Өнөөдөр НБА-д 6 тоглолт боллоо.По Газоль болон Эндрью Байнум гэсэн самбарын 2 гол тоглогч нь эзгүй ч Лейкерс талбай дээрээ Нью-Орлеансийг амархан хожлоо. Лейкерс ийн 5 дахь дараалсан хожлоо авч байна. Коби 28 оноо авсан бөгөөд энэ улиралд ердөө 2 дахь удаагаа 30-аас доош оноо авлаа.  Лейкерс 7 тоглолт хийгээд байгаагийнхаа 5-г нь талбай дээрээ хийжээ. Хорнетсийн хувьд сүүлийн 5 тоглолтынхоо 4-т нь хожигдож байна.

“Лейкерс” – “Нью-Орлеан” – 104:88 (27:17, 28:25, 27:16, 22:30)

Л: Брайант – 28. Ш. Браун – 15. Уолтон – 11.

Н: Пол – 15 + 9 дамжуулалт. Дэв. Уэст – 11. Э. Окафор – 10 + 14 самбар. Поузи – 10. Дев. Браун – 10

Оклахома энэ улирлын гараагаа тун муугүй эхэлж байна. Өнөөдөр лигийн шилдэг багуудын нэг Орландо Мэжикийг талбай дээрээ илт давуу хожлоо. “Бид яг одоогоор сагсан бөмбөгийн сайн баг биш. Би үүнийг хэлж байсан, гэвч нэг ч хүн үүнийг сонсоогүй” гэж Стэн Ван Ганди тоглолтын дараа хэлжээ. Мэжик өнгөрсөн 2 сараас хойш улирлын тоглолтын хамгийн муу ялагдлаа хүлээсэн нь энэ. Мэжикийн Винс Картер гэмтлээс болж 4 дэх тоглолтондоо дараалан тоглосонгүй. Харин Рашард Льюисийн торгууль дуусаагүй хэвээр.

Оклахома өнгөрсөн жил 3 дахь хожлоо 27 дахь тоглолт хүртлээ авч чадахгүй байсан бол энэ улиралд ердөө 6 дахь тоглолтоороо л авлаа.

“Оклахома-Сити” – “Орландо” – 102:74 (23:25, 30:19, 26:13, 23:17)

ОС: Дюрант – 28. Уэстбрук – 17 + 10 дамжуулалт. Крстич – 14.

О: Дуайт Ховард – 20. М. Пьетрус – 15. Ж. Нельсон – 10.

Бен Уоллес дахин төржээ. Амжилт, ялалтанд хамт хүрч байсан Детройт Пистонстоо эргэн ирсэн тэрээр энэ улиралд сайн тоглож байна. Бен бол довтлох чиглэлийн сайн тоглогч биш, харин хамгаалалтын сайн тоглогч. Өнөөдөр Филлигийн эсрэг гэхэд л тэрээ ердөө 2-хон оноо авсан ч 16 самбар, 3 блок, 3 таслалт хийж багтаа тусалснаар Детройт өрсөлдөгчөө 88:81-ээр хожжээ. Бен Гордон 23 оноогоор багаа тэргүүлсэн байна. Харин Рип Хэмилтон, Тэйшуан Принц нар гэмтлийн улмаас тоглохгүй хэвээрээ байна. Мөн Принцийг зарах, солих арга замыг Пистонс хайж байгаа гэсэн яриа байгаа.

Филлиг Игоудала 24 оноогоор тэргүүлсэн. Филли сүүлийн 8 довтолгоогоо дараалан оновчгүй болсон нь тэдний хожигдлын шалтгаан болов.

“Детройт” – “Филадельфи” – 88:81 (23:19, 20:18, 21:22, 24:22)

Д: Гордон – 23. Виллануэва – 16. Стаки – 13.

Ф: Игуодала – 24. Спейтс – 15. У. Грин – 13.

Кевин Мартинаа 2 сар алдаад байгаа ч Сакраменто түүний эзгүйд 2 дахь дараалсан ялалтаа авлаа. Шинэ тоглогч Т. Еванс Мартинийг сайн орлож, 23 оноогоор багаа тэргүүлжээ. Зөвхөн 2-р үед тэрээр 18 оноо авсан байна. Сүүлийн жилийн хугацаанд Кингз анх удаа дараалан ялж байна. Кингз өнгөрсөн оны 11 сарын 9-нөөс хойш нэг ч удаа дараалан ялаагүй байжээ. Голден Стэйтийн хувьд одоогоор нэг тоглолтонд дунджаар 113.5 оноо алдаж байгаа нь лигийн 2 дахь муу үзүүлэлт болж байна.

“Сакраменто” – “Голден Стэйт” – 120:107 (30:29, 35:25, 31:23, 24:30)

С: Т. Эванс – 23 + 8 самбар. Б. Удрих – 20. Ж. Томпсон – 19 + 10 самбар.

Г: С. Жексон – 21. Мэггетти – 20. А. Рэндольф – 14.

