Нью-Жерси Нетс НБА-ын хамгийн муу дээд амжилтуудын нэгийг давтлаа. Лейкерсийн талбайд зочлон тоглож хожигдсоноор Нетс улирлын эхний 17 тоглолтондоо дараалан хожигдов. Хэрэв дараагийн учраа болох Даллас Мавериксийг хожихгүй бол уг дээд амжилтыг ганцаараа эзэмших болно.

17 дахь тоглолтоо Лейкерсийн эсрэг хийнэ гэхэд Нетсийг хожигдоно гэдэгт эргэлзээгүй. Үнэхээр ч Лейкерсийн хувьд Нетс мэтийн баг бол хөнгөхөн “хоол”. Коби 30 оноо авсан бол Газоль 20 оноо авч.

Нетс хожигдсоныхоо дараа урьд нь мэдэгдэж байснаар дасгалжуулагч Луоренс Фрэнкээ ажлаас нь халж. Фрэнкийн оронд хэн ирэх бол? Ирээд ч энэ багийг өөд татах болов уу. Зарим хүмүүс Нетсийг НБА-ын түүхэн дэх хамгийн муу баг ч гэж нэрлэж байсан.

Хамгийн муу гараа
баг	он	хожигдол
Miami	1988	17
L.A. Clippers	1999*	17
» New Jersey	2009	17
L.A. Clippers	1994	16
Denver	1949	15
Cleveland	1970	15
Philadelphia	1972	15

*локаутын улмаас 50 тоглолттой байсан улирал

Лейкерс хожсон ч Финикс мөн хожсоноор бүсийнхээ төдийгүй лигийнхээ шилдэг амжилтаа хадгалсаар байна. Санс 14 хожил, 3 хожигдолтой байгаа бол Лейкерс 13-3. Торонтог 113:94-өөр хожсон тоглолтонд Нэш 20 оноо, 16 оновчтой дамжуулалт өгчээ. Тоглолтын дараа Сансын дасгалжуулагч Э. Жентри “Би Нэшийг лигийн өөр ямар ч холбогчоор солихгүй, үнэхээр солихгүй” гэжээ. Кидд тоглолтын өмнө Facebook дэх хуудсандаа Канадын үзэгчдэд өөрийг нь халуун дотно хүлээж авдагт нь баярладаг тухайгаа бичсэн байна. Торонто бол НБА дэх цорын ганц Канад баг. Өрнөдийн баг Торонтогийн талбайд жилд ганц л удаа тоглодог бөгөөд Нэш “жилийн дуртай тоглолтуудын маань” нэг хэмээн Торонтод хийх тоглолтоо хэлдэг.

Торонтогийн хувьд 3 дахиа дараалан хожигдоод байна.

Майами Хит талбай дээрээ Бостонд хожигдсоноор сүүлийн 7 тоглолтноос 5 дахь хожигдлоо хүлээв. Бостоны хувьд 13-4 боллоо. Гарнетт уг тоглолтонд 24 оноо авч багаа тэргүүлсэн ч Хитийн дасгалжуулагч Споелстра өрсөлдөгч багийнхаа холбогч Рондог ихэд үнэлж, Бостоны гол хөдөлгөгч гэжээ. Тоглолт болохоос өмнө Рашид Уоллес 30 000 доллараар торгуулсан гэнэ. Мань хүн өнгөрсөн долоо хоногт шүүгчийг хэл амаар доромжилсон гэнэ.

Орландо Мэжик Дорнод бүсэд хамгийн өндөр хожлын хувьтай явж байна. Тэд Никсийг талбайд нь хожсоноор улирлын 14 дэх хожлоо авчээ. Мэжикийн довтлогч Рашард Льюис өнөөдөр тун сайн тогложээ. Мэжик Льюисийг торгуулиа дуусгаад ирснээс хойш 7 хожиж, 1 хожигдоод байна. Орландо ер нь 11 сард сайн тоглодог баг болоод байна. Тэд сүүлийн 3 улиралд 11-р сард нийт 50 хожиж, 14 хожигдсон нь НБА-д хамгийн шилдэгт тооцогдох үзүүлэлт юм.

