Премьер лигийн 16-р тойргийн 9 тоглолт бямба гаригт явагдаж, топ багууд бүгд оноо алдлаа. Манчестер Юнайтед өөрийн талбайдээ Астон Виллатай тоглож, 0:1-ээр хожигдов. Астон Вилла 1983 оноос хойш Олд Траффорд цэнгэлдэхэд анх удаа хожил авч байгаа нь энэ.

Өнгөрсөн улиралд эдгээр багууд Олд Траффордод тоглоход Федерико Македа МЮ-г аварч байсан бол энэ удаа хэн нэгэн шинэ од багаа аварсангүй.

1-р үед Э. Янгийн дамжуулалтаар Г. Агбонлахор гоол хийсэн нь Астон Виллад хожил бэлэглэсэн юм. Агбонлахор МЮ-ийн эсрэг сүүлийн 3 улиралд бүгдэд нь гоол хийгээд байсан бөгөөд үүнийгээ 4 болгожээ. Агбонлахороос гадна Виллагийн хаалгач Брэд Фридель тун сайн тоглож, багийнхаа хожилд үнэтэй хувь нэмэр оруулсан болно.

Астон Вилла ийн топ 3-т орж ирлээ. Харин МЮ улирал эхэлснээс хойш лигтээ 4 дэхээ хожигдов.

Манчестер Юнайтед Челсигийн дараа тоглосон бөгөөд Челси тэдний өмнө талбай дээрээ Эвертонтой тоглож, 3:3-аар тэнцлээ. Эвертоны гоолууд Челсигийн хамгаалагч, хаалгачийн буруугаас болж орох шиг болсон. Ер нь Петр Чех дэлхийн хамгийн найдвартай хаалгач явсан цаг нь нөгөө айхтар гэмтлээс хойш өнгөрсөн юм уу даа гэмээр санагдав.

Челси сүүлийн 4 тоглолтондоо нийт 10 гоол алдлаа. Эвертон улирал эхэлснээс хойш Стэмфорд Брижээс оноотой салсан анхны баг болсон байна.

Челси ийн 2 оноо алдсан ч Манчестер Юнайтед талбай дээрээ хожигдсон тул сэтгэлээр унах хэрэггүй биз. Хэрэв МЮ хожсон бол Челситэй оноо тэнцэх байв.

“Бид хожоогүй нь сет-пист алдаа гаргасантай холбоотой. Гэвч манай баг 90 минутын турш сайн тоглосон. Олон боломжууд гаргасан ч өнөөдөр азгүй байлаа. Челси 90 минутын турш сайн тоглосонд сэтгэл хангалуун байна, харин үр дүнд сэтгэл дундуур байна” хэмээн Анчелотти тоглолтын дараа хэлжээ.

12 сарын 28-ний Фулхэмтэй хийх тоглолтын дараа Дрогба, Калу, Эссьен бол Микель нарын тоглогчид нь Африкийн цомд тоглохоор явна. Энэ талаар Анчелотти: “Би Дрогбад итгэдэг. Яг энэ мөчид тэр маш чухал тоглогч боловч түүнгүйгээр бид 1-р сард хожиж чадна гэж найдаж байна…Бид 1-р сард хэнийг ч худалдаж авахгүй” гэжээ.

Хасагдах багуудын хэсгээс хасагдах зорилготой тоглож байгаа Вульвс энэ тойрогт Тоттенхэмийг талбайд нь 1:0-ээр хожиж шуугиулав. Кевин Дойл чөлөөт цохилтоор тоглолтын ганц гоолыг хийжээ. Талбай дээрээ хийсэн өмнөх тоглолтондоо Уиганы хаалганд 9 гоол хийж байсан Тоттенхэм энэ удаа ганцыг ч хийж чадсангүй. Тоттенхэм хожсон бол эхний 3-т орж ирэх байв.

Манчестер Сити Болтонтой мөн 3:3-аар тэнцэв. 2-р үед Крэйг Беллами улаан хуудас авч, талбайг орхисноор Сити хүнд байдалд орсон ч 77 дахь минутанд К. Тевез тэнцээний гоол хийжээ. Тевезийн хувьд улирал эхэлснээс хойш 8 дахь гоолоо хийж байгаа нь энэ.

Сүүл мушгиж байгаа Портсмут сүүлийн мөчид хийсэн Ё. Кабулын тэнцээний гоолоор Сандерландтай оноо хуваалаа. Гэхдээ мань хүн гоолын баяраа хэтрүүлээд талбайгаас хөөгджээ.

Бирмингемд 0:1-ээр хожигдсоноор Вест Хэм 18-р байранд үлдлээ.

Бобби Замора улирал эхэлснээс хойш 7 дахь гоолоо Бёрнлигийн хаалганд хийж, Фулхэм-Бёрнли оноо хуваажээ.

Ки Си цэнгэлдэхэд Халл – Блекбэрн багууд гоолгүй тэнцэв.

