Америкийн шилдэг теннисчин, дэлхийн номер нэг Серена Уйльямсд Олон улсын теннисний холбооноос маш хүнд шийтгэлийг оноолоо.

Өнгөрсөн 9 сард явагдсан Америкийн нээлттэй тэмцээний хагас шигшээд Белльгийн Клийстерстэй хийсэн тоглолтонд Уйльямс захын шүүгчийг хэл амаар доромжилж зохисгүй авир гаргасан юм.

Үүнээс өмнө Серена шүүгчийн шийдвэрийг эсэргүүцэн цохиураа газар шидэж ордонд цугласан үзэгчдийг гайшруулж байв. Саяхан Олон улсын теннисний холбоо удирдах зөвлөлийн ээлжит бус хурлаа зохион байгуулж Серенаг ирэх 3 жилийн Америкийн нээлттэй тэмцээнд оролцуулахгүй байхаар шийдвэрлэсэн байна.

Мөн 175,000 ам.доллараар торгожээ. Мэргэжлийн теннисний ертөнцөд өмнө нь ийм өндөр хэмжээний торгуулийг хэн ч хүлээж байсангүй. 1995 онд Америкийн Жефф Таранго Их Дуулгын үеэр маргаан дэгдээж 63,000 ам.доллараар торгуулж байсан байна.