Өнгөрсөн тойрогт Аваргуудын лигт тоглож байгаа Францын 3 баг 3-уулаа ялалт байгуулсан бол энэ тойрогт ч энэ амжилтаа үргэлжлүүлэх боломжтой байна. Өнгөрсөн шөнө Бордо Баейрнийг, Марсель Цюрихийг хожсон. Өнөө шөнө 3 цаг 45 минутаас Олимпик Лион талбайдаа Ливерпулыг хүлээн авна. Энфилдэд болсон тоглолтонд Лион өрсөрлөгчөө 2:1-ээр хожсон. Францын багууд энэ жил Аваргуудын лигт 73 хувийн хожилтой байгаа нь бусад улсуудаас хамгийн өндөр хожлын хувь болж байгаа.

Лион хождоггүй юм гэхэд тэнцэхэд л дараагийн шатанд шалгарах эрхээ авна. Гэхдээ Лионы дасгалжуулагч Клод Буэл тэнцээний төлөө тоглохгүй, хожлын төлөө тоглоно гэж хэлсэн. Харин Ливерпуль хожиж чадахгүй л бол хэсгээсээ гарахгүй байх магадлал нь нэн ихсэх юм. Ливерпулын ахлагч Стивен Жеррард тоглохгүй бол Фернандо Торрес тоглоно. Гэхдээ Торрес гэмтэлтэй байгаа ч Рафа түүнийг амраахад хэцүү. Рафа хэлэхдээ: “Торрес хэдийгээр бүрэн фит болоогүй ч өдрөөс өдөрт сайжирсаар байгаа. МЮ-ийн эсрэг тэр 80 хувьтай л байсан ч гоол хийсэн… Бид өөрсөддөө итгэлтэй байгаа. Хэрэв чи нервтэж байвал алдаа гаргах болно. Бид хэцүү үед байгаа ч хөлбөмбөгт нөхцөл байдал долоо хоног бүр л өөрчлөгдөж байдаг. Хэдийгээр 4-5 тоглогч маань асуудалтай байгаа ч бид сайн баг хэвээрээ. Бид нээлттэй тоглолт хүлээж байгаа. Лион тэнцээний төлөө тоглохгүй байх ” гэжээ. Ливерпуль сүүлийн тоглолтондоо Фулхэмд хожигдсон бол Лион Сент-Этьенийг хожсон. Ливерпуль сүүлийн 7 тоглолтынхоо 6-д хожигдоод байгаа. Жеррардаас гадна Риера, Келли, Шкртел, Глен Жонсон, Ф. Аурелио нар тоглохгүй бол Акуйлани, Аггер, Нгог нар тоглохгүй байж магадгүй.

Энэ хэсгийн нөгөө тоглолт Дебрецен – Фиорентинагийн хооронд Унгарт болно. Фиорентина хожвол 9 оноотйо болох юм.