“Милуоки” – “Лейкерс” – 106:107 ОТ (20:19, 27:26, 24:29, 24:21, 11:12)

М: Редд – 25. Ильясова – 24. Богут – 16 + 12.

Л: Брайант – 39. Газоль – 26 + 22 подбора. Артест – 10.

Коби үндсэн цагт багтаа ялалт бэлэглэх боломжтой байсан ч шидэлтээ алдаж, улмаар цаг сунгасан. Харин нэмэлт цагийн төгсгөлд өөрийн 2 дахь боломжоо алдалгүй ашиглаж, дундын шидэлтээ оновчтой болгосноор багаа ялагдлаас авраад зогсохгүй, хожууллаа. Коби улирал эхэлснээс хойш 2 дахиа хожигдож явсан ч сүүлийн мөчид оновчтой шидэж, багтаа ялалт авчирч байна. Өмнө нь Хитэд баззер-шот хийж байв.

Лейкерс 20-4 болж, Бостоны хамтаар лигйин хамгийн өндөр амжилтыг үзүүлээд байна. Лйекерсээс Газоль 26 оноо авч, өөрийн дээд амжилт 22 самбараас авалт хийв. Газоль сүүлийн 4 тоглолтын 3-т нь 20+ самбараас авалт авчээ.

Баксаас Майкл Редд 25 оноо авсан ч арай л хожиж чадсангүй, уг нь хожил ойрхон байв. Чарли Белл сүүлийн мөчид Кобиг дахин алдуулж чадсан бол Бакс хожих байлаа. ер нь Баксийг Коби л “булшлав”. Реддийн 3 онооны оновчтой шидэлт, Риднурийн дундын шидэлтийн дараа Бакс 106:100-аар тэргүүлж байв. Коби дундын шидэлтээ оновчтой болгосны дараа Ильясова торгуулийн 2 шидэлтээ алдаж, Коби алдаатай довтолж, 3 оноо авч106:105 болгожээ. Риднур, Редд оновчгүй довтолсны дараа Артист самбараас бөмбөг авахад 5.4 секунд үлдээд байж. Энэ хугацаанд л Коби шидэлтээ оновчтой болгож, Лейкерс хожсон байна.

“Атланта” – “Мемфис” – 110:97 (22:24, 29:18, 32:24, 27:31)

А: Жонсон – 26 + 8 самбар. Хорфорд – 15 + 10 самбар. Смит – 14.

М: Сэм Янг – 20. О. Жей. Майо – 15. Газоль – 14 + 8 самбар.

Атланта өнөөдөр талбай дээрээ Мемфисийг хожиж, 5 дахь дараалсан хожлоо авлаа. 4-р үед Хоуксийн лидерүүд талбайд гаралгүй нөөцийнхнөө тоглуулсан байна. Мемфисийн Руди Гэй 3-р үеийн сүүл хэрд шагайндаа гэмтэл аван тоглолтыг орхиод эргэн талбайд гараагүй аж. Эдгээр багууд ирэх оны 2 сарын 9-нд Мемфисийн талбайд дахин тоглоно.

“Индиана” – “Шарлотт” – 101:98 (30:25, 26:21, 23:23, 22:29)

И: Мерфи – 26 + 15 самбар. Ти. Жей. Форд – 15 + 15 дамжуулалт. Данливи – 15.

Ш: Уоллес – 29 + 12 самбар. Жэксон – 22. Чандлер – 13 + 13 самбар.

Пейсерс талбай дээрээ Бобкэтсийг хожлоо. Грейнжерийн эзгүйд энэ удаа Трой Мэрфи маш сайн тоглож, 13 довтолгооныхоо 10-ийг нь оновчтой болгож, 26 оноо авснаас гадна 15 самбараас авалт хийжээ. Пейсерс 6 дараалан хожигдсоны эцэст 4 тоглолтынхоо 3-т нь хожлоо.

