Премьер лигийн 18-р тойрогтой холбоотой статистик, тоо баримтаас хүргэе.

2 – Манчестер Сити сүүлийн 11 тоглолтынхоо ердөө 2-т нь л хожжээ.

2 – Портсмут лигтээ Ливерпулын эсрэг хийсэн сүүлийн 12 тоглолтноос 2 дахь хожлоо авав.

3 – Тоттенхэм лигийн сүүлийн 28 зочлон тоглолтноосоо 3-т нь л клин-шит хийсэн байна.

4 – Астон Вилла 4 дараалан хожсоноос гадна эдгээр тоглолтууддаа гоол алдсангүй.

5 – Манчестер Юнайтед сүүлийн 19 зочлон тоглолтынхоо 5-д нь гоол хийж чадаагүй хожигджээ.

5 – Аврам Грантийн удирдсан баг Рафаель Бенитезийн удирдсан багийн эсрэг 5 тоглохдоо нэгэнд нь ч хожигдоогүй.

5 – Фулхэмийн довтлогч Бобби Замора сүүлийн 4 тоглолтонд 5 гоол хийлээ.

6 – Вест Хэм улирал эхэлснээс хойш торгуулийн 6 цохилтоо бүгдийг нь оновчтой болгоод байгаа.

7 – Эвертон лигтээ Бирмингемд сүүлийн 7 тоглолтондоо хожигдоогүй.

7 – Бёрнлигийн өрсөлдөгч баг нь эхэлж гоол хийсэн сүүлийн 9 тоглолтын 7-д нь хожигджээ.

9 – Вульвсийн босс Мик МакКарти Бёрнлигийн эсрэг тоглолтонд өмнөх тоглолтын гарааны бүрэлдэхүүнд гарсан 9 тоглогчоо сольсон байна.

10 – Челси лиг, цомын тэмцээнүүдэд Вест Хэмд сүүлийн 10 тоглолт дараалан хожигдоогүй.

10 – Вульвс – Бёрнлигийн хооронд болсон сүүлийн 10 тоглолтын нэг нь ч тэнцээгээр өндөрлөөгүй.

11 – Арсенал талбай дээрээ хийсэн сүүлийн 13 тоглолтынхоо 11-т нь хожжээ. Эдгээр 11 хожил бүр нь доод тал нь 2 гоолын зөрүүтэй хожил байж.

12 – Вест Хэм талбай дээрээ хийсэн сүүлийн 12 тоглолтондоо клин-шит хийсэнгүй.

13 – Сэр Алекс Фергюсоныг Манчестер Юнайтедийн менежерээр 23 жил ажиллах хугацаанд Манчестер Ситиг 13 дахь менежер нь удирдах нь.

18 – Челси улирал эхэлснээс хойш бүх тоглолтондоо гоол хийсэн ПЛ-ийн ганц баг.

26 – Бирмингем “Гудисон Парк”-т зочилсон сүүлийн 26 тоглолтондоо хожоогүй.

34 – Вульвс – Бёрнли багууд 1975 оноос хойш анх удаа дээд дивизионд учраа таарав.

44 – Астон Вилла дээд дивизионд Сток Ситид 1965 оноос хойш 44 жилийн турш талбайдаа хожигдоогүй.

100 – Эшли Коул Челсигийн төлөө ПЛ-т 100 дахиа тоглов.

101 – Халл Сити ПЛ-т 101 дэх гоолоо алджээ.

200 – Рикарду Карвалью Челсигийн төлөө 200 дахь тоглолтоо хийжээ.

300 – Астон Виллагийн Люк Янг лигтээ 300 дахь удаагаа гараанд гарчээ.

450 – Фрэнк Лампард Челсигийн төлөө 450 тоглолтоо хийв.

564 – Марк Хьюз Манчестер Ситигийн менежерээр 564 хоног ажиллаад халагдсан байна.

600 – Блэкбэрн ПЛ-т нийт 600 дахь, талбай дээрээ 300 дахь тоглолтоо хийж, харамсалтай нь Тоттенхэмд хожигдлоо.

600 – Жейми Каррагер Ливерпулын төлөө 600 дахь тоглолтоо хийв.

2,000 – Бёрнли дээд дивизионд 2000 дахь тоглолтоо хийлээ.