Аваргуудын лигийн 4-р тойргийн тоглолтууд өнгөрсөн шөнө явагдлаа. Хэсгийн шат эхэлснээс хойш ялагдаагүй яваа цөөхөн багуудын нэг Жирондин Бордо клуб Алиенз Арена цэнгэлдэхэд ялалтын цувралаа үргэлжлүүлэхээр зочилсон. Лигтээ хүртэл тэргүүн байранд заларч яваа нь Бордогийн энэ амжилт гэнэтийн зүйл биш гэдгийг нотолсон тул Ван Галь гаргаж болох хамгийн шилдэг бүрэлдэхүүнээ илгээсэн. Гэвч тэд яаж ч хичээгээд Шамах, Гуркюфф нарын гоолыг хамгаалж чадсангүй. Ван Галь тоглолтын дараа ”Энэ удаа бидэнд аз тохиосонгүй. Бордогийн тэр Кианигийн гар хүрсэн дээр 100 хувь пенальти өгөх ёстой байсан юм. Их жижигхэн зүйл энэ тоглолтын хувь заяаг шийдлээ. Мэдээж хэрэг бид өөрсдийгөө өмөөрөхгүй. Тааруухан байсан болохоор л ялагдсан. Гэхдээ бүх зүйл дуусчихаагүй байна. Боломж байж л байгаа” гэжээ. Харин France Football сэтгүүлд Лоран Блан ”Хүнд тоглолт болно гэдгийг мэдэж байсан. Аз болоход Байерн бидний бодож байсан шиг сайн байсангүй. Миний бодлоор бид сайн  хамгаалж олдсон боломжоо ашиглаж чадсаны хүчинд яллаа. Олдсон боломж болгоныг гоолоор төгсгөх нь манай гол филисофи” гэж сэтгэгдлээ ярьсан байна. Магадгүй эзэн багийн гол тоглогч Рибери гараанд багтаагүй нь тэдний амжилтанд нөлөөлсөн байж мэдэх л юм. Ямар ч байсан Бордог 7 жилийн өмнөх Лионы замаар замнаж байна гэхэд нэг их хилсдэхгүй болов уу. Энэ хэсгийн гол фаворитуудын нэг Ювентус, Израйлийн Маккаби Хайфаг 1 : 0-ээр буулган авч 8 оноотой болов. Мауро Каморанези  эхний хагасын нэмэлт цагт цорын ганц ялалтын гоолыг багтаа бэлэглэжээ. Хэрвээ Буффон байгаагүй байсан бол энэ 3 оноо Ювед ирэхгүй ч байсан байж мэднэ. Жижи маш олон аюултай довтолгоог хааж багаа аварчээ.

***

Тель-Авив. “Рамат-Ган”. Шүүгч - Терье Хауге (Норвеги).
МАККАБИ – ЮВЕНТУС – 0:1 (0:1)
Каморанези, 45+2 (0:1).
Маккаби	Ювентус
Нир Давидович	Жанлуижи Буффон
Хорхе Тейхейра	Мартин Касерес
Густаво Бокколи (71)	Никола Легротталье
Хайро Кулма (46)	Джорджио Кьеллини
Владимир Далишили (56)	Фабио Гроссо
Цепо Масилела	Мауро Каморанези
Али Осман	Фелипе Мело
Шломи Арбейтман	Кристиан Поульсен
Янив Катан	Диего
Декел Кейнан	Тиагу (60)
Эял Мешумар	Амаури (84)
сэлгээ
Мохаммад Гадир, 46	Паоло Де Челье, 60
Лиор Рафаэлов, 56	Давид Трезеге, 84
Израэль Загури, 71
шар хуудас
Цепо Масилела, 26	Фелипе Мело, 36
Хайро Кулма, 36
Али Осман, 71

***

Мюнхен. “Альянц-Арена”. Шүүгч- Педру Проенса (Португали).
БАВАРИЯ – БОРДО – 0:2 (0:1)
Гуркюфф, 37 (0:1). Шамах, 90 (0:2).
Бавария	Бордо
Ханс-Йорг Бутт	Седрик Каррассо
Филипп Лам	Матье Шальме
Мартин Демичелис	Микаэль Сиани
Хольгер Бадштубер	Марк Планюс
Эдсон Брафхейд (59)	Бенуа Тремулинас
Анатолий Тимощук	Ярослав Плашил (84)
Марк Ван Боммель	Алу Диарра
Бастиан Швайнштайгер	Фернандо
Даниэль Праньич	Йоан Гуркюфф
Мирослав Клозе (46)	Вендел (68)
Лука Тони	Маруан Шамах
сэлгээ
Арьен Роббен, 46	Жусси, 68
Марио Гомес, 59	Людовик Сане, 84
шар хуудас
Даниэль Праньич, 45+1	Алу Диарра, 30
Бастиан Швайнштайгер, 75	Марк Планюс, 73

***
***

Баг	T/T	X	T	Хж	+	-	+/-	оноо
Бордо	4	3	1	0	6	2	+4	10
Ювентус	4	2	2	0	3	1	+2	8
Байерн Мюнхен	4	1	1	2	4	4	0	4
Маккаби	4	0	0	4	0	6	−6	0