Уиган – Сток багууд 2:2-оор тэнцэхэд Т. Соренсен сүүлчийн минутанд торгуулийн цохилт хааж багаа аварчээ. Торгуулийн цохилт алдсан “хэрэгтэн” бол Родаллега.

“Манчестер Юнайтед” – “Астон Вилла” – 0:1 (0:1)

Гоол: Агбонлахор, 21 – 0:1.
“Манчестер Юнайтед”: Кущак, Видич, Браун, Эвра, Флетчер, Андерсон (Гибсон, 68), Каррик, Парк (Бербатов, 63), Валенсия, Гиггз (Оуэн, 46), Руни.
“Астон Вилла”: Фридель, Данн, Куэлляр, Уорнок (Коллинз, 62), Л. Янг, Даунинг (Рео-Кокер, 81), Петров, Э. Янг, Милнер, Хески (Карью, 74), Агбонлахор.
Шүүгч: Мартин Аткинсон.
Шар хуудас: Руни, 25 – Л. Янг, 90.
“Олд Траффорд” (Манчестер). 75 130 үзэгч.

“Сандерленд” – “Портсмут” – 1:1 (1:0)

Гоол: Бент, 23 – 1:0, Кабуль, 90 – 1:1.
“Сандерленд”: Фюлоп, Да Сильва, Тёрнер, Маккартни, Носворти, Кана, Хендерсон, Рид, Кэмпбелл, Бент (Мальбранк, 90), Джоунс (Мёрфи, 85).
“Портсмут”: Джеймс, Уилсон, Кабуль, Браун (Диоп, 83), Хрейдарссон, Бен-Хаим, Хьюз, О-Хара, Йебда (Уэббер, 77), Диндан, Кану (Пикийонн, 62).
Шүүгч: Стив Беннетт.
Шар хуудас: Кана, 25, Маккартни, 34, Хендерсон, 68, Бент, 79 – Хрейдарссон, 45, Кабуль, 78, Бен-Хаим, 79.
Улаан хуудас: Кабуль, 90 (второе предупреждение).
“Стэдиум оф Лайт” (Сандерленд). 37 578 үзэгч.

“Бирмингем Сити” – “Вест Хэм” – 1:0 (0:0)

Гоол: Бойер, 52 – 1:0.
“Бирмингем Сити”: Харт, Данн, Джонсон, Риджвелл, Карр, Бойер, Фергюсон, Макфадден (Филлипс, 90), Ларссон, Жером, Бенитес (Фейхи, 90).
“Вест Хэм”: Грин, Габбидон, Томкинс, Илунга (Ноубл, 83), Фобер, Паркер, Нобл, Станислас (Коллисон, 69), Ковач (Дайер, 68), Франко, Диаманти.
Шүүгч: Ли Мейсон.
Шар хуудас: Фергюсон, 16, Риджвелл, 60, Джонсон, 78 – Ковач, 12, Диаманти, 45, Коллисон, 72, Нобл, 72.
Улаан хуудас: Нобл, 78.
“Сент Эндрюс” (Бирмингем). 28 203 үзэгч.

“Халл Сити” – “Блэкберн” – 0:0

“Халл Сити”: Майхилл, Гарднер, Заятте, Доусон, Макшейн, Жеованни, Марни (Олофиньяна, 78), Боатенг, Хант, Гарсия (Альтидор, 66), Фэган (Веннегор оф Хесселинк, 78).
“Блэкберн”: Робинсон, Нельсен, Самба, Живэ, Шимбонда, Нзонзи, Грелла (Эндрюс, 41), Хойлетт, Эмертон, Маккарти (Калинич, 59), Ди Санто (Робертс, 76).
Шүүгч: Крис Фой.
Шар хуудас: Марни, 10 – Калинич, 64, Самба, 72.
“Кингстон Коммьюникейшн” (Кингстон-апон-Халл). 24 124 үэгч.

“Сток Сити” – “Уиган” – 2:2 (1:1)

Гоол: Бойс, 15 – 0:1, Шанли, 37 – 1:1, Фигероа, 72 – 1:2, Шоукросс, 74 – 2:2.
“Сток Сити”: Сёренсен, Файе, Шоукросс, Уилкинсон, Хут, Диао (Уилен, 62), Уайтхед, Этерингтон, Делап, Шанли, Фуллер (Битти, 83).
“Уиган”: Киркленд, Брэмбл, Бойс (Синклейр, 47), Фигероа, Мельхиот, Диаме, Шарнер, Кумас (Скотленд, 78), Н-Зогбия, Родальега, Гомес.
Шүүгч: Майк Дин.
Шар хуудас: Файе, 33, Шанли, 45, Диао, 57, Уилкинсон, 75, Хут, 89 – Шарнер, 63.
“Британия” (Сток-он-Трент). 26 728 үзэгч.

