“Хьюстон” – “Детройт” – 107:96 (29:19, 27:28, 25:21, 26:28)

Х: Брукс – 23 + 10 дамжуулалт. Скола – 23 + 8 самбар. Лэндри – 19.

Д: Хэмилтон – 21. Стаки – 17. Виллануэва – 16.

Трэйси МакГрэйди өнгөрсөн 2 сарын 9-нөөс хойш анхны тоглолтондоо оролцлоо. Ти-Мак олон хоногийн өмнө тоглоход бэлэн гэж мэдэгдэж байсан ч Рик Адельман түүнийг тоглуулахаас болгоомжилсоор өдийг хүргэсэн. Үүнд нь МакГрэйди бухимдалтай байсан билээ. Өнөөдөр тэрээр 7 минут орчим тоглож, 3 оноо авчээ.

Тревор Ариза өмнөх Торонтогийн эсрэг тоглолтонд санаатай алдаа гаргасан, лигийн зүгээс үүнд нь нэг тоглолтын торгууль оногдуулсан тул энэ удаа тоглоогүй.  Гэхдээ түүний эзгүйд Брукс, Скола нар довтолгоонд сайн байж, Рокитс хожлоо. Пистонсийн 5 дараалсан хожил ийн зогсож байна.

Рокитс маргааш Денвертэй тоглоно. Адельман энэ тоглолтонд МакГрэйдиг мөн л 7 орчим минут тоглуулах бодолтой гэнэ.

“Кливленд” – “Нью-Жерси” – 99:89 (30:22, 22:23, 20:18, 27:26)

К: Жеймс – 23. Илгаускас – 16. Шакил О`Нил – 16.

Н: Лопес – 22 + 15 самбар. Харрис – 22. Алстон – 20.

Кавальерс талбай дээрээ 8 дахиа дараалан хожлоо. Эдгээр 8 тоглолтонд дунджаар 105.0 оноо авч, 95.3 оноо алджээ. Шак, Илгаускас нар адилхан 16 оноо авсан бөгөөд улирал эхэлснээс хойш 2-уулаа нэг тоглолтонд зэрэг 10+ оноог анх удаа авав.

Нетс 90-ээс доош оноог улирал эхэлснээс хойш 13 дахь удаагаа авлаа. 3:48 үлдээд байхад Девин Харрис өрсөлдөгч багийнхаа Ж. Мүн дээр санаатай алдаа гаргаж, улмаар тоглолтноос хөөгдсөн байна.

Гэснээс Нетс Хятадийн шар айрагны Цинтао компанитай гэрээ байгуулж, хамтрахаар болсон гэнэ.

“Шарлотт” – “Нью-Йорк” – 94:87 (24:20, 22:27, 20:27, 28:13)

Ш: Жексон – 24. Уоллес – 21 + 8 самбар. Фелтон – 18.

Н: Духон – 18. Чандлер – 16. Дэвид Ли – 16 + 8 самбар.

Никс 4 дараалан ялаад байсны эцэст Шарлоттод хожигдлоо. Уг нь Никс өнөөдөр ч хожих боломжтой байсан ч сүүлийн 2:32-д 2 оноо авч, 15 оноо алдсанаар хожигджээ. “Энэ бол манай багийн энэ жилийн шилдэг хожил” хэмээн Ларри Браун тоглолтын дараа хэлэв.  Шарлотт Никсийг 4 дараалан хожсоноос гадна энэ улиралд талбай дээрээ 9-3 боллоо.

Мөн 23 дахь тоглолтондоо 10 дахь хожлоо авсан нь Бобкэтсийн түүхэнд дэх хамгийн сайн амжилт юм.

Нэйт Робинсоныг энэ удаад  мөн л гаргасангүй.

“Майами” – “Торонто” – 115:95 (24:26, 36:24, 31:24, 24:21)

М: Бисли – 28 + 11 самбар. Уэйд – 19. Райт – 16 + 8 самбар.

Т: Бош – 28. Барньяни – 14. Туркоглу – 12.

Дуэйн Уэйд 4-р үеийн турш нөөцөнд суужээ. Өөрөөр хэлбэл Хит илт давуу хожил авав. Бисли өөрийн дээд амжилтаа давтан 28 оноо авч багаа тэргүүлжээ. Эрик Споелстра энэ удаад Карлос Арройг гарааны холбогч болгосон байна.

Рэпторсоос Бош 28 оноо авсан ч ердөө 2-хон самбараас авалт хийжээ. КАльдерон тоглоогүй бөгөөд хэзээ тоглох нь тодорхойгүй хэвээр.

“Финикс” – “Сан-Антонио” – 116:104 (28:17, 39:35, 22:32, 27:20)

Ф: Стадамайр – 28 + 14 самбар. Стив Нэш – 25 + 13 дамжуулалт. Драгич – 18.

С: Данкан – 34 + 14 самбар. Мейсон – 19. Паркер – 15.

Санс энэ улиралд талбай дээрээ хожигдоогүй ганц баг хэвээр үлдлээ. Тэд өнөөдөр Спэрсийг хүлээн аван тоглоод Амаре, Нэш нарын сайн тоглолтын ачаар хөнгөхөн гэж хэлж болохоор хожлоо. Залуу тоглогч Драгич мөн муугүй тогложээ.

“Нэш болон Амаре нар хийх ёстойгоо хийсэн, сайн тоглосон. Драгич намайг бага зэрэг гайхашрууллаа” хэмээн Данкан хэлж. Данкан 34 оноо авсан ч Ману, Паркер, Жефферсон нар түүнд олигтой тусалсангүй. Спэрс энэ улиралд нэг л болохгүй байна.

“Чикаго” – “Лейкерс” – 87:96 (31:31, 17:23, 25:18, 14:24)

Ч: Роуз – 21. Денг – 21. Миллер – 15 + 8 самбар.

Л: Брайант – 42 + 8 самбар. Байнум – 11. Газоль – 10 + 16 самбар.

Хугархай хуруутай байгаа Коби өнөөдөр Буллзын эсрэг улирлын хамгийн өндөр 42 оноог авч, Лейкерс сүүлийн 13 тоглолтынхоо 12-т нь хожлоо.  Харин Буллз сүүлийн 17 тоглолтынхоо 13-т нь хожигджээ. Лейкерс мөн Буллзыг 6 дахиа дараалан хожив. Коби улирал эхэлснээс хойш 5 дахиа 40+, нийтдээ 101 дэх удаагаа 40+ оноо авлаа.

“Портленд” – “Сакраменто” – 95:88 (23:23, 20:31, 23:19, 29:15)

П: Рой – 25 + 10 дамжуулалт. ОлдриЖ – 25. Бэйлесс – 14.

С: Эванс – 19. Томпсон – 18. Удрих – 17.

Эхний хагаст Кингз 11 оноо илүү байсан ч 2-р хагаст энэ давамгайллаа алдаж хожигдлоо. Олдриж нийт 25 оноо авсныхаа 19-ийг нь 2-р хагаст авчээ.

Андре Миллер энэ удаа холбогчоор гараанд гарсан ч ердөө 4 оноо авав. Стив Блэйк 2007 оны 11 сарын 3-наас хойш анх удаа гараанд гарсангүй.