“Даллас” – “Кливленд” – 102:95 (25:26, 27:24, 21:17, 29:28)

Д: Томас – 22. Терри – 19. Ховард – 14.

К: Жеймс – 25. Уэст – 18.  Варежао – 13.

Дирк Новицки байхгүй ч гэсэн Даллас талбай дээрээ Кавальерсийг хожлоо. Диркийг Тим Томас орлон талбайд гарч, 22 оноо авчээ. ЛеБрон 25 оноо авсан ч 4-р үед ердөө 2-хон оноо авсан бол Шак тоглолтын турш ганц удаа л оновчтой довтолсон байна. Кавальерсийн 5 дараалсан хожил ийн зогслоо.  Далласын хувьд сүүлийн 7 тоглолтынхоо 6-д нь хожжээ. 2 баг 2-уулаа 20-8 болов.

ЛеБроны хувьд 500 дахь тоглолтондоо оролцжээ. Харамсалтай нь Оскар Робертсон ганцаараа эзэмшдэг түүхэн амжилтанд арай л хүрч чадсангүй. Оскар эхний 500 тоглолтондоо нийт 13750 оноо, 3500 самбараас авалт, 3250 оновчтой дамжуулалт хийж байсан бөгөөд ЛеБрон 3498 самбараас авалт хийсэн аж.

Даллас баг албан ёсоор НБА-д протест бичиж, Рокитстой хийсэн тоглолтыг хянаж үзэх санал тавьсан гэнэ. Тэрхүү тоглолтонд шүүгч алдаатай шүүлт хийсэн хэмээн Даллас үзжээ.

“Торонто” – “Нью-Орлеан” – 98:92 (26:22, 25:25, 25:22, 22:23)

Т: Бош – 25 + 11 самбар. Жек – 15. Туркоглу – 14.

Н: Уэст – 21 + 12 самбар. Окафор – 16 + 11 самбар. Стоякович – 12.

Торонто талбай дээрээ Хорнетсийг хожлоо. Торонтогийн хамгаалалт сайн байж, Полын багийн ердөө 39 хувьтай довтлуулжээ. Хорнетс ийн 13 зочлон тоглолтынхоо 11-т нь хожигдов. Пол өмнөх Денвертэй хийсэн тоглолтонд 30 оноо, 19 оновчтой дамжуулалт хийж байсан бол энэ удаа 10 оноо, 7 оновчтой дамжуулалт хийжээ.

Рэпторс өрсөлдөгч багаа 100-аас бага оноо авсан тоглолт бүрт хожоод байна.

“Бостон” – “Миннесота” – 122:104 (34:19, 32:22, 26:31, 30:32)

Б: Пирс – 29. Аллен – 20. Т, Аллен – 15.

М: Флинн – 21. Эл Жефферсон – 20 + 11 самбар. Уилкинс – 18.

Пол Пирс нийт 29 оноо, үүний дотор 3 онооны 6 шидэлтээ бүгдийг нь оновчтой болгож, Бостон талбай дээрээ Миннесотаг хожлоо. Дорнод бүсийн манлай баг Бостон Өрнөд бүсийн хамгийн муу багийн эсрэг улирлын хамгийн их оноогоо авсан нь энэ.

Пирс нэг ч алдалгүй хамгийн олон буюу 6 удаа 3 онооны шидэлтийг нэг тоглолтонд оновчтой болгосноороо Дэнни Эйнж, Уолтер МакКарти нарын тогтоосон Селтиксийн дээд амжилтыг давтжээ.

Рэй Аллен бүх үеийн онооны үзүүлэлтээрээ Том Чамберсийг гүйцэн, 32-т дэвшив.
“Детройт” – “Лейкерс” – 81:93 (19:31, 19:25, 24:27, 19:10)

Д: Стаки – 16. Жеребко – 15. Виллануэва – 6.

Л: Брайант – 28. Э. Байнум – 16. Артест – 14.