Никсийн хувьд 5 дараалан хожигдоод байна. Никс 6 үдшийн дотор 70 хувийн хожилтой 4 багийн эсрэг тоглох хүнд хуваариа ийн хожигдлоор эхлүүлэв. Тэднийг Санс, дахин Мэжик, Атланта багууд хүлээж байна.

Спэрс болон Данкан ойроос л хуучин хэвэндээ орж байна уу гэлтэй. Тэд 5 дараалан хожоод байна. Энэ удаа Филадельфиг талбай дээрээ буулган авлаа. Харин Филли 6 дараалан хожигдов. Филлиг энэ долоо хоногт Айверсонтой гэрээ хийнэ гэсэн мэдээлэл маш олон сайтуудад гарч байгаа юм.

Миннесота 15 дараалан хожигдоод байсан цувралаа зогсоолоо. Тэгэхдээ бүр бүсийнхээ шилдэг багуудын нэг Денвер Наггетсийг гомдоосон байна. Наггетс Миннесотаг өмнөх 10 тоглолтондоо бүгдэд нь ялсан, мөн улирлын тоглолтуудад талбай дээрээ 17 дараалан хожоод байсан зэрэг сайн үзүүлэлтээ хадгалж чадаагүй нь багахан хэмжээний сюрприз болов.

“Лейкерс” – “Нью-Жерси” – 106:87 (27:12, 32:22, 28:26, 19:27)

Л: Брайант – 30+8 самбар. П. Газоль – 20+9 самбар. Фармар – 15.

Н: Б. Лопес – 26+12 самбар. Харрис – 16. К. Ли – 15.

“Детройт” – “Атланта” – 94:88 (27:25, 28:22, 12:18, 27:23)

Д: Стаки – 23+8 дамжуулалт. У. Байнум – 19. Виллануэва – 13.

А: Жош Смит – 23. Ж. Кроуфорд – 20. Бибби – 13.

“Клипперс” – “Мемфис” – 98:88 (21:28, 22:30, 22:23, 33:7)

К: Э. Гордон – 29. Эл Торнтон – 18.

М: М. Газоль – 26. Гэй – 15+10 самбар. Тинсли – 12.

“Торонто” – “Финикс” – 94:113 (25:33, 24:17, 27:34, 18:29)

Т: Бош – 30+17 самбар. Барньяни – 24. Дерозан – 14.

Ф: Ж. Ричардсон – 22+9 самбар. Нэш – 20+16 дамжуулалт. А. Стадемайр – 18.

“Сан-Антонио” – “Филадельфи” – 97:89 (25:23, 29:22, 26:25, 17:19)

С: Данкан – 22. Т. Паркер – 16+8 дамжуулалт. Боннер – 16.

Ф: Игуодала – 21+8 самбар. Грин – 17. Т. Янг – 16.

“Денвер” – “Миннесота” – 100:106 (40:25, 24:25, 12:31, 24:25)

Д: Энтони – 32. К. Мартин – 16+14 самбар. Биллапс – 14.

М: Р. Гомес – 27. К. Брюэр – 16. Флинн – 16.

“Сакраменто” – “Нью-Орлеан” – 112:96 (26:26, 31:19, 25:29, 30:22)

С: Родригес – 24. Томпсон – 22+14 самбар. Эванс – 14.

Н: Д. Уэст – 24. Окафор – 20+9 самбар. Коллисон – 11.

“Майами” – “Бостон” – 85:92 (31:29, 17:26, 17:12, 20:25)

М: Уэйд – 27. Бисли – 18. Ж. О’Нил – 14+10 самбар.

Б: Гарнетт – 24+8 самбар. Пирс – 15. Перкинс – 14+13 самбар.

“Нью-Йорк” – “Орландо” – 102:114 (29:31, 23:23, 21:28, 29:32)

Н: Робинсон – 24. Д. Ли – 20+12 самбар.

О: Р. Льюис – 26+8 самбар. Дуайт Ховард – 24+16 самбар. Картер – 23.

“Оклахома-Сити” – “Хьюстон” – 91:100 (29:25, 25:20, 17:24, 20:31)

О: Дюрант – 25+9 самбар. Уэстбрук – 20. Грин – 12.

Х: Ландри – 21+10 самбар. Брукс – 21. Ариза – 17.