Германы жүдогийн багийн дасгалжуулагч Даниэль Гершнертэй ярилцлаа

Спортын Цонх : Юуны өмнө Монголд ирээд төрсөн анхны  сэтгэгдэл ямар байв?

Даниэль Гершнер:  Маш зочломтгой  хүлээж авсан нь биднийг  гайхууллаа,  сайхан сэтгэгдэл төрсөн . Танай нийслэл  бидний төсөөлж байснаас  тун өөр  орчин үеийн хот  юм.

Спортын Цонх: Монгол өрсөлдөгч нарын талаар  хэр мэдэж байгаа  вэ?

Даниэль Гершнер:  Монгол ерөөсөө  сайн жүдочидтой . Олимпийн аваргатай , мөн дэлхийн аварга Х.Цагаанбаатар зэрэг итгэж болох олон  сайн тамирчинтай  гэдгийг бид эртнээс мэднэ.

Спортын Цонх :  Танай баг энэ тэмцээнд хэр сайн бэлтгэсэн бэ?

Даниэль Гершнер:   Бид  европын аварга шалгаруулах тэмцээний ид бэлтгэлийн явцад таарлаа . Энд байгаа тамирчдын ихэнхи нь оролцоно. Миний бодлоор бидний бэлтгэл  сайн хангагдсан гэж үзэж байгаа.

Спортын Цонх :   Хэд хэдэн  барилдааны шүүгчийн шийдвэрт сэтгэл хангалуун бус байх шиг харагдсан ?

Даниэль Гершнер:  Тиймээ, зарим барилдааны шүүгчийн  шийдвэрт  сэтгэл хангалуун биш байна. Шинэ дүрмээс болоод шүүгч нар шийдвэр гаргахад бэрхшээлтэй байгааг бид ойлгож байгаа . Гэхдээ зарим тал дээр хохиролтой  байсан  гэж бид үзэж байна.

Ярилцсанд баярлалаа танд амжилт хүсье