“Майами” – Орландо – 104:86 (33:18, 26:26, 30:16, 15:26)

М: Уэйд – 25. Бисли – 22 + 8 самбар. Райт + 8 самбар. Ричардсон – 11.

О: Ховард – 17 + 14 самбар. Реддик – 13. Пьетрус – 12.

Майами Хит улирал эхэлснээс хойш Орландо Мэжиктэй 2 тоглож, 2 дахиа хожлоо. Өмнө нь Мэжикийн талбайд болсон тоглолтонд Майкл Бисли цаг дуусахтай зэрэгцэн хожлын оноо авч байсан бол энэ удаа Хит илт давуу хожив. Уэйд 25 оноо, 7 оновчтой дамжуулалт хийсэн бол Бисли 22 оноо авч багаа тэргүүлжээ.

Мэжик уг нь Хитийг сүүлийн 14 тоглолтынхоо 12-т нь хожиж байлаа. Хитийн дасгалжуулагч Эрик Споелстра энэ удаа дахин Карлос Арройг гараанд гаргаж, Марио Чалмерсийг нөөц тоглогч болгосон байна. Уэйд, Аррой нар хамтдаа 14 оновчтой дамжуулалт хийж, нэг ч ТО хийгээгүй ажээ.

“Чикаго” – “Нью-Йорк” – 98:89 (23:34, 25:16, 21:22, 29:17)

Ч: Денг – 24 + 13 самбар. Сэлмонс – 18. Роуз – 18.

Н: Духон – 18. Эл Харрингтон – 18. Галлинари – 18.

Буллз сүүлийн 14 тоглолтноос 3 дахь хожлоо авлаа. Тэд өнөөдөр Никст 17 оноогоор хожигдож байсан ч оноог барьж, хожлоо. Жон Салмонс сүүлийн 47.7 секундэд 7 оноо авсны дотор маш чухал 3 онооны оновчтой шидэлт нь багтана.

Никс эхний хагаст НБА-ын дээд амжилт болох 3 онооны 29 шидэлт хийсэн байна. Үүнээс 9 нь оновчтой болж.

4 минут гаруй үлдээд байхад Никс 79:75-аар хожиж байсан ч Булл 10 оноо дараалан авчээ. Никс 4 дараалан ялсны эцэст 2 дараалж хожигдов.

“Портленд” – “Финикс” – 105:102 (25:28, 23:27, 22:26, 35:21)

П: Бэйлисс – 29. Рой – 27 + 8 самбар. Олдридж – 15. Уэбстер – 15.

Ф: Стаудмайер – 27 + 11 самбар. Хилл – 20. Фрай – 17 + 8 самбар.

Портлэнд талбай дээрээ Сансыг хожлоо. 3-р үед Санс 15 оноо илүү байсан ч энэ давамгайллаа алджээ. Портлэнд 8 тоглолтынхоо 6-д нь хожигдсоныхоо дараа 2 дараалан хожлоо. Жеррид Бэйлисс өөрийн дээд амжилт 29 оноо авсан бол Рой 27 оноо авчээ.

Сансын хувьд 2004 оны 1 сарын 28-наас 2 сарын 20-ны хооронд айлын талбайд 6 дараалан хожигдож байсныгаа давтаж байна.  Санс дараагийн 12 тоглолтынхоо 10-ийг нь өөрийн талбайдаа хийх бөгөөд улирал эхэлснээс хойш талбай дээрээ хожигдоогүй байгаа.

Сансын тоглолт TNT сувгаар Нэгдсэн улс даяар цацагдсан сүүлийн 17 тоглолтонд дараалан хожигдоод байгаа гэнэ.