Премьер лигийн 17-р тойргийн тоглолтууд  энэ долоо хоногийн дундуур явагдсан. Уг тоглолтуудтай холбоотой статистик, тоо баримтаас сонирхуулъя.

0 – Вест Хэмийн менежер Жанфранко Зола дасгалжуулагчийн болон тоглогчийн хувиар аль алинаар Болтоны “Рибок” цэнгэлдэхэд хожиж үзээгүй гэнэ.

4 – Болтоны довтлогч Иван Класнич сүүлийн 4 тоглолтондоо нийт 4 гоол хийлээ.

5 – Блекбэрнийг хожсоноор Бирмингем клубынхээ дээд амжилтыг шинэчлэв. Тэд лигтээ 5 дараалан хожиж байгаа нь энэ. Мөн Блекбэрнийг талбайдаа лигийн болон цомын тоглолтуудад 5 дараалан хожжээ.

7 – Бирмингем – Блекбэрний хооронд болсон лигийн болон цомын сүүлийн 7 тоглолт бүгдээрээ талбайн эзэн багийн хожлоор дуусчээ.

7 – Болтон лигийнхээ сүүлийн 7 тоглолтноос анхны хожлоо авсан.

8 – Сандерланд талбай дээрээ хийсэн лигийн 8 тоглолтноос анх удаа хожигдов.

13 – ПЛ-ийн энэ улирал эхэлснээс хойш Бирмингемийн “St Andrew” цэнгэлдэхэд нийт 13-хан гоол оржээ. Өөрөөр хэлбэл хамгийн бага гоол орсон цэнгэлдэх болж байна.

14 – Манчестер Сити лигийн болон цомын сүүлийн 14 тоглолтноос анхны хожигдлоо хүлээжээ.

16 – Ливерпуль энэ тойрогт Уиганыг хожсон. Энэ нь тэдний лигийн, цомын, Аваргуудын лигийн гээд нийт хийсэн сүүлийн 16 тоглолтын ердөө 4 дэх хожил нь болов.

18 – Тоттенхэм ПЛ-т М. Ситиг 18 дахиа хожжээ.

18 – Уиган ПЛ-ийн “их 4” гэж нэрлэгддэг багуудын талбайд хийсэн сүүлийн 18 тоглолтынхоо 16-д нь хожигдоод байна.

20 – Ливерпуль ПЛ-т өөрийн Энфилд цэнгэлдэхдээ 20 тоглолт дараалан гоол хийв. Энэ нь 1991 оны 3 сараас 1992 оны 2 сар хүртэлх хугацаанд үзүүлсэн амжилттай нь тэнцэж байгаа хэрэг.

20 – Челси талбай дээрээ лигийн сүүлийн 20 тоглолтондоо хожигдоогүй.

100 – Арсенал Бёрнлигийн талбайд зочилж тэнцсэн. Энэ нь Арсеналын ПЛ дэх 100 дахь зочлон тоглолтын тэнцээ юм.

100 – Фернандо Торрес Ливерпулын төлөө нийт 100 дахь тоглолтондоо оролцож, ПЛ-ийн 49 дэх гоолоо хийжээ.

100 – Грэм Александр Арсеналын хаалганд торгуулийн цохилтоор гоол хийж, лигийн 100 дахь гоолоо хийв.

250 – Арсеналын хамгаалагч У. Галлас ПЛ-т 250 дахь тоглолтондоо оролцов.

300 – Майкл Оуэн ПЛ-т 300 дахь тоглолтоо хийв.

800 – Тоттенхэм дээд дивизионд талбай дээрээ 800 дахь хожлоо Ман.Ситигээр авчээ.

900 – Манчестер Юнайтедийн дасгалжуулагч Сэр Алекс Фергюсон лигийн 900 дэх тоглолтондоо баг удирджээ.

1000 – Бёрнли дээд дивизионд талбайдаа 1000 дахь тоглолтоо хийв.