ЦСКА багийн хамгаалалтыг бүрдүүлдэг Алексей Березуцкий, Сергей Игнашевич нарыг ямар нэгэн тэмцээнд тоглуулахгүй байх шийдвэрийг УЕФА буюу Европын хөлбөмбөгийн холбоо гаргажээ.

Эдгээр тоглогчдоос 11 сарын 3-нд Манчестер Юнайтедтай хийсэн тоглолтын дараа авсан сэргээшийн шинжилгээний хариу нь “эерэг” буюу сэргээш хэрэглэсэн гэж гарсан гэнэ.

А сорьцноос нь  ‘S6. Stimulants’ хэмээх бодис илэрсэн бөгөөд үүнийг WADA-аас хориглосон байдаг юм байна. Ийм учраас УЕФА-ын сахилгын хороо ийм арга хэмжээ авчээ. Гэхдээ уг хороо 12 сарын 17-нд дахин хуралдах гэнэ.

ЦСКА-ын зүгээс тоглогчдоо хамгаалж байна.

ЦСКА Аваргуудын лигийн чухал тоглолт болох Бешикташийн эсрэг тоглолтонд ийн үндсэн тоглогчидгүйгээр тоглох боллоо.