Премьер лигийн 15-р тойргийн үлдсэн 2 тоглолт өнгөрсөн шөнө явагдлаа. Эвертон – Тоттенхэмийн  тоглолт онц сонирхолтой болов.

2-р хагаст Жермайн Дефо лигийн 13 дахь гоолоо хийж, зочид тэргүүлж эхэлсэн бол удалгүй М. Доусон багийнхаа 2 дахь гоолыг хийж, тэргүүллээ баталгаажуулсан байна.Харин 78 дахь минутанд сэлгээгээр талбайд гарсан Луис Саха тоог 2:1 болгосон бол Тим Кэйхилл цаг дуусахаас 3 минутын өмнө тэнцээний гоол хийжээ.  Дашрамд Кэйхилл ням гаригт 30 нас хүрсэн байна.

Гэвч шүүгчийн мэдлийн цагт Тоттенхэм торгуулийн цохилт хийх эрхтэй болсон юм. Харамсалтай нь Дефо энэ цохилтоо алдаж, багаа хожилд хүргэх сайхан боломжийг алдав. Тоттенхэм хожсон бол хүснэгтийн 3-р байранд бичигдэх байлаа.

Харин Эвертон лигийн сүүлийн 9 тоглолтноос ганц л хожил аваад байна.

Бобби Заморагийн ганц гоол Фулхэмийг хүснэгтийн 8-р байранд авчирлаа. Тэд 15-р тойрогт Сандерландыг 1:0-ээр хожжээ.

“Эвертон” – “Тоттенхэм” – 2:2 (0:0)

Гоол: Дефо, 47 – 0:1, Доусон, 59 – 0:2, Саа, 78 – 1:2, Кэхилл, 87 – 2:2.
“Эвертон”: Ховард, Йобо (Коулмен, 15), Нилл, Бейнс, Хибберт, Кэхилл, Родвелл (Якубу, 62), Феллайни, Билялетдинов, Пиенаар, Жо (Саа, 63).
“Тоттенхэм”: Гомес, Бассонг, Доусон, Ассу-Экотто (Бэйл, 46), Чорлука, Паласиос (Хаттон, 90), Хаддлстоун, Кранчар (Дженас, 87), Леннон, Крауч, Дефо.

“Фулхэм“– “Сандерленд“ – 1:0 (1:0)

Гоол: Замора, 8 – 1:0.
“Фулхэм“: Шварцер, Пейнтсил, Хьюз, Хангеланд, Кончески, Дафф, Бэйрд, Грининг (Дикгасои, 86), Демпси, Замора, Невланд (Гера, 68).
“Сандерленд“: Фюлоп, Бардсли, А. Фердинанд (Носворти, 32), Тёрнер, Ричардсон, Мальбранк (Кэмпбелл, 70), Хендерсон, Кана, Рид, Бент, Джонс (Зенден, 74).