“Милуоки” – “Чикаго” – 99:97 (22:17, 26:27, 29:28, 22:25)

М: Богут – 22 + 15 самбар. Белл – 16. Женнингс – 15 + 8 дамжуулалт. Дельфино – 15.

Ч: Салмонс – 23. Денг – 22 + 14 самбар. Роуз – 19.

Өнгөрсөн улирлын шилдэг шинэ тоглогчийн баг энэ улирлын шилдэг шинэ тоглогч болох хамгийн боломжтой тоглогчийн багийн талбайд зочилж тоглолоо. Уг тоглолтонд драфтын номер 1-ээр шалгарч байсан Эндрью Богут маш сайн тоглож, Милоуки хожлоо.

Гэмтлээс эргэн ирсэн Богут 22 оноо, 15 самбараас авалт хийжээ. Буллз ийн 5 дахиа дараалан хожигдож байна. Брэд Миллер тоглолтын сүүлчийн шидэлтийг хийсэн ч дутаасан юм.  Буллзын дараалсан зочлон тоглолтууд ийн тун амжилтгүй өндөрлөв. Дараагийн тоглолтоо Буллз Детройттой, Бакс Визардстай хийх аж.

“Юта” – “Мемфис” – 120:93 (31:22, 30:26, 34:22, 25:23)

Ю: Брюэр – 25. Бузер – 24 + 15 самбар. Дэр. Уильямс – 22.

М: Майо – 20. Янг – 17. Мар. Уильямс – 17.

Карлос Бузер 24 оноо, 15 самбараас авалт, 7 оновчтой дамжуулалтаар багаа тэргүүлж Жазз энэ улиралд анх удаа 3 дахь дараалсан хожлоо Мемфисээс авлаа. Бузер эргээд формондоо оржээ. Сүүлийн 5 тоглолтонд дараалан 20+ оноо авчээ. Жазз ийнхүү Мемфисийг 10 дараалан хожиж байгаа аж.

Мемфисийн лидер Руди Гэй гэр бүлийн шалтгааны улмаас уг тоглолтонд тоглоогүй бөгөөд улирал эхэлснээс хойш айлын талбайд 2-9 болж байна. Мемфис энэ удаа Жамал Тинслиг гарааны холбогчоор гаргасан ч Тинсли төдийлөн сайн тоглосонгүй.

“Даллас” – “Филадельфи” – 104:102 (28:23, 29:20, 21:29, 26:30)

Д: Новицки – 28. Кидд – 22 + 11 дамжуулалт. Гуден – 15 + 10 самбар.

Ф: Грин – 23 + 8 самбар. Брэнд – 21 + 10 самбар. Янг – 21.

5.6 секунд дутуу байхад А. Игуодала 3 онооны шидэлтээ оновчтой болгож тоог тэнцүүлсэн ч зөрүүлээд 1.4 секунд дутуу байхад Жейсон Терри шидэлтээ оновчтой болгосноор Маверикс Филадельфиг талбайд нь 104:102-оор хожлоо. Филли ийн 7 дахиа дараалан хожигдов. Маверикс 13-5 болж байгаа нь 2006-2007 оны улирлаас хойшхи хамгийн сайн эхлэл нь юм.

Дирк Новицки 28 оноо авсан бөгөөд 13 дахь тоглолтондоо дараалан 20+ оноо авчээ. Жейсон Кидд ч тун сайн тоглож, 22 оноо, 11 оновчтой дамжуулалт хийсэн байна.

Далласт өнөөдөр Аллен Айверсоны агент болон бизнесийн менежер нь Филлигийн Эд Стефански, дасгалжуулагч Эдди Жордан, өөр 2 албаны хүмүүсийн оролцсон уулзалт болж, 2 цаг гаруй үргэлжилжээ. Уулзалтын үр дүн, шийдвэрийг Стефански одоогоор хэлээгүй байна.

“Голден Стэйт” – “Индиана” – 126:107 (25:33, 26:24, 34:26, 41:24)

Г: Эллис – 45. Морроу – 18. Си. Джей. Уотсон – 18.

И: Данливи – 22. Грейнжер – 22. Д. Джонс – 21.

Стивен Жексоныг явснаас хойш Монта Эллис галзуурч байна. Эсвэл Голден Стэйтийн орлон дасгалжуулагч Кейт Смартад ч учир нь байж болох. Эллис сүүлийн хэдэн тоглолт бүрт л маш сайн тоглож, оноонуудыг бөөндсөөр байна.

Өнөөдөр Эллис Пейсерсийн эсрэг 45 оноо авч өөрийн дээд амжилтаа тогтоож, баг нь 126:107-оор хожлоо. Бас болоогүй, 6 алдаа хийгээд тоглолтыг дуусгалгүй чөлөөлсөн гэж байгаа. 2000-2001 оны улирлаас хойш 6 алдаа хийж тоглолтыг чөлөөлсөн ч 45-аас дээш оноо авсан 5 дахь тоглогч нь Эллис болов. Өмнөх хэд нь:

улирал	тоглогч	Оноо
’09-10	Монта Эллис	45
’06-07	Коби Брайант	58
’05-06	Пол Пирс	50
’05-06	Гилберт Аренас	47
’04-05	Aллен Айверсон	51

“Тоглолтын өмнө миний эхнэр надаас 50 оноо авах уу гэж асуусан…Намайг 6 алдаа гаргаад суух мөчид тэр ’45, тэгээд ялалт. Энэ хангалттай, би баяртай байна’ гэж хэлсэн” гэж Эллис ярьжээ.