллер, 14, Бадштубер, 17.
улаан хуудас: Мюллер, 30 (2 дахь шар хуудсаа авсан), Ван Буйтен, 88.
шүүгч: Терье Хауге (Берген, Норвеги).
Стадион: “Шабан Дельма” (Бордо).

Ювентус энэ тойрогт Маккаби Хайфаг хожиж, анхны ялалтаа авлаа. Челлини 2-р үеийн эхэнд мөргөж тоглолтын ганц гоолыг хийсэн байна.

Маккабигийн Т. Дутра 22 дахь минутанд Челлини дээр дүрмийн бус хамгаалалт хийж, улаан хуудас авсан нь Ювед олз болсон. Юве эхний 2 тоглолтондоо 2-ууланд нь тэнцээд байсны дараа хожил авч байна. Тэд одоо 5 оноотой, хэсэгтээ 2-т бичигдэх болов.

Ювегийн дасгалжуулагч Циро Феррара тоглолтын дараа хэлэхдээ:

“Бид өрсөлдөгчдөө чөлөөтэй тоглох их зай өгч байсан. Энэ тал дээрээ манай баг ажиллах хэрэгтэй. Мөн бид өнөөдөр сүүлийн 6 жилд анх удаа 4-2-3-1 форматаар тоглосон. Зарим өөрчлөлт хийхэд бага сага асуудлууд бас гардаг. Бид яахав боломжийн тоглосон ч тоглолт дуусахтай зэрэгцээд тэнцээний гоол алдах шахсан. Би үүнд сэтгэл дундуур байна. Ийм аз туршилтгүйгээр хожих хэрэгтэй байсан.” гэжээ.

“Ювентус” (Турин) – “Маккаби“ (Хайфа) – 1:0 (0:0)

Гоол: Кьеллини, 48 – 1:0.
“Ювентус” (Турин): Буффон, Зебина (Касерес, 35), Кьеллини, Ф. Каннаваро, Гроссо, Мело (Поульсен, 62), Сиссоко, Каморанези, Диего, С. Джовинко, Трезеге (Амаури, 83).
“Маккаби” (Хайфа): Давидович, Мешумар, Кейнан, Авелино Тешейра, Масилела (Загури, 46), Бокколи, Кульма, Оттман, Рафаелов (Дутра, 57), Двалишвили, Арбайтман (Гадир, 46).

шар хуудас: Кульма, 11, Тешейра, 31, Оттман, 38, Загури, 51, Бокколи, 90.

A хэсэг