Лейкерс 4 дэх дараалсан ялалтаа Пистонсийн талбайгаас авч, дараалсан 5 зочлон тоглолоо өндөрлөлөө. Коби багаа тэргүүлэн 28 оноо авсан байна. Бямба гаригт Нетстэй тоглоод, Детройтод зочид буудалд ирэхэд шөнийн 4 цаг болж байж. Коби лав үүрээр 6-д унтсан гэнэ. Энэ бол НБА. Зочлон тоглолтууд ямагт хэцүү байдаг, тоглогчдыг ядраадаг. Гэхдээ Пистонсийн Чаки Аткинс: “Энерги, ядралт энэ багийн хувьд проблем биш. Хэрэв Коби ядарвал Газоль тэнд байгаа. Газоль ядарсан үед Артист тоглож чадна. Дараа нь Байнум байна, бас Фишер гарч ирээд 3 онооны 2 оновчтой шидэлт хийчихнэ. Ламар Одомийг нөөцнөөс гаргаад ирж чадна ”  гэжээ.

Пистонсийн Хэмилтон, Гордон, Принц нар гэмтэлтэй, тоглохгүй хэвээр.

“Майами” – “Портленд” – 95:102 (25:21, 23:24, 21:26, 26:31)

М: Дуэйн Уэйд – 28 + 10 самбар. Ричардсон – 22. Бизли – 17.

П: Рой – 28. ОлдриЖ – 23. Миллер – 17.

Рой сүүлийн 4 минут хагасын хугацаанд нийт 11 оноо авч, Портлэнд Майамиг талбай дээр нь хожлоо. Рой тэр хугацаанд 4 довтолж, 4-үүлэнг нь амжилттай болгосны дотор Уэйдийн өмнөөс оновчтой шидсэн холын шидэлт нь багтана.

Хит 49 хувьтай шидэж, ердөө 7-хон удаа ТО хийсэн ч хожигдлоо.

“Нью-Йорк” – “Шарлотт” – 98:94 (16:14, 35:31, 25:25, 22:24)

Н: Чандлер – 26. Галлинари – 21. Д. Ли – 15.

Ш: Фелтон – 27. Т. Чандлер – 13 + 14 самбар. Мюррей – 12.

Уилсон Чандлер 26 оноо, Данило Галлинари 21 оноо, мөн сүүлийн мөчид тун чухал блок шот хийснээр Никс талбай дээрээ Бобкэтсийг хожлоо. Никс сүүлийн 8 тоглолтынхоо 6-д нь ийн хожив. Мягмар гаригт эдгээр багууд тоглоход Бобкэтс төгсгөлийг тун сайн хийснээр хожиж байсан бол энэ удаа Никс даагаа нэхэж чадлаа. Түүхэндээ хамгийн муу 1-9-өөр гараагаа хийсэн ч дараах тоглолтууддаа муугүй тоглож, одоо 10-17 болоод байна, Никс.

Никсийн хамгаалагч Нэйт Робинсон өөрийг нь зарахыг багаасаа хүсчээ. Нэйт гэмтэл бэртэлгүй байгаа ч дасгалжуулагч Майк түүнийг тоглолтонд оролцуулахгүй хэвээр байгаа.

“Мемфис” – “Денвер” – 102:96 (33:19, 28:24, 19:24, 22:29)

М: Рэндолф – 32 + 24 подбора. Гэй – 19. Газоль – 14 + 13 самбар.

Д: Энтони – 41. Нене – 19. Мартин – 12.

Мемфис улирал эхэлснээс хойш талбай дээрээ зарим топ багуудыг хожиж байсан бөгөөд өнөөдөр Денверийг хожлоо. Зак Рэндольф лигийн шилдэг довтлогчийн хэмжээнд тоглож, 32 оноо, 24 самбараас авалт хийжээ. 24 самбараас авалт бол одоогийн байдлаар улирлын хамгийн өндөр үзүүлэлт.

Мемфис Денверт 8 тоглолт дараалан хожигдоод байсан цувралаа зогсоосон нь энэ аж. Улирлыг 1-8 эхэлснийхээ дараах 18 тоглолтынхоо 11-т нь хожиж байна, Мемфис.  Денверээс Мело 41 оноо авсан ч Биллапсийн эзгүй 2 тоглолтонд 2-ууланд нь хожигдлоо.

Одоогоор дивизионоо тэргүүлж байгаа багуудаас Денвер л зочлон тоглолтондоо 50-аас доош хувийн хожил аваад байна.

Новицкигүй Даллас ЛеБронтой Кавальерсийг хожлоо, 10.0 out of 10 based on 1 rating