Стивен Жексон 2004-2007 оны хооронд Пейсерт тоглож байгаад Пистонстой хийсэн тоглолтын зодоонд оролцож байсан нэгэн. Гэвч Индианагийн үзэгчид түүнийг тоглолтын турш “бүү”-лж байв.

“Орландо” – “Торонто” – 118:99 (35:24, 31:30, 26:25, 26:20)

О: Льюис – 21. Барнс – 20. Ховард – 18 + 14 самбар.

Т: Бош – 20. Туркоглу – 14. Жэк – 13.

Дуайт өнөөдөр блок парти хийлээ. Тэрээр Рэпторсийн тоглогч нарт 8 блок тавьсан байна. Хедо Туркоглуг Мэжикийн үзэгчид сайхан хүлээж авсан ч баг нь Мэжикт юм болсонгүй. Орландо 19-6 болж байгаа бол Торонто 11-17 болжээ.

“Филадельфи” – “Кливленд” – 101:108 (26:32, 29:28, 25:23, 21:25)

Ф: Игудала – 26. Янг – 16 + 10 самбар. Айверсон – 16.

К: Жеймс – 36. Уильямс – 12. Варежао – 11 + 8 самбар.

Филадельфигаас ЛеБроны эсрэг тоглочих, түүнтэй өрсөлдчихөөр тоглогч байсангүй. Тэр Филлигийн талбайд 36 оноо авсны дээр 4-р үед чухал 3 онооны 2 шидэлтээ амжилттай болгож, Кавальерс улирлын 19 дэх хожлоо авлаа. Харин Филли 19 дэх хожигдлоо хүлээв. Уг нь талбайн эзэд 94-90-ээр тэргүүлж байсан ч сүүлийн 5 минутанд нэг ч удаа оновчтой довтлоогүй байна.

Айверсон маргааш MRI2д шинжлүүлэхээр болж байгаа аж. Түүний зүүн өвдөг гэмтжээ. 4-р үед Айверсоныг нөөцөнд байх үед үзэгчид “Бид Айверсоныг хүсэж байна” хэмээн хэлцгээж байв.

“Нью-Жерси” – “Юта” – 92:108 (24:26, 17:26, 21:25, 30:31)

Н: Лопес – 23 + 10 самбар. Терренс Уильямс – 17. Кортни Ли – 15.

Ю: Бузер – 26 + 10 самбар. Дэрон Уильямс – 20 + 14 дамжуулалт. Миллсэп – 13.

2 хоногийн өмнө Өрнөдийн хамгийн муу багт талбай дээрээ хожигдсон Жазз энэ удаа Дорнодийн хамгийн муу багийг талбай дээр нь хожлоо. Жазз ийн сүүлийн 11 тоглолтноос 8 дахь хожлоо авч байна. Нетсийн хувьд 5 дахиа дараалан хожигдов. Андрей Кириленко 24 минут тоглосноор Адриан Дэнтлиг ардаа орхин, Жаззын түүхэнд тоглосон минутаараа 6-д бичигдэх болжээ.

“Оклахома Сити” – “Даллас” – 86:100 (24:24, 24:19, 20:28, 18:29)

О: Уэстбрук – 16. Грин – 15 + 11 самбар. Харден – 12. Дюрант – 12.

Д: Новицки – 35 + 11 самбар. Ховард – 15. Мэрион – 12.

Оклахома талбай дээрээ Далласыг барсангүй. Оклахомагийн тоглогчид бүгдээрээ улбар шар Найкийн пүүзээр гангарсан ч тусыг эс олов. Энэхүү пүүз нь Найкаас Кевин Дюрантын нэр дээр гаргаж байгаа 2 дахь загвар нь аж. Дюрант 25-аас дээш оноог 9 дараалан аваад байсан ч энэ удаа улирлын хамгийн муу 12 оноо авчээ. Даллас ийн 5 дахиа дараалан хожсон байна.

“Миннесота” – “Клипперс” – 95:120 (29:27, 24:37, 26:27, 16:29)

М: Лов – 19 + 12 самбар. Жефферсон – 18 + 8 самбар. Сешнс – 10.

