“Филадельфи” – “Денвер” – 83:93 (26:20, 18:21, 21:22, 18:30)

Ф: Игудала – 31. Янг – 21. Айверсон – 11.

Д: Биллупс – 31 + 8 самбар. Энтони – 14. Лоусон – 12.

Аллен Айверсон Филадельфид 2 дахь удаагаа дебютээ хийлээ. Энэ удаагийнх эхнийхийгээ бодвол илүү сэтгэл хөдөлгөсөн байв. Түүний нэрийг зарлагч дуудахад ордонд цугласан үзэгчид бүгд суудлаасаа босон, түүний нэрийг дуудацгаан сайхан угтав. Айверсон талбайн төв дэх багийнхаа логог очиж, үнсээд эргэн багийнхан дээрээ очиж байв.  Вачова Центрт 20664 үзэгч цугласан бөгөөд анх удаа бүх тасалбар нь зарагджээ.

Гэвч Филли 10 дахь дараалсан хожигдлоо хүлээв. Чонси Биллапс 31 оноо авч, Айверсоны эргэн ирэлтийг “баллав”. Айверсон 11 оноо, 6 оновчтой дамжуулалт, 5 самбараас авалт авсан бөгөөд талбай дээр байх хугацаанд нь баг нь хожиж байсан. 65:61-ээр Филли хожиж байхад Айверсон нөөцөнд суусан бөгөөд үүнээс хойш Денвер 11 оноо дараалан авчээ. Улмаар Денвер үлдсэн хугацаанд онооны давамгайллаа хадгалж чадсанаар хожил авчээ. Кармелло улирал эхэлснээс хойш анх удаа 20 хүрэхгүй оноо авсан байна.

“Нью-Йорк” – “Портленд” – 93:84 (18:18, 31:20, 29:17, 15:29)

Н: Хьюз – 21. Дэвид Ли – 17 + 10 самбар. Галлинари – 14. Чандлер – 14.

П: Рой – 27. Олдридж – 19 + 13 самбар. Бэйлисс – 14.

Грег Оденоо бүтэн улирал алдсан Портлэнд энэ удаа НИксийн талбайд зочилж тоглоод хожигдлоо. Ларри Хьюз, Дэвид Ли нар довтолгоонд сайн тоглож, Никс улирлын хамгийн олон буюу 3 дахь дараалсан хожлоо авч байна.

“Портлэндийн хэр олон тоглогч гэмтсэнийг мэдэхгүй. Тэд Рой болон Олдрижтой байгаа цагт хэзээд хэцүү баг хэвээр байх болно” хэмээн Ли хэлжээ.

Оден, Руди Фернандес, Оутлав, Батум нараас гадна дасгалжуулагч Н. МакМиллан нь ч гэмтлийн улмаас багтайгаа аялаагүй юм. МакМилланы хувьд 12 сарын 15-нд Кингзийн эсрэг хийх тоглолтонд л багаа удирдаж эхлэх гэнэ.

“Оклахома Сити” – “Голден Стэйт” – 104:88 (22:23, 28:26, 29:18, 25:21)

О: Дюрант – 28. Харден – 26 + 9 самбар. Грин – 21 + 13 самбар.

Г: Эллис – 31 + 9 самбар. Кёрри – 22. Маггети – 11.

Кевин Дюрантаас гадна шинэ тоглогч Жеймс Харден сайн тоглож, Оклахома талбай дээрээ Голден Стэйтийг хожлоо. Оклахома 11 дэхээ хожиж байгаа нь  энэ.

Голден Стэйтийн довтлогч К. Маггетте 11 оноо авсан ч тоглолтноос хөөгдсөн. Тэрээр 2003-2004 оны улирлаас хойш анх удаа хөөгдөж байгаа гэнэ.

“Юта” – “Сан-Антонио” – 104:101 (24:31, 25:26, 37:19, 18:25)

Ю: Бузер – 27  Дэр. Уильямс – 17 + 11 дамжуулалт. Брюэр – 17 + 10 самбар.

С: Боннер – 28 + 8 самбар. Данкан – 23 + 11 самбар. Паркер – 22.

Дерон Уилльямс эхний 6 шидэлтээ бүгдийг нь алдсан ч 2-р хагаст 15 оноо, үүний дотор 22 секунд дутуу байхад багтаа тэргүүлэл авчирсан 2 оноо авчээ. Ингэснээр Жазз бүсийнхээ гол өрсөлдөгч нарын нэг Спэрсийг хожлоо. Бузер 8 дахь тоглолтондоо дараалан 20+ оноо, 7+ самбараас авалт хийлээ.

Спэрс улирал эхэлснээс хойш айлын талбайд 1-5, мөн Ютад хийсэн сүүлийн 7 тоглолтондоо 6 хожигдоод байна.