Хэмилтон Баттонтой мөр зэрэгцэнэ.

Лхагва гарагт  Макларен баг  дэлхийн аварга Женсон Баттонтой   гурван жилийн гэрээ байгууллаа. Тэрээр Макларенаас жилд зургаан сая фаунд хүртэх аж. Ингээд Макларен баг он дарааллан дэлхийн аварга цол хүртсэн  хоёр  нисгэгчтэй  уралдах нээ. Энэ нь 1968 оноос хойш анх бүрэлдэж байгаа  британ   дэлхийн аваргуудтай  баг боллоо. Баттон олон хоног хэлэлцсэн ч  Браунтай тохиролцоонд хүрч чадаагүй  мөн  Кими Райкконен Формула-1-ээс түр завсарлага авсан нь түүнийг  Макларенд ирэх замыг улам нээлттэй болгосон юм. Хэмилтон бас багийн дарга Мартин Уитмарш нар Баттонтой хамтран ажиллах болсондоо баяртай байгаагаа мэдэгдсэн. Зарим шүүмжлэгчдийн үзэж буйгаар Баттон Макларенд ирсэн нь алдаа гэжээ. Макларен бол Баттоны хуучин багаас тэс ондоо соёлтой учраас  дасал болход  хугацаа хэрэгтэй . Хэмилтон энэ баг дотор  өөрийн байр сууриа бэхжүүлэн төвхнөж чадсан. Хэдийгээр Баттон адилхан англи боловч Хэмилтоны хувьд  хэн ч байсан өрсөлдөгч нь байх болно. Росс Браун нь Баттоныг  Макларентай гэрээ хийхээс өмнө багтаа үлдэхийг зөвлөсөн бөгөөд түүний ирээдүй зөвхөн энэ багт бий  гэдгийг ойлгох хэрэгтэй юм гэжээ. Брауны хэлсэн хэр ортойг хүлээх л үлдлээ.

Кими завсарлага авлаа

2007 оны дэлхийн аваргын  Макларентай хийсэн хэлэлцээр бүтэлгүй болж  дараа жил Формула-1-д уралдахгүй байхаар шийджээ.Райкконений хувьд Макларен баг түүний Формула-1-д уралдах цорын ганц сонголт байсан гэж түүний менежер Стив Робертсон хэлжээ. Ирэх жил тэрээр Ред Булл багаас  Раллид хүч үзэх бэлтгэлээ хангаж байна. 2011 оноос Формула-1-д эргэн ирвэл Ред Булл багт мөн тэр үед гэрээ нь дуусах Марк Вебберийн оронд ирэх магадлалтай.

Ник Хайдфельд Мерседес ГП-д?

Мерседес баг нэгдүгээр нисгэгчээрээ Нико Росбергийг авах нь тодорхой болсон . Хоёрдугаар нисгэгчээр Баттон эсвэл Райкконенийг сонгох бас түүгээр зогсохгүй Михаэль Шумахерийн нэр хүртэл сонсогдож байсан ч бүгд биш болж таарлаа.Тэгхээр герман нисгэгч Ник Хайдфельд нь Мерседес ГП –д тохирох сонголт болж болох юм.