К: Гордон – 25. Каман – 23 + 10 самбар. Батлер – 21.

Крис Каманн, Маркус Кэмби, Барон Дэвис нар бүгдээрээ гэмтэлгүй, зэрэг тоглоцгоовол Клипперс хүчтэй баг. Каманн, Дэвис нар өнгөрсөн улиралд хамтдаа нийт 28-хан тоглолтонд оролцож байсан бол энэ улирал эхэлснээс хойш 24 тоглолтонд хамт тоглоод байна. Өнөөдөр тэд Миннесотаг 25 онооны зөрүүтэйгээр хожлоо. Клипперс 4-9 эхлэлийнхээ дараах 11 тоглолтын 7-д нь хожив.

“Нью-Орлеан” – “Детройт” – 95:87 (25:28, 17:27, 28:18, 25:14)

Н: Уэст – 32 + 12 самбар. Пол – 16 + 12 дамжуулалт. Окафор – 15 + 8 самбар.

Д: Стаки – 26. Виллануэва – 18 + 8 самбар. Аткинс – 13.

Дэвид Уэст улирлын хамгийн сайн тоглолтоо үзүүлж, Хорнетс талбай дээрээ Пистонст 16 оноогоор хожигдож байгаа барьж, хожлоо. Хорнетс 11-13 болж, Кингз, Клипперсийн хамтаар бүсдээ 10-12-т бичигдэж байна.

“Денвер” – “Хьюстон” – 111:101 (25:21, 33:30, 27:27, 26:23)

Д: Энтони – 38 + 9 самбар. Жей. Ар. Смит – 21. Биллупс – 15.

Х: Брукс – 23. Ариза – 18 + 8 самбар. Андерсен – 17 + 9 самбар.

Мело улирал эхэлснээс хойш 17 дахь удаагаа 30+ оноо авч, Денвер талбай дээрээ Рокитсийг хожлоо. Рокитсийн 3 дараалсан хожил зогссон бол Денвер 3 дараалан хожив. Гэхдээ Денвер хожсон ч Биллапсаа алдаж. Тэрээр 3-р үед гэмтэж талбайг орхисон байна. Биллапс дараагийн 2 тоглолтонд оролцохгүй байж магадгүй. МакГрэйдиг өнөөдөр мөн 7 минут тоглуулсан ч оноо авч чадсангүй.

“Голден Стэйт” – “Сан-Антонио” – 91:103 (25:27, 24:20, 20:31, 22:25)

Г: Эллис – 35. Мэггетти – 21. Рэндольф – 11. Си. Жей. Уотсон – 11.

С: Данкан – 27 + 15 самбар. Жефферсон – 17. Боганс – 13.

Спэрс улирал эхэлснээс хойш ердөө 3 дахь удаагаа л айлын талбайд хожлоо. Спэрс 2-р хагаст тун сайн хамгаалсны хүчинд хожсон гэж Попович хэлж. Попович одоо ганц хожиход л лигийн түүхэнд 700 хожил авсан 17 дахь дасгалжуулагч болно.

Спэрс Данканыг драфтаар авснаас хойш Уириорзийн эсрэг 47 тоглохдоо 40-д нь хожоод байна.

“Сакраменто ” – “Вашингтон” – 112:109 (34:33, 25:21, 30:26, 23:29)

С: Эванс – 26. Касспи – 22. Ночиони – 20.

В: Аринас – 33. Жэмисон – 30. Батлер – 16.

Кингзийн шинэ тоглогч Эванс сүүлийн мөчид Аренасыг бөмбөгийг тасалж, улмаар торгуулийн 2 шидэлтээ оновчтой болгосноор Кингз талбай дээрээ Визардсыг хожлоо. Аренас нийт 33, 4-р үед 13 оноо авсан ч 1 оноо дутуу байх үед довтлох гэж байгаад Эванст бөмбөгөө таслуулж багаа хөөдөв. Визардс 6 дараалан хожигдсон. Гэхдээ эдгээр хожигдлуудын онооны нийлбэр нь ердөө 14 байна.