Өнгөрсөн мягмар гаригт явагдсан Аваргуудын лигийн хэсгийн сүүлийн тойргийн тоглолтонд Барсагийн супер од Леонел Месси бэртэл авсан. Аргентин эрийн шагайндаа авсан бэртэл тийм хүнд биш боловч энэ бямба гаригт явагдах Каталоны дербиг өнжихөөр болжээ. Мөн 12 сарын 16-нд явагдах Клубын дэлхийн аваргын эхний тоглолтонд ч оролцохгүй байж магадгүй байна. Ийнхүү Месси улирал эхэлснээс хойш 2 дахь удаагаа бэртэл авч талбайд гарах боломжгүй болж байна. Өмнө нь Месси зүүн хөлөө бэртээж Аваргуудын лигт Интерийн эсрэг талбайд гарч чадаагүй юм.

***

Мөн Лондоны Арсенал багийн довтлогч Никлас Бендтнер 2010 он гартал эргэж ирэхгүй нь тодорхой болжээ. Өнгөрсөн сард Тоттенхэмийн эсрэг хийсэн тоглолтонд Дани довтлогч бэртэл авч сар гаран багтаа тус болохгүй гэж байсан ч энэ нь 2 сар болон сунжирсан юм. Энэ ням гаригт явагдах Ливерпуль – Арсенал багуудын тоглолтыг Бендтнерээс гадна шөрмөсний асуудалтай байгаа Эманүель Эбүэ, Томаш Росикци нар өнжих нь тодорхой болсон байна.
***

Челсигийн Гана хагас хамгаалагч Майкл Эссьений баруун хөлийн шөрмсөндөө авсан бэртэл эдгэрэхэд ойролцоогоор 4 долоо хоног хэрэгтэй болжээ. Челсигийн албан ёсны сайтад үүнийг баталсан бөгөөд ирэх нэг сард явагдах Африкийн цомд ч оролцохгүй байж мэдэх нь. Аваргуудын лигийн сүүлийн тойрогт Киприйн АПОЕЛ багтай 2 : 2-оор тэнцэхэд Эссьен баруун хөлөндөө бэртэл авч талбайг орхисон юм. 27 настай Гана эр улиралд эхэлснээс хойш 22 тоглолтонд оролцоод байсан юм.
***

Манчестер ситигийн хамгаалагч Майкл Жонсон бэлтгэлийн үеэр маш хүнд бэртэл авч улирал дуустал ногоон талбайд гарах боломжгүй болсон байна. Улирал эхэлснээс хойш бэртэл гэмтлээс салахгүй байгаа тэрээр өнгөрсөн 10 сард Карлин цомын тоглолтонд оролцсоноосоо хойш багтаа тус болоогүй юм. Гэтэл арай гэж гэмтлээ эдгэрүүлж байсан түүнийг багийнх нь андууд ийнхүү ирэх жилийн 5 сар хүртэл бэртээж орхилоо. Марк Хьюз түүний талаар ”Майклын хувьд үнэхээр харамсалтай явдал боллоо. Тэр уг нь үндсэн багт багтахын тулд маш шаргуу хөдөлмөрлөж байсан юм. Хэрвээ элдэв асуудалд орооцолдоогүй байсан бол би түүнийг гараанд гаргахаар төлөвлөж байсан байсан юм” гэжээ.