“Вашингтон” – “Бостон” – 102:104 (28:27, 22:37, 24:19, 28:21)

В: Аринас – 25 + 8 дамжуулалт. Хэйвуд – 17 + 8 самбар. Блэтч – 17.

Б: Рондо – 21 + 11 дамжуулалт. Аллен – 18. Гарнетт – 17.

Бостон Селтикс 9 дэхээ дараалан хожсон төдийгүй айлын талбайд хийсэн 11 тоглолтынхоо 10-т нь хожлоо. Мөн Рэй Аллен улирлын тоглолтын 20 000 дахь оноогоо авсан бол Пол Пирс 19 000 дахь оноогоо авчээ. Рэй Аллен 20 000-ын босгонд хүрсэн НБА-ын түүхэн дэх 32 дахь тоглогч болов.

Өнөөдрийн Бостоны хожилд Рондо чухал үүрэг гүйцэтгэж, 21 оноо, 11 оновчтой дамжуулалт хийсэн байна.

Гилберт Аренас 25 оноо авсан боловч 26.7 секунд дутуу байхад 2 торгуулийн шидэлтээ алджээ. Тэрээр өнөөдөр 6 торгуулийнхаа 5-ыг нь алдаж багаа хөөдөв.

Пирс 2 торгуулиа оновчтой болгож тоог 101:98 болгосны дараа Аренас оролтоо амжилттай болгон 101:100 болгосон. Рэй Аллен 2 торгуулиа алдсангүй, 103:100. Харин Аренас болон Рэнди Фоей нар 3 онооны шидэлтээ алсанаар Бостон хожлоо.

“Детройт” – “Денвер” – 101:99 (23:24, 29:26, 28:23, 21:26)

Дет: Виллануэва – 27. Стаки – 25. Жеребко – 12 + 8 самбар.

Ден: К. Энтони – 40. Биллапс – 21. Жи. Ар. Смит – 14.

Чонси Биллапс хуучин багийнхаа эсрэг тоглож, 21 оноо авсан ч Пистонс талбай дээрээ Өрнөдийн шилдгүүдийн нэгийг хожлоо. Биллапс сүүлийн мөчид лэй-апаа алдсанаар Пистонс улирлын хамгийн сайн цуварл болох 4 дэх дараалсан хожлоо авчээ. Харин Денвер улирал эхэлснээс хойш 2 дахь удаагаа 2 дараалж ялагджээ.  Кармелогийн хувьд улирал эхэлснээс хойш 14 дэх удаагаа 30-аас дээш оноо авсан байна.

“Юта” – “Орландо” – 120:111 (22:35, 30:25, 38:21, 30:30)

Ю: Уильямс – 32 + 15 дамжуулалт + 8 самбар. Си. Жей. Майлз – 22), Бузер – 20 + 14 самбар.

О: Картер – 34. Дуайт Ховард – 18 + 10 самбар. Барнс – 17.

Өчигдөр өнгөрсөн улирлын аварга Лейкерсийн талбайд онцгүй хожигдсон Юта өнөөдөр өөрсдийнхөө талбайд өнгөрсөн улирлын аман хүзүү Орландог хожлоо. Орландо 6 дараалан хожсоны эцэст хожигдож байгаа бөгөөд Дорнод бүсийн тэргүүн байраа Селтикст алдав.

Орландо 2-р үед 18 оноогоор тэргүүлж байсан ч бариулжээ. Жазз өчигдөр Лейкерсийн эсрэг 4-р үед ердөө 6 оноо авсан бол энэ удаа Мэжикийн эсрэг эхний үед бас тун муу хамгаалав. Гэхдээ үлдсэн хугацаанд сайн тоглосноор хожил авлаа. Жазз нөгөөдөр талбай дээрээ Лейкерсээс даагаа нэхнэ.