“TLG-13″ төрийн бус байгууллагаас санаачлан сагсан бөмбөгийн Холбоодын цомын аварга шалгаруулах хоёр дахь удаагийн тэмцээнийг зохион байгуулах гэж байна. 12 сарын 13-наас 12 сарын 20-ны хооронд 7 хоног үргэлжлэх энэ тэмцээнд сонирхогчийн сагсан бөмбөгийн “Sprite” лигийн шилдэг 9 баг, мөн сагсан бөмбөгийн “Сэнгүр” дээд  лигийн шилдэг 7, нийт 16  баг оролцохоор болжээ. Багууд 4 хэсэгт хуваагдах бөгөөд нэг хэсэгт “Сэнгүр” лигийн 2, “Спрайт” лигийн 2 баг гэсэн байдлаар орно. Хэсэг тус бүрээс 3 дараагийн шатанд  шалгарч, дахин зоонд хуваагдан тоглож, эндээс шалгарсан багууд нь хасагдах шатанд тоглож, аварга баг тодорно. Эхний 3 байр эзэлсэн багууд цом, медаль, ивээн тэтгэгчдийн шагнал хүртэх аж.

“Сэнгүр” лигийн багуудын хувьд энэ жил хөл хөдөлгөөн, шилжилт ихтэй байгаа. Тухайлбал МУИС-ын МБМ багт О. Сайнбаяр, Ц. Мэргэн, Даваадаш зэрэг МУИС-ын оюутан байсан залуучууд эргэн нэгдэж, Г. Ихбаяр, Г. Баттөр, Н. Золжаргал, Ц. Азбаяр нар дээр нэмэгдэн хүчирхэг баг бүрдүүлжээ.

Гол тоглогчдоо алдсан Хасын Хүлгүүд баг Хараагийн Харцагат байсан О. Ууганбаяр, Лидерийн П. Болортулга, БЗ Буллзын Даваажав, Ёлуудын Б. Мөнхболд нараар хүч нэмсэн гэнэ.

Баянзүрх Буллз баг Халлелуяагийн довтлогчид болох Ц. Сэдбазар, Ц. Пүрэвцэрэн нарыг элсүүлснээс гадна легионер тоглогчтой болсон сурагтай.

Хараагийн  Харцага багт Б. Одбаяр, Түмэнжаргал нар орж, үндсэндээ ШУТИС-ийн баг дахин бүрджээ.

Эдгээр тоглогчид шинэ багтаа хэрхэн тоглохыг харахыг хүсвэл та бүхэн Холбоодын цом тэмцээнийг өргөнөөр сонирхоорой.

Холбооны цомын тэмцээний тоглолтын хуваарь: