“Лейкерс” – “Финикс” – 108:88 (29:26, 25:18, 33:22, 21:22)

Л: Брайант – 26. Артест – 15. Газоль – 14.

Ф: Стадамайр – 18 + 8 самбар. Нэш – 12 + 10 передач. Хилл – 12.

Лейкерс бүсийнхээ гол өрсөлдөгчдийн нэг Сансыг улирал эхэлснээс хойш 2 дахь удаагаа 19-өөс дээш онооны зөрүүгээр хожлоо. Лейкерсийн дараалсан хожлын цуврал 9 болж байгаа бөгөөд өнгөрсөн улиралд хамгийн ихдээ 7 дараалан хожиж байв.

Санс 14-3 эхлэлээсээ хойш 4 тоглолтынхоо 3-т нь хожигдлоо. Эдгээр 3 хожигдол нь бүгдээрээ айлын талбайд, мөн дундаж зөрүү нь -21.3 болжээ.

Лейкерс одоогоор 19 тоглосноос 15-ыг нь талбай дээрээ хийгээд байгаа бол Санс 21 тоглосноос 14-ийг нь зочилж хийжээ.

“Нью-Йорк” – “Нью-Жерси” – 106:97 (26:30, 27:31, 33:18, 20:18)

Н-Й: Эл Харрингтон – 26+14 самбар. Хьюз – 25. Д. Ли – 24+9 самбар.

Н-Д: Дуглас-Робертс – 26. Лопес – 19. Харрис – 19.

Нетс 2 дахь хожлоо авах боломжтой байсан ч 2-р хагаст, тодруулбал 3-р үед Никс илүү тоглож, талбай дээрээ хожлоо. 3-р үед Ларри Хьюз ганцаараа 16 оноо авсан бол Нетс багаараа 18 оноо авчээ. Никс өнгөрсөн долоо хоногийг 4 тоглож, 3 хожсон сайн үзүүлэлттэйгээр өндөрлөж байна. Гэхдээ Мэдисон Сквэр Гарденд зарим үзэгчид тийм ч баяртай байсангүй. Учир нь тэд Нэйт Робинсоныг тоглуулахыг Майк ДиЭнтонигоос шаардаж байв. Нэйт 3 дахь тоглолтондоо дараалан нөөцөнд үлдсэн аж.

“Милуоки” – “Кливленд” – 86:101 (17:21, 16:31, 24:23, 29:26)

М: Женнингс – 24. Уоррик – 11 + 9 самбар. Дельфино – 11.

К: Уэст – 21. Жеймс – 14 + 10 дамжуулалт. Уильямс – 13.

ЛеБрон маш бага буюу 14-хөн оноо авсан ч Кавальерс Баксыг талбайд нь амархан хожлоо. Тэрээр 4 дэх тоглолтондоо дараалан 10+ оновчтой дамжуулалт хийлээ. Эхний хагаст Кавальерс 29:0 гэсэн супер ран хийхэд хамгаалагч Делонте Уэст нь эдгээр онооны 14-ийг нь авсан байна.

Бакс сүүлийн 8 тоглолтынхоо 7-д нь хожигдож, 9-10 амжилттай болов. Харин Кавальерс улирлыг 3-3 эхэлсэн ч үүнээс хойш 12-2 амжилт үзүүлжээ.

Тоглолтын дараа ЛеБрон “Би ахлах сургуульд байхад манай баг 75-0 гэсэн ран хийж байсан” хэмээн тоглоом хийсэн гэнэ.

“Детройт” – “Вашингтон” – 98:94 (24:19, 28:30, 19:20, 27:25)

Д: Стаки – 25. Виллануэва – 18. Байнум – 16.

В: Батлер – 20 + 10 самбар. Бойкинс – 18. Жэмисон – 13.

Флип Саундерс халагдсанаасаа хойш Детройтийн талбайд анх удаа эсрэг багийн дасгалжуулагчаар ирээд хожигдлоо. Түүний Визардс баг гэмтэл бэртэл ихтэй байгаа Пистонсийг барсангүй. Багийнхнаас нь ганц л тоглогч сайн тоглосон, тэр нь Ирл Бойкинс байсан хэмээн Саундерс дараа нь хэлжээ. Визардс 7-12, Пистонс 8-12 тус тус боллоо.

“Сакраменто” – “Майами” – 102:115 (25:30, 19:29, 33:29, 25:27)

С: Эванс – 30. Дон. Грин – 21. Касспи – 14.

М: Уэйд – 34 + 10 дамжуулалт. Бисли – 20. Ричардсон – 20.

Уэйд энэ улирлын анхны 30 оноо, 10 дамжуулалттай тоглолтоо гаргаж, түүний баг Кингзийг талбайд нь хожлоо. Энэ улиралд ЛеБрон болон Пол нар л 30+ оноо, 10+ оновчтой дамжуулалт хийгээд байгаа юм. Хит Өрнөд бүсээр хийж байгаа 4 тоглолтондоо 2:2 амжилт үзүүллээ.

Тоглолтын дараа Уэйдээс сурвалжлагч: “Энэ хожил өмнөх тоглолтын Кобигийн шидэлтийг мартуулж чадав уу?” гэсэн асуултанд: – “Хэзээ ч үгүй. Тэр шидэлт үргэлж миний ой санаанд байх болно” гэжээ.Энэ тоглолтыг Уэйдийн үерхдэг бүсгүй, жүжигчин Габриэль Юнион үзжээ.