“Бөртэ чоно-2009″ МҮОХ-ны тэргүүн дээд шагнал гардуулах ёслол маргааш 12 сарын 22-ны орой 21:00 цагт Монголын Үндэсний олон нийтийн телевизийн “Студио-600″-д эхлэх бөгөөд үүнийг орон даяар шууд нэвтрүүлнэ.

Монгол улсын төр засаг, спортын дээд байгууллага, спортын холбоод, олимпийн зөвлөлийн удирдлага, МҮОХ-ны гишүүд, олимпийн медальтнууд, хамтран ажилладаг түншүүд энэ ёслолд уригдсан билээ.

Уламжлал ёсоор Монголын спортын сэтгүүлчдийн саналаар шалгаруулсан оны шилдгүүддээ МҮОХ-ны хүндэт цом, шилдгийн шилдгүүддээ “Бөртэ чоно” цомыг тус тус гардуулах болно.

“Студио-600″-гийн багтаамжаас шалтгаалж, хязгаарлагдмал тооны хэвлэл мэдээллийнхэнд “Press Accreditation” олгох юм.

Та бүхэн маргааш МҮОНТ-ийн сувгаар шууд дамжуулах “Бөртэ чоно” буюу Монголын “Спортын Оскар”-ын шагнал гардуулах ёслолын торгон агшинг цэнхэр дэлгэцээр сэтгэл догдлон үзээрэй!