Өнгөрсөн улиралд талбайдаа хоёрхон хожигдсон Морин цэргүүд энэ жил хоёр дахиа хожигдлоо. Гурван тоглолт дараалан ялаад байсан ч тэдний цувралыг Чикаго Буллс зогсоов. Тоглолтын төгсгөлд 85-86 байхад Кавальерсийн дасгалжуулагч Майк Браун завсарлага авч довтолгооны хувилбар зохиосон ч бөмбөг тоглолтонд орохоос өмнө Буллсын дасгалжуулагч Дель Негро 20 секундын завсарлага аван сөрөг хамгаалалтын хувилбарыг бэлджээ. Бөмбөгийг тоглолтонд Кавальерс оруулсан ч ЛеБрон Жеймс бөмбөгөө алдсанаар Чикаго хожлоо.

Шак тоглолтын дараа “Бид сүүлд тэнэг тэнэг алдаа гаргаагүй бол хожих байлаа” гэсэн бол ЛеБрон “Зарим үед тоглолт “ороод”, шидсэн бүхэн ордог өдөр байна, зарим өдөр эсрэгээрээ ч байна. Өнөөдөр эсрэг өдөр нь байлаа” гэсэн байна.

Кливлендийн дараагийн тоглолт Нью-Йорк хотноо болно. Энэ улирал ЛеБрон ба түүний нөхөд ганц л удаа Мэдисон Сквэр Гарденд тоглох ба Нью-Йорк хотын үзэгчид түүнийг хэрхэн угтан авах нь сонирхол татаж байна. Учир нь ирэх зун чөлөөт агент болох ЛеБроныг тэд л хамгийн ихээр авахыг хүсч байгаа юм.

“Кливленд” – “Чикаго” – 85:86 (27:25, 16:21, 22:17, 20:23)

К: Л. Жеймс (25 оноо), Ш. О’Нил (14 + 10 самбар), Варежао (12 + 13 самбар).

Ч: Денг (15), Д. Роуз (14 + 11 дамжуулалт), Сэлмонс (14).

Энэ улирал эхлээд тийм ч сайн тоглохгүй байсан Бузер өнөөдөр хэн гэдгээ харууллаа. Тоглолтын 48 минутын турш Юта идэвхитэй байж 113-99ээр хожсоноор улирлын хоёр дахь ялалтаа авав. 2008 оны 4 сараас хойш Юта Сан-Антониог хожоогүй байсан юм. Түүнээс гадна 1999 оноос хойш Юта Жазз Сан Антониог ялахдаа 100-аас их оноог авч байгаагүй ажээ.

“Юта” – “Сан-Антонио” – 113:99 (32:22, 28:28, 33:30, 20:19)

Ю: Бузер (27 + 14 самбар), Дэр. Уильямс (27 + 9 дамжуулалт+ 7 самбар), Кириленко (12 + 6 дамжуулалт), Мэтьюз (12).

С: Т. Паркер (21), Данкан (15 + 13 самбар), Блэр (14 + 9 самбар), Р. Жефферсон (14).