Буудлага спортын дэлхийн цомын финалын тэмцээн өмнөд хөршийн Үши хотноо өндөрлөж байна. Тухайн орныхоо Дэлхийн цомд дээгүүр амжилт үзүүлсэн 8-10 мэргэн буучийг дасгал бүрт урьж өрсөлдүүлдэг нь финалын тэмцээний онцлог. Энэ удаагийн финалын тэмцээнд Монголын төлөөлөл үгүй ч монгол гаралтай дэлхийн хошой аварга, олимпийн хошой хүрэл медальт Доржсүрэнгийн Мөнхбаяр Германыг төлөөлөн оролцов. Тэрбээр спорт гар бууны 25 метрийн дасгалд урьдчилсан шатанд 586 оноогор гуравлаж, шигшээ буудлагад 201.2 оноо нэмэн мөн л 3-р байр эзэлсэн байна. Тэмцээний аваргаар Гүржийн алдарт буудагч, ”Сөүл -1988” олимпийн аварга Нино Салуквазе тодорчээ.
Тэмцээний дүн :

1. Н.Салуквазе (Гүрж) 789.5 (589+200.5)
2. Чень Нх (БНХАУ) – 787.8 (584+203.8)
3. Д.Мөнхбаяр (Герман) 787.2 (586+201.2)
4. Соня Франке (Испани) – 783.7 (583+200.7)
5. Ү Янь (БНХАУ) – 783.1 (586+197.1)