Премьер лигийн 15-р тойрогтой холбоотой тоо баримт, статистик мэдээллээс хүргэе.

1 – Тэргүүлж байсан тоглолтуудаасаа оноо алдаагүй үлсдэн ганц баг нь МЮ.

3 – Портсмут энэ улирлын лигийн 3 дахь хожлоо авав.

2 – Вест Хэм өөрсдийн Аптон Паркт Манчестер Юнайтедийн эсрэг хийсэн сүүлийн 15 тоглолтынхоо ердөө 2-т нь л хожжээ.

2 – Стокийн хаалгач Томас Соренсен улирал эхэлснээс хойш 2 дахь удаагаа пеналти хаажээ. Энэ тойрогт тэрээр Фабрегасийн цохилтыг хаасан байна.

4 – Өнгөрсөн тойрогт 4 пенальтиг тоглогчид алджээ. Эдгээр азгүйтнүүд бол Диндан, Фабрегас, Лампард, Дефо нар.

4 – Болтон эхний 14 тоглолт бүртээ гоол алдсан ПЛ-ийн түүхэн дэх 4 дэх баг боллоо.

4 – Челси энэ улиралд 4 торгуулийн цохилт гүйцэтгэсэн. Эдгээрийг бүгдийг нь Дидье Дрогба “олж иржээ”.

5 – Манчестер Юнайтед энэ тойрогт Вест Хэмийн хаалга руу 5 цохьжээ. Үүний 4 нь гоол болов.

5 – Вульвс энэ тойрогт Болтоныг 2:0-ээр хожсон. Энэ нь Мик МакКартнигийн дээд дивизионд дасгалжуулагчийн хувиар авч байгаа 5 дахь хожил нь гэнэ.

6 – Челси лигийнхээ сүүлийн 6 тоглолтноос анх удаа гоол алдав.

6 – Астон Вилла Халлын эсрэг хийсэн лигийн болон цомын сүүлийн 6 тоглолтондоо дараалан хожсон төдийгүй нэг ч гоол алдаагүй гэнэ.

6 – Бирмингем лигийн сүүлийн 6 тоглолтондоо хожигдоогүй явна.

7 – Мартин О`Нейллийн удирдлаганд орсноос хойш Астон Вилла талбай дээрээ лигийнхээ 7 тоглолтонд дараалан хожигдоогүй гэсэн цувралыг өмнө нь хийж байсан бөгөөд энэ удаа үүнийгээ давтаад байна.

8 – Арсенал лигийн болон цомын тэмцээнд Стокийг 8 дараалан хожихдоо нийт 26 гоол хийжээ.

9 – Манчестер Сити Челсиг лигтээ учраа таарсан сүүлийн 9 тоглолтноос анх удаа хожив. Өмнөх 8-д нь бүгдэд нь хожигдоод байж.

9 – Эвертон сүүлийн 9 лигийн тоглолтноос ганц хожилтой явна.

10 – Портсмут лигийн болон цомын тэмцээнд Бёрнлитэй хийсэн сүүлийн 10 тоглолтондоо нэг ч хожигдоогүй.

10 – Астон Вилла лигийнхээ сүүлийн 10 тоглолтын анхны клин-шитээ хийв.

13 – Манчестер Юнайтед 2009 онд лигийн 13 зочлон тоглолтонд хожил авсан нь бусад багуудаас илүү.

18 – Сандерланд сүүлийн 18 лигийн зочлон тоглолтынхоо ганцад нь л хожсон байна.

22 – Ливерпуль Блекбэрний эсрэг хийсэн сүүлийн 22 лигийн тоглолтноосоо нэг л удаа хожигдож байжээ. Энэ тойрогт тэд тэнцсэн.

27 – Бёрнли улирал эхэлснээс хойш айлын талбайд 27 гоол алдаад байна. Мөн айлын талбайгаас 8 тоглохдоо 1 л оноо авчээ.

30 – Эвертон талбай дээрээ Тоттенхэмд хамгийн олон буюу 30 оноог ПЛ-т өгчээ.

30 – Эвертоны ахлагч Тим Кэйхилл өөрийн 30 насны төрсөн өдрөөр тэнцээний гоолыг Тоттенхэмийн хаалганд хийсэн байна.

34 – Вест Хэмийн Аптон Паркт энэ улиралд хамгийн олон гоол ороод байна.

50 – Стид Малбранк Сандерландын төлөөх 50 дахь Прем.лигийн тоглолтондоо оролцов.

63 – 63 жилийн хугацаан дахь Блекбэрн – Ливерпулийн  Ивуд Паркт болсон тоглолтуудаас 2 нь л гоолгүй тэнцээгээр дуусчээ. Эхнийх нь 2007 оны 11 сард болж байв.

99 – Пол Скоулз ПЛ-т 99 дэх гоолоо хийлээ.

100 – Эмирайтс цэнгэлдэхэд Арсенал 100 дахь албан ёсны тоглолтоо хийжээ. Эдгээрийн 67-д нь хожиж, ердөө 6-д нь хожигдсон байна.

100 – Сандерланд ПЛ-т зочлон тоглолтын 100 дахь хожигдлоо хүлээжээ.

101 – Брэд Фридель ПЛ-т 100 дахь удаагаа клин-шит хийлээ. Өмнө нь ПЛ-т 7 хаалгач энэ амжилтанд хүрч байв.

102 – Бирмингем лигтээ Алекс МакЛишийн удирдлага дор 102 дахь гоолоо хийжээ.

250 – Арсеналын ахлагч Сеск Фабрегас багйинхаа төлөө 250 дахь тоглолтондоо оролцжээ.

250 – Астон Виллагийн зүүн хамгаалагч С. Уорнок клубын 250 дахь тоглолтоо хийв.

400 – Бирмингемийн Стивен Карр клубын 400 дэх гараагаа хийв.

500 – Арсеналын Арсен Венгер ПЛ-ийн 500 дахь тоглолтондоо оролцжээ.

500 – Ливерпулын ахлагч Стивен Жеррард 500 дахь тоглолтондоо оролцжээ. Тэрээр дебютээ мөн Блекбэрний эсрэг 11 жилийн өмнө хийж байсан байна.

1,300 – Сэр Алекс Фергюсон МЮ-г 1300 дахь тоглолтондоо удирдахдаа Вест Хэмийг 4:0-ээр хожлоо.