Өнгөрсөн Бямба гарагт Германы Ньюрнберг хотноо WBA-гийн аваргын төлөөх тулаан болж өнгөрлөө. Хүнд жингийн мэргэжлийн боксын дэлхийн аварга  оросын үлэмж биетэн Николай Валуев (36) нь   Дэвид Хэйд (29) оноогоор ялагдан аваргын бүсээ алдав . Валуев  өрсөлдөгчөөсөө  20 см өндөр,  45 кг илүү хүнд  жинтэй байв. Британ эр тулааны турш илүүрхэж , хурдтай бөгөөд оновчтой  цохилтоор байгаа онож байлаа. Эхний гурван раундад Валуев юу ч хийж чадсангүй. Хөдөлгөөн ихтэй ба сөрөг  довтолгоог амжилттай хийж байсан Хэйын эсрэг Валуев ямар ч жор олсонгүй. Дөрөвдэх үеэс дэлхийн аваргын тоглолт идвэхтэй болсон ч Хэй түүнээс илүү тоглоно. Валуев өрсөлдөгчөө онохыг хичээж байсан ч нөгөөх доошоо шумбаж,  хурдан зайлна. Өндрийн ялгаа  британ эрд ашигтайгаар эргэжээ. Хэй түүнийг тойрон бүжиглэж гэнэт цахилгаан мэт  довтлон оноо авч байв. Валуев хоосон цохилтоор  хүчээ барж байлаа. Түүний цохилт ихэвчлэн Хэйын мөрөнд нь тусаж байв.  Сүүлийн раундэд Хэй хүчтэй цохилтоор Валуевийг унагах дөхөв.  Энэ нь тулааныг шийдвэрлхэд   чухал нэмэр болжээ. Николай Валуев 53 мэргэжилийн тулаанд оролцож хоёрдахь ялагдлаа хүлээж байгаа юм.

Шүүгчдийн оноо: Tom Miller (USA) 116:112 , Stefano Carozza ( ITA) 116:112  Juan Garcia Reyes  (ESP)114:114