“Бёрнли” – “Фулхэм” – 1:1 (0:0)

Гоол: Замора, 50 – 0:1, Эллиотт, 60 – 1:1.
“Бёрнли”: Йенсен, Колдвелл, Карлайл, Джордан, Мирс, Бикей (Макдональд, 78), Александер, Эллиотт, Блейк (Нюджент, 56), Иглз (Васкес, 86), Флетчер.
“Фулхэм”: Шварцер, Хангеланд, Хьюз, Кончески, Пентсил, Бейрд, Грининг, Демпси, Дафф, Невланд (Гера, 77), Замора.
Шүүгч: Майкл Джоунс.
Шар хуудас: Грининг, 36, Кончески, 39.
“Тёрф Мур” (Бёрнли). 18 397 үзэгч.

“Челси“– “Эвертон“ – 3:3 (2:2)

Гоол: Чех, 12 (автогол) – 0:1, Дрогба, 18 – 1:1, Анелька, 23 – 2:1, Якубу, 45 – 2:2, Дрогба, 59 – 3:2, Саа, 63 – 3:3.
“Челси“: Чех, Иванович, Терри, Карвалью (Беллетти, 85), Эшли Коул, Оби Микел (Борини, 88), Баллак, Лэмпард, Джо Коул (Малуда, 76), Анелька, Дрогба.
“Эвертон“: Ховард, Хибберт, Нилл, Хейтинга, Бейнс, Пиенаар, Родвелл, Феллайни, Билялетдинов, Жо (Якубу, 45), Саа (Агард, 90).
Шар хуудас: нет – Хейтинга, 37.
Шүүгч: Фил Дауд.
“Стэмфорд Бридж“ (Лондон).

“Тоттенхэм“– “Вулверхэмптон“ – 0:1 (0:1)

Гоол: Дойл, 3 – 0:1.
“Тоттенхэм“: Гомес, Чорлука, Доусон, Бассонг, Ассу-Экотто, Леннон, Хаддлстоун, Паласиос (Модрич, 59), Кранчар (Дос Сантос, 78), Кин (Крауч, 59), Дефо.
“Вулверхэмптон“: Ханеманн, Стирман (Ивелумо, 79), Берра, Крэддок, Уорд, Анри, Эдвардс (Фоли, 60), Мильяш (Мансьенн, 70), Джарвис, Эбанкс-Блэйк, Дойл.
Шар хуудас: – Анри, 28, Джарвис, 45, Уорд, 74, Ханеманн, 90, Мансьенн, 90.
Шүүгч: Стюарт Аттвелл.
“Уайт Харт Лейн“ (Лондон).

“Болтон“– “Манчестер Сити“ – 3:3 (2:2)

Гоол: Класнич, 11 – 1:0, Тевес, 28 – 1:1, Кэхилл, 43 – 2:1, Ричардс, 45 – 2:2, Класнич, 53 – 3:2, Тевес, 77 – 3:3.
“Болтон“: Яаскилайнен, Стейнссон, Кэхилл, Найт, Робинсон, Ли, Муамба (Марк Дэвис, 80), Коэн, Тейлор, Кевин Дэвис, Класнич (Элмандер, 72).
“Манчестер Сити“: Гивен, Ричардс, Туре, Лескотт, Сильвиньо, Райт-Филлипс (Айланд, 22), Компани (Робиньо, 72), Бэрри, Беллами, Тевес, Адебайор (Санта Круз, 83).
Шар хуудас: Класнич, 45, К. Дэвис, 54, Коэн, 59 – Силвиньо, 61, Беллами, 63.
Улаан хуудас: Беллами, 64.
Шүүгч: Марк Клаттенбург.
“Рибок“ (Болтон).

	ПЛ-ийн явц	тт	хо	тэ	хд	Б-х	Оноо
1	Челси	16	12	1	3	40-13	37
2	Манчестер Юнайтед	16	11	1	4	34-14	34
3	Астон Вилла	16	8	5	3	26-14	29
4	Арсенал	14	9	1	4	38-18	28
5	Тоттенхэм Хотспурс	16	8	3	5	35-22	27
6	Манчестер Сити	15	6	8	1	29-21	26
7	Ливерпуль	15	7	3	5	31-20	24
8	Бирмингем Сити	16	7	3	6	16-16	24
9	Фулхэм	16	6	5	5	20-17	23
10	Сандерленд	16	6	3	7	22-22	21
11	Сток Сити	16	5	6	5	15-19	21
12	Блэкберн Роверс	16	5	4	7	16-28	19
13	Бёрнли	16	5	3	8	20-34	18
14	Уиган Атлетик	16	5	3	8	19-36	18
15	Эвертон	16	4	5	7	22-30	17
16	Халл Сити	17	4	5	8	17-34	17
17	Вулверхэмптон	16	4	4	8	15-28	16
18	Вест Хэм Юнайтед	16	3	5	8	24-31	14
19	Болтон Уондерерс	15	3	4	8	20-32	13
20	Портсмут	16	3	2	11	14-24	11