Портлэндийн дасгалжуулагч Нэйт МакМиллан дахин 3 хамгаалагчийг гараанд цуг гаргалаа. Өөрөөр хэлбэл 2 холбогчоо буюу Андре Миллер, Стив Блейк нарыг Брэндон Ройтой хамтад нь гараанд гаргасан байна. Ийм гараа гаргасан 2 тоглолтондоо 2-ууланд нь Портлэнд хожжээ. Миннесота улирлын эхний тоглолтонд хожсон ч дараалан 6 хожигдлоо.

2 холбогчтой тоглох нь Олдрижэд их таалагдсан бол Ройгийн хувьд тийм ч тохиромжтой биш байна, одоогоор. Тэрээр өнөөдөр ердөө 2 оноо авчээ. 2006 оны 11 сарын 10-нд Рой Хорнетсийн эсрэг оноо авч чадаагүйгээс хойш өнөөдөр хамгийн муу тоглолтоо үзүүлэв. Гэхдээ Рой: “Бусад залуус сайн тоглож байсан тул би оноо авах шаардлагагүй” гэжээ.

“Портленд” – “Миннесота” – 116:93 (33:24, 29:21, 30:22, 24:26)

П: А. Миллер – 21. Олдридж – 19 + 10 самбар. Аутло – 19.

М: Джаваи – 16. Р. Гомес – 15. Эл Жефферсон – 12 + 10 самбар. К. Брюэр – 12.

Финикс эхний хагаст 16 удаа бөмбөгөө алдаж таслуулсан ч Визардсийг талбайд нь хожиж дөнгөлөө. Тэд 6:1 амжилттай болж байна. Энэ нь Сансын түүхэнд эхний 7 тоглолтын дараах хамгийн сайн амжилт нь ажээ.

“Вашингтон” – “Финикс” – 90:102 (29:26, 22:30, 20:24, 19:22)

В: Аринас – 20. Блэтч – 20. К. Батлер – 19.

Ф: Ж. Ричардсон – 22. Фрай – 18 + 10 самбар. А. Стаудмайр – 17 + 12 самбар.

Өчигдөр болсон тоглолтууд:

Өчигдөр НБА-д 7 тоглолт болсон. Гэхдээ өчигдрийн гол үйл явдал нь Айверсонтой холбоотой. Мемфис Гризлис багт энэ зун ирээд улирал эхэлснээс хойш 3 тоглолтонд оролцоод байсан Айверсон багийнхаа Клипперстэй хийсэн тоглолтонд оролцсонгүй. Айверсон өөрийг нь нөөц тоглогч болгосныг нь хүлээн зөвшөөрч чадахгүй байна. Тэр өөрийгөө илүү олон минут талбай дээр байх ёстой гэж үзэж байгаагаас биш ямар нэгэн залуу багийн нөөцийн сандалд тоглолтын ихэнхэд нь сууж, онцын үүрэг рольгүй байхыг хүсэхгүй байгаа юм. Айверсон Мемфисийн төлөө дахин тоглохгүй ч байж магадгүй гэсэн бодолтой хүмүүс ч байна. Юу болохыг харж л байя.

“Атланта” – “Денвер” – 125:100 (33:25, 27:25, 30:24, 35:26)

А: Кроуфорд – 25. Жонсон – 22. Смит – 22 + 9 самбар.

Д: Энтони – 30. Биллупс – 27. Хиларио – 12.

“Нью-жерси” – “Бостон” – 76:86 (19:18, 21:21, 21:20, 15:27)

Н: Лопес – 23. Алстон – 20. Симмонс – 10.

Б: Пирс – 16. Рондо – 16. Аллен – 12.

“Чикаго” – “Шарлотт” – 93:90 (26:28, 20:25, 27:17, 20:20)

Ч: Салмонс – 27. Ноа – 21 + 16 самбар. Денг – 14 + 11 самбар.

Ш: Диао – 20. Фелтон – 14. Чандлер – 13.

“Даллас” – “Торонто” – 129:101 (26:25, 29:23, 30:22, 44:31)

Д: Новицки – 29 + 9 самбар. Терри – 19. Мэрион – 18 + 8 самбар.

Т: Бош – 26 + 12 самбар. Барньяни – 22. Кальдерон – 13.

“Милуоки” – “Нью-Йорк” – 102:87 (40:22, 26:13, 17:23, 19:29)

М: Богут – 22 + 8 самбар. Микс – 19. Женнингс – 17.

Н: Ли – 18. Дуглас – 16. Галлинари – 15.

“Мемфис” – “Лос-Анджелес” – 110:113 (29:23, 31:32, 22:27, 28:31)

М: Каман – 26 + 9 самбар. Смит – 18. Гордон – 15. Дэвис – 15.

Л: Гей – 33. Рэндольф – 19 + 12 самбар. Конли – 16.

“Юта” – “Сакраменто” – 99:104 (30:19, 25:36, 13:30, 31:19)

Ю: Дэр. Уильямс – 29 + 15 дамжуулалт. Бузер – 16 + 17 самбар. Окур – 16.

С: Т. Эванс – 32. Б. Удрих – 15. Ночиони – 14.